१ सय ३५ वर्षपछि ‘फाइनान्सियल टाइम्स’ को सम्पादकमा महिला


प्रकाशित मिति :2019-11-18 12:03:00

विश्वप्रसिद्ध दैनिक ‘फाइनान्सियल टाइम्स’ले स्थापनाको १ सय ३५ वर्षपछि सम्पादकमा महिला नियुक्त गरेको छ ।

सन् १८८४ मा स्थापना भएको पत्रिकाले सम्पादक पदमा पहिलोपटक महिला पत्रकारलाई नियुक्त गरेको हो ।

कार्यकारी सम्पादकको रूपमा कार्यरत रोउला खलाफ सम्पादकमा नियुक्त भएकी हुन् ।

लायनल बार्बरले सम्पादक पद छोडेपछि उनी नियुक्त भएकी हुन् ।

रोउला खलाफ

बार्बर १४ वर्षदेखि फाइनान्सियल टाइम्सका सम्पादक थिए भने ३४ वर्षदेखि उक्त पत्रिकामा कार्यरत थिए । उनी सन् १९८५ मा उक्त पत्रिकामा आबद्ध भएका थिए र वासिङ्टन संवाददाता र ब्रसेल्स ब्युरो भएर समेत काम गरेका थिए ।

खलाफ सन् २०१६क देखि पत्रिकाको कार्यकारी सम्पादक थिइन् । उनी उक्त पत्रिकामा २४ वर्षदेखि कार्यरत छिन्। अरब विद्रोहताका उनले गरेको रिपोर्टिङ स्मरणीय छ । पत्रिकामा भने उनी अफ्रिका संवाददाताको रूपमा आबद्ध भएकी थिइन् ।

“मैले लायनल बार्बरले हासिल गरेका असामान्य उपलब्धीलाई अघि बढाउने छु”, सम्पादक नियुक्त भएपछि उनले जारी गरेको विज्ञप्तिमा उल्लेख गरिएको छ ।

पत्रिकाका सञ्चालकहरूले खलाफको अनुभव र लगावको सम्मान गरेका छन् ।

“२४ वर्षको कार्यकालमा खलाफले आफ्नो लगाव, प्रतिबद्धता र निर्णयक्षमता पुष्टि गरेकी छन्”, पत्रिकाको प्रकाशन गृह ‘निक्कि’का अध्यक्ष त्सुनेउ किटाले भनेका छन् ।

(द इन्डेपेन्डेन्टबाट)

    Comment Here!

Related NEWS
मुख्य खबर

महिला जनप्रतिनिधिका तीन वर्ष: बैठकमा जाऊ ताली बजाऊ

तुलसीपुर उपमहानगरपालिका वडा नम्बर १२ का वडाध्यक्ष सूर्यबहादुर डाँगीले कार्यक्रम संयोजक तथा जनप्रतिनिधिलाई पैसा खर्च

कोरोनाको बहानामा मर्कामा पत्रकार

-महिला खबर- कोभिड-१९को नाममा पत्रकारलाई भोको राख्न नहुने प्रतिनिधिसभा विकास तथा प्रविधि समिति सभापति कल्याणी कुमारी

वन्दना राणा यूएनको सिड कमिटीमा दक्षिण एशियाकै एक मात्र उम्मेदवार

-महिला खबर- ललितपुर । महिला अधिकारकर्मी वन्दना राणा यूएन सिड कमिटीको निर्वाचनमा नेपालका तर्फबाट उम्मेदवार घोषणा

काठमाडौँ महानगरले दियो प्रसुतिगृहलाई पीसीआर र वीरलाई स्वचालित न्युक्लेइक एसिड एट्राक्सन मेसिन

काठमाडौं । काठमाडौं महानगरपालिकाले चिकित्सा विज्ञान राष्ट्रिय प्रतिष्ठान वीर अस्पताल र प्रसुति तथा स्त्री रोग

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

Read more
ताजा अपडेट
© 2015.All rights reserved by mahilakhabar.com
%d bloggers like this: