अछामः यी हुन् छाउगोठमा ज्यान गुमाउने १४ महिला


प्रकाशित मिति :2019-12-03 13:28:07

–महिला खबर–

ललितपुर । अछाममा महिनावारीका बेला छाउगोठमा बसेकी एक महिलाको मृत्यु भएको छ । जिल्ला प्रहरी कार्यालय अछामका प्रमुख प्रहरी नायब उपरीक्षक (डीएसपी) जनक शाहीका अनुसार अछामको साँफेबगर नगरपालिका–३, सिद्देश्वरकी २१ वर्षीया पार्वती बुढा रावतको छाउगोठमा मृत्यु भएको हो ।

मूलघरबाट एक सय मिटर जति टाढा रहेको सानो छाउ घरमा सोमबार बिहान बुढाको शव भेटिएको हो । बिहान साढे सात बजेसम्म पनि उनी गोठबाट ननिस्किएपछि मृतक रावतका जेठाजु उनलाई बोलाउन गएका थिए । त्यसपछि पनि केही प्रतिक्रिया नपाएपछि उनैले ढोका फोडेका थिए । त्यसरी हेर्दा भाइबुहारीको मृत्यु भएको देखेपछि उनले वडा अध्यक्षलाई खबर गरे । त्यसपछि वडा अध्यक्षले नजिकको प्रहरी चौकीमा खबर गरिदिएका थिए ।

मृतकका पति ६ महिनादेखि भारतको मुम्बईमा रहेको बताइएको छ ।

पछिल्लो १० वर्षको अवधिमा अछाममा छाउगोठमै ज्यान गुमाउने महिलाको संख्या १४ पुगेको छ । महिनावारी भएका बेला छाउगोठमा बसेका महिलाको निसास्सिएर, सर्पले टोकेर र आगोले पोलेर मृत्यु भएको देखिन्छ ।

मृत्यु हुने महिला र स्थान

पार्वती बुढा रावत– सिद्देश्वर
पार्वती बुढा – तुर्माखाद
गौरी बुढा – तुर्माखाद
रोशनी तिरुवा – गाज्रा
डम्मरा उपाध्याय – तिमिल्सैन
शर्मीला भूल – रिडिकोट
लक्ष्मी बुढा – ढकारी
झुमादेवी शाही – बारला
डिक्रादेवी ढकाल – वीरपथ
रतनदेवी विक – पायल
झुप्री ढोली – पायल
पार्वती दमाई – पायल
हंसा जैशी – नाडा
हंसदेवी जोशी – रानीवन

मुलुकी अपराध (संहिता) ऐनको दफा १६८ (३) मा रजस्वला वा सुत्केरीको अवस्थामा छाउगोठमा राख्ने वा अन्य भेदभाव, छुवाछुत वा अमानवीय व्यवहार गर्न नहुने उल्लेख गरिएको छ।

यस्तो कसुर गरेको ठहर भए तीन महिनासम्म कैद वा तीन हजार रुपैयाँसम्म जरिबाना वा दुवै सजाय हुनसक्ने व्यवस्था कानुनले गरेको छ।

अछाममा १० नगरपालिकाका ९१ वटा वडामध्ये ३१ वटा वडालाई छाउपडी मुक्त घोषणा गरिएको छ ।

    Comment Here!

Related NEWS
मुख्य खबर

लुटपाटपछि वृद्धा बलात्कार गर्ने युवक पक्राउ

श्रीमान्को मृत्युपछि घरमा एक्लै बस्दै आएकी वृद्धालाई माघ ३ गते राति साँढे आठ बजे बलात्कार

संसार सुन्दर हुनुमा महिला कुशल व्यवस्थापक भएर होः एसएसपी सिंह

सामाजिक, आर्थिक, राजनैतिक, सांस्कृतिक विविध पक्षबाट महिला सशक्त हुन जरुरी ।

फुटवल प्रतियोगिताको उपाधी जनतालाई

इटहरी । इटहरी उपमहानगरले आयोजना गरेको अन्तरविद्यालय स्तरीय छात्रा फुटवल प्रतियोगिताको उपाधी जनता माध्यमिक विद्यालय

अधिकारकर्मी पक्राउ

–महिला खबर– ललितपुर । नयाँ सभामुख अग्निप्रसाद सापकोटाको सपथ ग्रहण कार्यक्रमको विरोध गर्न गएका अधिकारकर्मी

जाल्पादेवी छाउगोठ मुक्त

-कल्पना वोहरा- अछाम । साँफेबगर नगरपालिका वडा नम्बर २ जाल्पादेवीलाई आज छाउगोठ मुक्त वडा घोषणा

Read more
ताजा अपडेट
© 2015.All rights reserved by mahilakhabar.com
%d bloggers like this: