जलेकी महिलाको रकम अभावमा उपचारमा समस्या


प्रकाशित मिति :2019-11-18 13:45:24

–महिला खबर–

ललितपुर । खाना पकाउने ग्यासमा आगलागी हुँदा जलेकी महिलाको उपचारमा समस्या भएपछि सहयोगका लागि अपिल गरिएको छ ।

सिराहाको धनगढीमाई नगरपालिका वडा नम्बर ५ की २० वर्षीया कविता कुमारी यादवको आर्थिक अभावमा उपचार गर्न समस्या भएपछि परिवारले सहयोगका लागि अपिल गरेको हो ।

कविताका श्रीमान् प्रमेश्वरकुमार यादवका अनुसार कविताको पेटमा तीन महिनाको गर्भसमेत छ ।

१० दिन अघि बिहान ९ बजेको समयमा खाना पकाउने क्रममा ग्यासको पाइपबाट ग्यास निस्किदा आगलागी भएको थियो । आगोबाट कविताको घाँटीभन्दा तलको भाग जलेको छ ।

कवितालाई अहिले किर्तिपुर अस्पतालको आइसीयू कक्षमा राखिएको छ । भने आज एउटा अपरेसन छ ।

परिवारको आर्थिक अवस्था अत्यन्तै कमजोर छ । गाउँमै दैनिक मजदुरी गरेर जीविकोपार्जन गर्ने परमेश्वर पनि श्रीमतीको उपचारका लागि काठमाडौं अस्पतालमै बस्नु परेपछि सामान्य औषधिको जोहो गर्न पनि निकै कठिनाइ भएको छ ।

“अहिलेसम्म डेढ लाख भन्दा बढी खर्च भइसक्यो । डाक्टरले औषधि किन्ने पुर्जा हातमा दिनुभएको छ । कसरी किन्ने थाहा छैन” परमेश्वरले महिला खबरसँंगको टेलिफोन कुराकानीमा भने, “हजुरले सहयोग जुटाइदिनुपर्यो । मेरो श्रीमती बचाइदिनुपर्यो ।”

परमेश्वरलाई चिकित्सकले कविताको अरु ३-४ वटा अपरेसन गर्नुपर्ने भनेका छन् । त्यसका लागि करिब ४ लाख रकम लाग्छ । तर आफूसँग एक सुको नभएको अवस्थामा यत्रो रकम कहाँबाट ल्याउने भनेर निकै चिन्तामा रहेको परमेश्वरले बताए ।

उनले आर्थिक अभावमा आफ्नी श्रीमतीको ज्यान जान नदिनका लागि सके जती सबैलाई सहयोग गरिदिन आग्रह गरेका छन् ।

कवितालाई सहयोग गर्न चाहानेले उनका श्रीमान् परमेश्वर (9817778812) र मामा सरोजकुमार यादव (9824339832) लाई सम्पर्क गर्न सक्नुहुनेछ ।

    Comment Here!

Related NEWS
मुख्य खबर

महिला जनप्रतिनिधिका तीन वर्ष: बैठकमा जाऊ ताली बजाऊ

तुलसीपुर उपमहानगरपालिका वडा नम्बर १२ का वडाध्यक्ष सूर्यबहादुर डाँगीले कार्यक्रम संयोजक तथा जनप्रतिनिधिलाई पैसा खर्च

कोरोनाको बहानामा मर्कामा पत्रकार

-महिला खबर- कोभिड-१९को नाममा पत्रकारलाई भोको राख्न नहुने प्रतिनिधिसभा विकास तथा प्रविधि समिति सभापति कल्याणी कुमारी

वन्दना राणा यूएनको सिड कमिटीमा दक्षिण एशियाकै एक मात्र उम्मेदवार

-महिला खबर- ललितपुर । महिला अधिकारकर्मी वन्दना राणा यूएन सिड कमिटीको निर्वाचनमा नेपालका तर्फबाट उम्मेदवार घोषणा

काठमाडौँ महानगरले दियो प्रसुतिगृहलाई पीसीआर र वीरलाई स्वचालित न्युक्लेइक एसिड एट्राक्सन मेसिन

काठमाडौं । काठमाडौं महानगरपालिकाले चिकित्सा विज्ञान राष्ट्रिय प्रतिष्ठान वीर अस्पताल र प्रसुति तथा स्त्री रोग

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

Read more
ताजा अपडेट
© 2015.All rights reserved by mahilakhabar.com
%d bloggers like this: