अब बालविवाह हुन्न


प्रकाशित मिति :2019-11-18 13:53:54

दैलेख । दैलेखको दुल्लु नगरपालिका–४ लाई जिल्लाकै दोस्रो बालविवाहमुक्त वडा घोषणा गरिएको छ ।

तीन वर्षदेखि बालविवाह विरुद्धको अभियान सञ्चालन गरिएको उक्त वडालाई शनिबार एक कार्यक्रमका बिच बालविवाहमुक्त वडा घोषणा गरिएको हो ।

वडाले सरकारद्वारा निर्धारित बालविवाह मुक्त सूचकांक पूरा गरेपछि औपचारिक रुपमा वडालाई बालविवाह मुक्त वडाका रुपमा घोषणा गरिएको दुल्लु नगरपालिका–४ का वडा अध्यक्ष भरतप्रसाद उपाध्यायले जानकारी दिए । उनका अनुसार वडाबाट गठन भएका युवा तथा भाइ समूह, बालविवाह प्रभावित समूह र धार्मिक गुरुहरूको समूह निर्माण गरेर परिचालन गर्दा अभियान सफल भएको हो ।

पछिल्लो समयमा वडा कार्यालयमा आउने बालविवाह सम्बन्धी मुद्दाको दर्ताको संख्यामा निकै कमी आएको वडा कार्यालयले जनाएको छ ।

वडाले विवाह सम्पन्न गर्ने धार्मिक गुरुहरूलाई पनि दुलाहा र दुलहीको जन्म दर्ता हेरेर मात्रै विवाहको कार्यक्रम तय गर्न गरेको आग्रहपछि बालविवाहमा कमी आएको बालविवाह विरुद्धको अभियान दैलेखका कार्यक्रम संयोजक चक्रराज गिरीले जानकारी दिए । उनका अनुसार पछिल्लो समय विवाह दर्ता गर्न आउनेको संख्यामा उमेर पुगेका जोडी मात्रै छन् ।

बढी बालविवाह हुने जिल्लामध्ये दोस्रो स्थानमा पर्ने दैलेखमा पहिलो पटक बालविवाह मुक्त वडा घोषणा गरेर दुल्लु–४ ले नगरपालिकाकै शिर उचो राखेको नगरपालिका प्रमुख घनश्याम भण्डारीले बताए ।

    Comment Here!

Related NEWS
मुख्य खबर

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

जसले नयाँ जीवन पाए

–उन्नती चौधरी– सेफ हाउसमा आउने हिंसा प्रभावित महिलाहरू मध्ये पाँच प्रतिशत महिलाहरू पनि छैनन्, जसलाई मनोसामाजिक

सुस्मिताको ससुराबाट बलात्कार पछि परिवारले हत्या गरेको प्रहरी खुलासा

हत्या आरोपमा ससुरा, सासू, नन्द र आमाजू सार्वजनिक ।

Read more
ताजा अपडेट
© 2015.All rights reserved by mahilakhabar.com
%d bloggers like this: