घर निकाला भएकी मैनाको आफन्त र उपचार अभावमा ज्यान जोखिममा


प्रकाशित मिति :2020-02-18 16:07:56

-आशिष प्रताप मल्ल-

बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना दमाई उपचार अभावमा अस्पतालको बेडमा छट्पटाइरहेकी छन् ।

बाजुराको बडिमालिका नगरपालिका ९ बस्ने ४५ वर्षीया मैना दमाई उपचार अभावमा अस्पतालको बेडमा छट्पटाइरहेकी छन् ।

मधुमेहबाट थला परेकी उनीलाई जिल्ला अस्पताल बाजुराले थप उपचारका लागी सेती प्रादेशिक अस्पताल धनगढी लैजान रिफर गरेको थियो । तर आर्थिक स्थिती कमजोर भएकाले उनी धनगढी जाने अवस्थामा छैन ।

थला परेकी मैनालाई स्थानीय शिक्षकको सहयोगमा जिल्ला अस्पताल पुर्‍याइको थियो । अस्पतालमा १ हप्ता उपचार गरे पनि उनको रगतमा सुगरको मात्रा धेरै रहेकोले थप उपचारका लागि रिफर गरिसकेको जिल्ला अस्पताल बाजुराका प्रमुख डा. रुपचन्द्र विश्कर्माले बताए।

सामान्यतया मानिसमा सुगरको मात्रा ७० देखि १ सय ४० सम्म हुन्छ, तर उनको शरीरमा त्यो मात्रा बढेर ३ सय भन्दा बढि पुगेको अस्पतालकी नर्स मनदेवी पाध्यायले बताइन् ।

बाजुरा अस्पतालले मधुमेहको ट्याब्लेटमार्फत उनको उपचार गरिरहेको छ। तर उनको अवस्था जटिल भइसकेकाले सुईमार्फत उपचार गर्नुपर्ने र त्यो यहाँ सम्भव नभएको अस्पतालका प्रमुख डा. विश्वकर्माले बताए ।

अहिले मैना अस्पतालको शैयामा मृत्यु कुरिरहेकी छन्। उनी बोल्नसमेत सक्दिनन् ।

मैनाबाट सन्तान नभएपछि उनका श्रीमान् बलबहादुर नेपालीले अर्को बिहे गरेको गाउँलेले बताए ।

विवाह गरेको १३ वर्षसम्म सन्तान नभएपछि श्रीमान्ले ३ वर्ष पहिले दोस्रो बिहे गरेपछि मैना माइत बस्दै आएकी थिइन् ।

होटलमा भाडा माझेर दैनिक गुजारा गर्दै आएकी उनी गएको कार्तिक महिनाबाट मधुमेह रोगका कारण थला परेको थाहा भएको छ ।

अहिले मैनालाई अस्पतालमा अलपत्र रहेको खबर पाएपछि बडिमालिका नगरपालिकाको महिला शाखाले उपचारका लागि पहल गरिरहेको सहायक महिला विकास निरीक्षक बिन्दु बडालले बताइन् । उनलाई आर्थिक सहयोग जुटाउन र उनीसँग धनगढीसम्म जाने अभिभावकको खोजी गर्न समन्वय गरिरहेको पनि बडालले बताइन् ।

    Comment Here!

Related NEWS
मुख्य खबर

टेकु अस्पतालमा कोरोना संक्रमितको उपचारमा व्यस्त डाक्टर छोरीकी आमाको मनोविज्ञान

-उजिर मगर- काठमाडौं । ‘आमा’ । सबैको सबैभन्दा यो प्यारो शब्द । आमाको दशधार दुध चुसेर भौतिक

काठमाडौं महानगरपालिकाले मजदुरको लगत संकलन गर्ने

ललितपुर । काठमाडौं महानगरपालिकाले विपन्न, असहाय र दैनिक ज्यालादारी मजदुरको लगत संकलन गर्ने भएको छ

जीवन पुतली खेले जस्तो हुन्न

-बिमला तुम्खेवा- बमबम खोलाको ओरलै ओरालो भिरैभिर निक्कै तल पुगपछि पुगिन्छ दिदीको जन्मघर जहाँ बिताईन् उनले आमाको काखमा

कोरोनाको शंका लाग्यो ! १११३ मा फोन गर्नुस्

ललितपुर । स्वास्थ्य तथा जनसंख्या मन्त्रालयले आजबाट नयाँ हटलाइन नम्बर सञ्चालनमा ल्याएको छ ।

गर्भवतीको उद्धार गरी काठमाडौं ल्याइयो

-महिला खबर- ललितपुर । अत्याधिक रक्तश्राव भएकी खोटाङकी एक गर्भवती महिलाको हवाई उद्धार गरी उपचारका लागि

Read more
© 2015.All rights reserved by mahilakhabar.com
%d bloggers like this: