बडीमालिकाको वडा नम्बर ९ छाउगोठमुक्त हुँदै


प्रकाशित मिति :2020-02-10 11:27:45

बाजुरा । जिल्लाको बडीमालिका नगरपालिका वडा नं ९ आउँदो फागुन ३ गते छाउगोठमुक्त वडा घोषणा हुने भएको छ ।

वडाभित्रका महिलाहरू छाउ (महिनावारी) भएको बेला परिवारसंगै घरभित्र सुरक्षित बस्न थालेपछि वडालाई छाउगोठमुक्त वडा घोषणा गर्ने तयारी गरिएको वडा अध्यक्ष विनोद कुमार विकले जानकारी दिए ।

शुक्रबार बडीमालिका ९ मा भएको सर्वपक्षीय बैठकले वडाभित्रका महिनावारी हुने महिला र छाउगोठको अवस्था अध्ययनका लागि ३ वटा अनुगमन टोली खटाउने निर्णयसमेत गरेको छ । जसमा वडाभित्र रहेका चौराटा, उखाडी र बडुवालबाडामा बडीमालिका नगरपालिकाकी नगरप्रमुखको संयोजकत्वमा वडा अध्यक्ष विनोद कुमार विक, गिफ्ट बाजुराका प्रवन्धक कृष्ण अधिकारी, नागरिक रैबारका कार्यकारी सम्पादक मदन वि.क., रेडियो बाजुराका रमित विक र दुईजना प्रहरीले अनुगमन गर्ने भएका छन् ।

बाउली, रतुडा र झराउले बस्तीका लागि वडा सदस्य लालबहादुर नेपालीको संयोजकत्वमा सहास नेपालका परियोजना अधिकृत देसिन्द्र राई, रेडियो बार्जुका नन्दा थापा, रेडियो पौरखीका रामबहादुर विक र दुईजना प्रहरी अनुगनममा जाने भएका छन् ।

त्यस्तै वडा नं. ९ को बजार क्षेत्रमा वडा सदस्यको संयोजकत्वमा रासस प्रतिनिधि प्रेम रौले, नजिक न्युजका प्रमित विक, गैसस बाजुरा अध्यक्ष अग्नि शाही र दुईजना प्रहरी खटाईने बडीमालिका नगरपालिका ९ ले जनाएको छ ।

बडीमालिका नगरपालिका भित्रका ९ मध्ये ४ वडाहरु यस अघि नै छाउगोठ मुक्त घोषणा भईसकेका छन् भने बाँकी ५ वटा वडा यसै वषैभित्र छाउगोठमुक्त वडा घोषणा गर्ने तयारी भईरहेको बडीमालिका नगरपालिकाले जनाएको छ ।

    Comment Here!

Related NEWS
मुख्य खबर

काखमा बच्चा बोकेकी महिलामाथि प्रहरीद्वारा निर्घात कुटपिट(हेर्नुहोस् भिडियो)

बच्चा बोकेकी महिला हेमा श्रेष्ठ हुन् भने उनलाई कुटपिट गर्ने प्रहरी प्रभाग भैंसेपाटी ललितपुरका इन्स्पेक्टर

महिला टी–२० को फाइनल हेर्नेको संख्या ठूलो हुने

ललितपुर । महिला टी–२० विश्वकपको फाइनल हेर्न ठूलो सङ्ख्या दर्शक उपस्थित हुने भएका छन् ।

बालिका बलात्कार गर्ने पक्राउ

धनुषा । बालिका बलात्कार गरेको आरोपमा प्रहरीले नगराइन नगरपालिका ७ देवडिहाका २५ वर्षीय दिलसाज नदाफलाई

म ननभर्जिन केटी

–उन्नती चौधरी– छोरी मान्छेमा मात्रै खोजिने भर्जिनिटी भन्ने चिज छोरा मान्छेमा चाहिँ किन खोजिन्न होला

सुस्त मनस्थिति भएकी किशोरी बलात्कृत

बझाङ । जिल्लाको दुर्गाथलीमा सुस्त मनस्थिति भएकी किशोरी बलात्कृत भएकी छन् । किशोरी गर्भवती भएको

Read more
ताजा अपडेट
© 2015.All rights reserved by mahilakhabar.com
%d bloggers like this: