हिंसापीडितका लागि सात करोडको आश्रयस्थल


प्रकाशित मिति :2019-11-25 16:21:44

-महिला खबर-

ललितपुर । काठमाडौँको उत्तरी भेग मुलपानीमा हिंसामा परेका महिलाहरूका लागि आश्रयस्थल बनेको छ । करिब डेढ रोपनी क्षेत्रफलमा सात करोड रुपैयाँको लागतमा आश्रयस्थल निर्माण गरिएको हो ।

लैंगिक हिंसामा परेका महिलालाई आवास, मेडिकल र मनोसामाजिक एवं कानूनी परामर्श उपलब्ध गराउने लक्ष्य राखेर एपेरियन नामक गैर सरकारी संस्थाले आश्रयस्थल निर्माण गरेको हो । उक्त स्थलमा तीन वटा भवन निर्माण गरिएका छन् ।

लैंगिक हिंसा विरुद्ध १६ दिने अभियानको अवसर पारेर आजदेखि सञ्चालनमा ल्याएको उक्त भवन डेढ वर्षको समयावधीमा निर्माण सम्पन्न गरिएको हो । जसमा व्यवसायिक तालिम कक्ष, स्वास्थ्य परीक्षण कक्ष, परामर्श कक्ष, आवाश कक्ष गरी गरी ३० कक्ष छन् ।

२० जना महिला तथा १५ बालबालिका अटाउन सक्ने क्षमता रहेको आश्रयस्थलमा स्थानीय तह, महिला हिंसा विरुद्ध क्रियाशील संस्था तथा प्रहरीको सिफारिसमा पीडित महिलालाई आश्रय दिइने व्यवस्था गरिएको छ ।

पीडित पक्षलाई सम्बन्धित घर परिवारमा मेलमिलाप, व्यवसायिक तालिम, रोजगारीको प्रबन्ध गरी उनहरुलाई आर्थिक सशक्तिकरणका कार्यक्रम सञ्चालन गरिने उद्देश्य समेत राखिएको छ । हिंसामा परेका महिलालाई सामाजिक रुपान्तरण गर्न हाउस किपिङ, खाना पकाउने, व्युटीसियन, सुरक्षा गार्ड, बालबालिका हरचाह, मन्टेश्वरी तालीम समेत सञ्चालन गरिने जनाइएको छ ।

भवनको उद्घाटन गर्दै राष्ट्रिय मानव अधिकार आयोगका सदस्य मोहना अन्सारीले महिलामाथि आर्थिक पहुँच नभएका कारणले अधिकांश महिला घरेलु हिंसाको सिकार हुने गरेको बताइन् ।

एपेरियनका प्रमुख कार्यकारी अधिकृत प्रज्ञा राईले उक्त आश्रय स्थलमा काठमाडौँ तथा त्यस वरपर क्षेत्रका पीडितलाई सहयोग गर्ने उद्देश्य राखिएको जानकारी दिइन्।

उनले अछाम, बझाङ, बाजुरा, बैतडी, ओखलढुंगा, सिन्धुली र उदयपुरमा पनि यस किसिमको स्थल सञ्चालन गरिएको जानकारी दिइन् ।

    Comment Here!

Related NEWS
मुख्य खबर

अब भन्नुस् कसरी काम गर्ने ?

-सुनिता बराल- तर अहिलेको यो परिस्थितिमा पत्रकासँग जो सुकै किन डराईरहेका छन् ?

महिला हिंसा अन्त्य गर्न पुरुषलाई सचेत गरिनेः मन्त्री गुरुङ

बैठकमा बोल्दै नेपाली काँग्रेसका नेता एवम् पूर्वमन्त्री एनपी साउदले गाउँगाउँमा महिला हिंसा हुन नदिन सरकारको

कोभिडमा छायामा पारिएको यौन तथा प्रजनन् स्वास्थ्य अधिकार बारे अनलाइन वेबिनार हुँदै

–महिला खबर– कार्यक्रममा युवा नेता तथा नेपाली कांग्रेसका सांसद गगन थापा, नेकपाका सांसद विद्या भट्टराई, सांसद

सरकार समक्ष ओरेकको नौं बुँदे अपिल

–महिला खबर– ललितपुर । महिला अधिकारको सम्मान, संरक्षण र प्रवद्र्धनका लागि ओरेकले सरकार समक्ष नौं

अर्थमन्त्री ज्यू, माइतीघर मण्डलाको घेरा तोड्नै पर्ने हो र ?

-भुमिका श्रेष्ठ- आखिर यस्तो कि न त ? तपाईंको १४ खर्ब ७४ अर्ब ६४ करोडको बजेटमा

Read more
ताजा अपडेट
© 2015.All rights reserved by mahilakhabar.com
%d bloggers like this: