नितान्त, एक्लो म


प्रकाशित मिति :2019-12-01 12:16:10

ती छिप्पीएका हातहरू, मेरा भर्खरै जन्मेका छातिहरूमा दौडिरहँदा
त्यो असाध्यै दुखाईमाथि म बारम्बार छट्पटाईरहँदा
कठै तलाई कस्तो गाह्रो भयो भनेर सान्त्वना दिने कोही भएनन्
आफ्नो भनेर भरोसामा पछि लागेकी म सोझी छोरीलाई, छोरीको साईनो नै तोड्ने त्यो नरपशुलाई एक लात दिएर ढाल्ने कोही भएनन्,
त्यसैले त मैले सहँदै गएँ, उसले अन्याय गर्दै रह्यो
म मर्र्दै गएँ, उ छाती फुकाएर हिँडिरह्यो ।

ढाडमा थप्थप्याउँदै स्यावासी दिने निहुँमा, मेरा ब्रा का फिताहरूमा उसका हातहरू घुमिरहँदा
ती हातले स्याबासी भन्दा कैयौं गुना बढी मेरो आत्मालाई रुवाईरहँदा
कठै ती आत्मामा कति चोट पुगे होलान भनेर मेरो आत्माको पुकार सुन्ने कोही भएनन्
कक्षा कोठामै जुरुक्क उठेर उसलाई एक झापड लाउन शाहस दिने कोही भएनन्
त्यसैले त मैले सहिरहेँ, आत्मालाई रुवाईरहेँ
उसले भने मलाई जस्तै मेरा सबै साथीहरूलाई छुने आँट गरीरह्यो, अनि अझै गर्व गरेर हिँडिरह्यो ।

हिरा दाहाल

शरीरमा कसैको हात सल्बलाएको आभास भई निन्द्राबाट भल्याँस्स ब्यूँझदा
कल्पनै गर्न नसकिने त्यस्तो मान्छे मेरो आँखा अगाडिबाट फुत्त भाग्दा,
ज्यूँदो लास बनेको मेरो शरीरलाई ब्यूँताउने कोही भएन,
ओछ्यानबाट जुरुक्क उठेर गाला चड्काई दे भनेर ढाडस दिने कोही भएन,
त्यसैले त म ढुंगोसरह रोकिरहेँ, आतिईरहेँ अनि आगोसरह जल्दै रहेँ,
उ भने पवित्र ब्यक्ति बनेर बाँचिरह्यो,
म जस्ता कैंयौं छोरीहरूलाई शिकार बनाईरह्यो,

ठेलमठेल गाडीमा कोच्चिएर रिङ्गरोडको यात्रा गरिरहँदा
उसका हातहरू बारम्बार मेरा संवेनलशिल अंगहरूमा दौडिईरहँदा
कठै मलाई कति अत्यास लाग्यो होला भनेर सान्त्वना दिने कोही भएन,
उसलाई च्याप्प समातेर पाता कसीदिन सघाउने कोही भएन,
त्यसैले म काँपिरहेँ, आत्तिरहेँ र बसबाट कहिले झर्न पाईएला भनेर हतारिरहेँ,
उ भने अझै हिम्मत गरि बसिरह्यो, अरु दिदीबहिनीहरूलाई समेत दुब्र्यवहार गरिरह्यो,
र ढक्क छाती फुलाएर असल मानिसको परिचय दिई बाँचिरह्यो ।

जति दबाउनु थियो, दवाईसकेँ ती पीडाहरूलाई
जति दुखाउनु थियो दुखाईसकेँ, ती आत्माहरूलाई
अब पाउने छैनन् ती नरपिचाशले गिद्धे आँखा लाउन
ती तर्सनेछन् केटीहरूलाई बस्तुको रुपमा व्यवहार गर्न ।

किनकि,
अब हामीमा पनि शाहस बढेको छ,
अन्याय विरुद्ध लड्दा साथ दिनेहरूको जमात छ,
हिंसारहित समाज बनाउने हातहरू बढेको छ,
अनि, हिंसारहित जीवन जिउन पाउने आधार बनेको छ,
अन्याय विरुद्ध लड्ने आँटहरू बढेको छ ।

(दाहाल, छोरी संस्थाका संस्थापक तथा कार्यकारी निर्देशक हुनुहुन्छ ।)

    Comment Here!

Related NEWS
मुख्य खबर

अब भन्नुस् कसरी काम गर्ने ?

-सुनिता बराल- तर अहिलेको यो परिस्थितिमा पत्रकासँग जो सुकै किन डराईरहेका छन् ?

महिला हिंसा अन्त्य गर्न पुरुषलाई सचेत गरिनेः मन्त्री गुरुङ

बैठकमा बोल्दै नेपाली काँग्रेसका नेता एवम् पूर्वमन्त्री एनपी साउदले गाउँगाउँमा महिला हिंसा हुन नदिन सरकारको

कोभिडमा छायामा पारिएको यौन तथा प्रजनन् स्वास्थ्य अधिकार बारे अनलाइन वेबिनार हुँदै

–महिला खबर– कार्यक्रममा युवा नेता तथा नेपाली कांग्रेसका सांसद गगन थापा, नेकपाका सांसद विद्या भट्टराई, सांसद

सरकार समक्ष ओरेकको नौं बुँदे अपिल

–महिला खबर– ललितपुर । महिला अधिकारको सम्मान, संरक्षण र प्रवद्र्धनका लागि ओरेकले सरकार समक्ष नौं

अर्थमन्त्री ज्यू, माइतीघर मण्डलाको घेरा तोड्नै पर्ने हो र ?

-भुमिका श्रेष्ठ- आखिर यस्तो कि न त ? तपाईंको १४ खर्ब ७४ अर्ब ६४ करोडको बजेटमा

Read more
ताजा अपडेट
© 2015.All rights reserved by mahilakhabar.com
%d bloggers like this: