सन्त भ्यालेन्टायनको बकपत्र


प्रकाशित मिति :2020-02-14 11:06:40

इन्दिरा प्रसाई

एक अर्काका आवरणमा रगरगाउने
क्षणिक आकर्षणमा मर्ने र बाँच्ने
प्रेमका कलङ्क झैँ
एक अर्काका तृष्णामै मात्र डुबिरहने
ए प्रेमका स्याउँस्याउँती किराहरू !
मेरो पवित्र नाउँमाथि खेलवाड नगर,
मेरो अमर नाउँलाई वदनाम नगर ।

मेरो प्रेमको तपस्या र तिलाञ्जलीलाई
लोगो र व्यापार बनाउनेहरू
भो मेरो व्यापार नगर,
रातो गुलाफभित्र
निहीत स्वार्थ लुकाउँदै
मेरो नाउँ धमिल्याउनेहरू
भो फूलको अतिक्रमण बन्द गर ।

लोभी, भोका र अन्धा प्रेमीहरूको
शिरको ताज बन्नु छैन मलाई,
युगौँदेखिको मेरो चाहको परिणाम
साँचो प्रेमका लागि तिरोहित
मेरो वलिदान
खरानी बनाउनु छैन मलाई
यस शहरको
दुर्गन्धित वाग्मतीको ढलमा
पवित्र अस्तु झैँ भएर
प्रत्येक पल बगिरहेको
मेरो प्रेमको अस्मिता
हेर्नु छैन मलाई ।

भो म हेर्न सक्दिन
तिम्रो यो प्रेमलीला !

सावधान ए कुटिल प्रेमीहरू!
म कर्फ्यू लगाउँदै छु
सैनिक पठाउँदै छु ।

भित्र्याँसमा मुर्दावाद बोकेर
बाहिर बाहिर
जिन्दावादको नारा घन्क्याउन पाइन्न
बन्द गर यो हस्तक्षेपको संसार !
बन्द गर यो प्रेमको नाटक !
बन्द गर यो देह बजार !

©इन्दिरा प्रसाई

    Comment Here!

Related NEWS
मुख्य खबर

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

जसले नयाँ जीवन पाए

–उन्नती चौधरी– सेफ हाउसमा आउने हिंसा प्रभावित महिलाहरू मध्ये पाँच प्रतिशत महिलाहरू पनि छैनन्, जसलाई मनोसामाजिक

सुस्मिताको ससुराबाट बलात्कार पछि परिवारले हत्या गरेको प्रहरी खुलासा

हत्या आरोपमा ससुरा, सासू, नन्द र आमाजू सार्वजनिक ।

Read more
ताजा अपडेट
© 2015.All rights reserved by mahilakhabar.com
%d bloggers like this: