सात महिनाकी गर्भवती भन्छिन्, ‘मर्न र मारिन चाहान्न’


प्रकाशित मिति :2020-06-14 16:09:10

–महिला खबर–

ललितपुर । बन्दाबन्दीको समय । घरबाहिर कतै जान सम्भव छैन । तराईंको प्रचण्ड गर्मी । त्यसैमा दुई जिउकी उनी बिरामले थला परेकी छन् । औषधि ल्याइदिने र तातो चिसो खान्छौं कि ? भनेर सोधिदिने कोही छैन । अनि घरिघरि चिनेजानेका र नाम चलेका अधिकारकर्मी र पत्रकारको नाम, नम्बर खोज्दै फोन गर्छिन् र भन्छिन्, ‘मलाई न्याय दिलाउन सहयोग गरिदिनुस् । मेरो गर्भको शिशुलाई जन्माउन चाहान्छु । मर्न र मारिन चाहान्न ।’

उनी सुत्केरी हुने दिन आउन डेढ महिना पनि छैन । डाक्टरले साउनको १५ गते सुत्केरी हुने दिन तोकेका छन् । जतिजति सुत्केरी हुने दिन नजिकिँदै छ, आफ्नो मन र शरीर भने गल्दै र थाक्दै गइरहेको आभास हुने थालेको उनले महिला खबरलाई बताइन् ।

‘दुई दिनदेखि लगातार बान्ता भइरहेको थियो । खाना पनि बनाउन सकिन । आज बल्लतल्ल उठेर मेडिकल पुगें । गर्मीले होला भनेर औषधि दिएका छन् । अहिले औषधि खाएर आराम गरिरहेकी छु’ उनले भनिन्, ‘त्यसैमाथि अस्पताल पुग्ने अवस्था छैन । कहाँ देख्छन् र मारिदिन्छन् भन्ने चिन्ताले मुख छोपेर गएँ ।’

जनकपुरकी उनी भर्खर २० वर्षकी पुगिन् । काठमाडौंमा ११ कक्षा पढ्दै गर्दा धनुषाको महेन्द्रनगर घर भएका २० वर्षका शिवराज श्रेष्ठसंग प्रेममा परेपछि काठमाडौं छोडेर जनकपुर पढ्न थालिन् । र एक अर्कासंगको भेट बाक्लिन थाल्यो ।

शिवराज श्रेष्ठसंग उनी ।

प्रेम गाढा हुँदै गएपछि उनीहरूले केही समय पछि बिहे गर्ने योजना बनाए । बिहे गर्ने नै पक्का भएपछि शिवराजले अहिले शारीरिक सम्बन्ध राख्न किन नहुने ? भन्दै प्रस्ताव गर्न थाले । शिवराजको प्रस्ताव केही समयसम्म भोलि पर्सी गर्दै टारेकी उनले अन्ततः धेरै दिन टार्न सकिनन् । भविष्यको हुनेवाला श्रीमान्, अहिलेको माया गर्ने प्रेमी । उनलाई शिवराजभन्दा राम्रो र मायालु अरु पनि कोही केटा होलान् र ? जस्तो लाग्न थाल्यो । ‘अनि जनकपुरमा पटकपटक शारीरिक सम्बन्ध भयो । डेढ वर्षको सम्बन्धमा म गर्भवती भएँ । गर्भ रहेको थाहा पाएपछि भने उ बेपत्ता छ ।’ उनले महिला खबरसंगको कुराकानीमा बेलिविस्तार लगाइन् ।

अति माया र ख्याल गर्ने मान्छे यसरी धोका दिन्छ भन्ने उनले सोचेकी पनि थिइनन् । किनकी शिवराजसंग भेट भएको केही समयपछि उनले हुनेवाला श्रीमती भन्दै आफ्नो घर लगेर परिवारसंग परिचय पनि गराइदिए । त्यसले उनी झनै ढुक्क बनिन् । केटाको नियतमा खोट होला भन्ने सोच्दै सोचिनन् ।

तर उनी गर्भवती भएको थाहा पाएपछि शिवराजले गर्भपतन गराउने प्रस्ताव राखे । ‘मेरो पहिलो सन्तान । म कसरी उसलाई नजन्मिदै मार्न सक्छु ? मैले गर्भपतन गर्न सक्दै सकिन । जे जे पर्छ सहन्छु भन्दै गर्भ नफाल्ने निधो गरें’ उनले थपिन्, ‘माया गर्छु भन्ने मान्छेबाट यतिसम्म धोका हुन्छ भन्ने सोचेकै थिइन । उ र उसको परिवारले मसंग खेलवाड गरेको रहेछ ।’

शिवराज आफूलाई अलपत्र छोडेर गएपछि त्यो कुरा उसको परिवारलाई भन्दा उनकी आमा राधा श्रेष्ठले फोन गरेर पटकपटक गर्भ तुहाउन दवाव दिएको उनले बताइन् ।

यस्तै आफू शिवराजसंगको प्रेम सम्बन्धमा रहँदा गर्भवती बनेको र अहिले शिवराज सम्पर्कमा नरहेको कुरा आफ्ना आमाबुबालाई भन्दा आमाबुबाले पनि गर्भ फाल्न र अर्को केटासंग बिहे गर्न दवाव दिएपछि घर जाने बाटो पनि बन्द भएको उनले बताइन् ।

आमाबुबाको लाडप्यारमा हुर्किएकी उनी सुत्केरी हुने बेलामा अहिले बेसहारा छिन् । गर्भवती भएको थाहा पाएदेखि नै शिवराजको परिवारका सदस्यबाट गर्भ फाल्ने दवाव मात्रै होइन, नमाने जे पनि हुने धम्की आइरहन्छ । अहिले पनि हरेक दिन नयाँ नयाँ नम्बरबाट केटाको आवाजमा फोन आउँछन् । अश्लील शब्द बोल्छन् । धम्की दिन्छन् र फोन काट्छन् । त्यो कुरा प्रहरीलाई भन्दा कुनै वास्ता हुन्न ।

उनले रुँदै भनिन्, ‘मेरो लागि जन्म दिने आमाबुबा र माया गर्छु भन्ने मान्छे नै टाढा भइदिए । मेरो भाग्य यस्तै रहेछ । बच्चाको भाग्यले अबको बाटो निर्धारण गर्छ होला ।’

उनी फागुनदेखि एक जना साथीको घरमा मासिक तीन हजार भाडा तिरेर कोठामा बसेकी छन् । पढ्दै औषधि पसलमा काम गरेर जोगाएको पैंसाले दाल भात त पुगेको छ । फलफूल र पोषिलो खानेकुरा किन्दा भात खान नपाइएला भन्ने पीर छ । तर अब त्यही पैंसा पनि सकिन थाल्यो । कोठा भाडा नतिरेको पनि तीन महिना भइसक्यो । ‘झण्डै घरबेटी मनकारी रहेछन् । अहिले भाडा नदिए पनि हुन्छ भनेका छन् । दिने त अवस्था पनि छैन’ उनले सुनाइन् ।

आफूलाई बिहेको आश्वासन दिई गर्भवती बनाएर छोड्ने शिवराजविरुद्ध जिल्ला प्रहरी कार्यालय धनुषामा उजुरी दिए पनि राजनीतिक दवाव र प्रभावमा परेर प्रहरीले कुनै वास्ता गरेको छैन ।

केही गरि सिकिस्त बिरामी भए, थला परे वा सुत्केरी व्यथा नै लाग्यो भने अस्पतालसम्म कसरी जाने र कसलाई भन्ने पनि उनलाई थाहा छैन । उनले रुँदै भनिन्, ‘मेरो लागि जन्म दिने आमाबुबा र माया गर्छु भन्ने मान्छे नै टाढा भइदिए । मेरो भाग्य यस्तै रहेछ । बच्चाको भाग्यले अबको बाटो निर्धारण गर्छ होला ।’

यस्तै आफ्नो न्यायका लागि आवाज उठाइदिन जिल्लामा रहेका अधिकांश गैरसरकारी संस्था र अधिकारकर्मीकोमा धाएकी उनले गर्भ फाल्नुबाहेकको कुनै सल्लाह र सहयोग नपाएपछि भगवान भरोसामा गर्भमा हुर्कँदै गरेको शिशुको सुखद् आगमन कुर्नको विकल्प नदेखेको बताइन् । ‘मेरो लागि कोही भएनन् । नाम चलेका व्यक्ति र एनजीओले पनि मलाई गर्भ फाल्न दवाव दिए’ उनले भनिन्, ‘धोका दिनेलाई कार्वाही हुनुपर्छ । म र मेरो बच्चाले न्याय पाउनु पर्छ भनेर कसैले सोचेनन् । के गर्भको शिशुलाई जीवन दिने आट गरेर मैले अपराध गरे त ? यदि यो अपराध हो भने म यसको भागिदार हुन राजी छु । बच्चा जन्माएका कारण आमाले सजाय पाउनु पर्छ भने म अपराधी आमा हुन तयार छु । बस् म मर्न र मारिनचाहिँ चाहान्न ।’

    Comment Here!

Related NEWS
मुख्य खबर

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

जसले नयाँ जीवन पाए

–उन्नती चौधरी– सेफ हाउसमा आउने हिंसा प्रभावित महिलाहरू मध्ये पाँच प्रतिशत महिलाहरू पनि छैनन्, जसलाई मनोसामाजिक

सुस्मिताको ससुराबाट बलात्कार पछि परिवारले हत्या गरेको प्रहरी खुलासा

हत्या आरोपमा ससुरा, सासू, नन्द र आमाजू सार्वजनिक ।

Read more
ताजा अपडेट
© 2015.All rights reserved by mahilakhabar.com
%d bloggers like this: