दरबारमार्गको सामूहिक बलात्कारका मुख्य दोषीलाई पाँच वर्ष कैद


प्रकाशित मिति :2019-11-14 12:45:04

–महिला खबर–

ललितपुर । जिल्ला अदालत काठमाडौंले दरबारमार्गस्थित होटल ल्याण्डमार्कमा दुई वर्षअघि एक महिलामाथि सामूहिक बलात्कार भएको ठहर गरेको छ । घटनाका मुख्य अभियुक्त शैलेश कार्कीलाई पाँच वर्ष दुई महिना कैद सजाय सुनाइएको छ । पीडितलाई ७ लाख रुपैयाँ क्षतिपूर्ति भराउनुपर्ने फैसला भएको छ । मतियारमा विकास गौतम र दीपक श्रेष्ठलाई जनही एक वर्ष दुई महिना कैद सजाय सुनाइएको छ ।

कार्की रामेछाप दुरा गाउँका हुन् भने गौतम काभ्रे चौरी देउराली र श्रेष्ठ सिन्धुपाल्चोक जेठलका हुन् ।

दरबारमार्ग बलात्कार काण्ड : घटनाको मिसिल सरकारी वकिल कार्यालयमा

दरबारमार्ग बलात्कार काण्ड : घटनाको मिसिल सरकारी वकिल कार्यालयमा

दरबारमार्ग बलात्कार काण्ड : मुख्य आरोपित जेल चलान

जिल्ला न्यायाधीश कमलप्रसाद पोखरेलको इजलासले दोषीलाई कैद सजाय र पीडितलाई क्षतिपूर्ति हुने फैसला सुनाएको हो । अभियुक्तलाई कैद सजाय हुने गरी जिल्ला अदालतबाट गत बिहीबार फैसला आएको जिल्ला न्यायाधिवक्ता चन्द्रकान्त खनालले बताए ।

घटनाका मुख्य दोषी भनिएका शैलेश कार्की । फायल फोटो

पुरानो मुलुकी ऐनको जबर्जस्ती करणी महलअन्तर्गत अदालतबाट सजाय निर्धारण गरिएको छ । ‘प्रतिवादीहरूको पृष्ठभूमि, कसुरको प्रकृति, गम्भीरता र पीडितलाई पर्न गएको शारीरिक र मानसिक पीडालाई विचार गरी’, फैसलामा लेखिएको छ, ‘प्रतिवादी शैलेश कार्कीलाई मुलुकी ऐन जबर्जस्ती करणी महलको ३ (४) नं. बमोजिम पाँच वर्ष दुई महिना कैद हुने ठहर्छ ।’ मतियार ठहर भएका श्रेष्ठ र गौतमको हकमा सोही महलको ४ नम्बर बमोजिम एक वर्ष दुई महिना कैद हुने फैसलामा उल्लेख छ ।

जिल्ला न्यायाधिवक्ता खनालका अनुसार उक्त घटनाको छानबिन अझै सकिएको छैन । कतिपय अभियुक्त अझै फरार छन् ।

रातको समयमा घरमा पु¥याइदिन गाडीमा ‘लिफ्ट’ दिने आश्वासन देखाएर चिनजानका व्यक्तिबाटै होटलको कोठामा लगेर बलात्कार गरिएको भन्दै चार जनाविरुद्ध किटानी जाहेरी परेको थियो । पीडित महिलाले २०७४ माघ ७ गते मःम र वाइन खुवाएर ल्यान्डमार्क होटलको ४०५ नम्बर कोठामा पु¥याएर सामूहिक बलात्कार गरेको दाबी गरेकी थिइन् । बलात्कारअघि नग्न भिडियोसमेत खिचिएको भनाइ पीडितको थियो ।

उक्त घटनामा प्रहरी प्रतिवेदनअनुसार जिल्ला सरकारी वकिल कार्यालय काठमाडौंले जबर्जस्ती करणी र संगठित अपराधमा मुद्दा चलाएको थियो ।

घटना गुपचुप राखिएको प्रश्न उठेपछि महानगरीय प्रहरी परिसर काठमाडौं र महानगरीय प्रहरी प्रभागबाट भिन्नाभिन्नै छानबिनसमेत भएको थियो । प्रारम्भिक छानबिनपछि दरबारमार्ग वृत्तमा कार्यरत तत्कालीन प्रहरी नायब उपरीक्षक तिलक भारतीलाई परिसरमा, प्रहरी निरीक्षक लक्ष्मण ठकुरीलाई हेडक्वार्टरमा तानिएको थियो । मुद्दा शाखामा कार्यरत प्रहरी नायब निरीक्षक चन्द्र भण्डारी निलम्बनमा परेका थिए ।

दरबारमार्ग बलात्कार प्रकरणः प्रहरीको कमजोरी

सामूहिक बलात्कारका दोषीलाई खोज्दै छौँ- प्रहरी

बलात्कारमा मेलमिलाप !

    Comment Here!

Related NEWS
मुख्य खबर

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

जसले नयाँ जीवन पाए

–उन्नती चौधरी– सेफ हाउसमा आउने हिंसा प्रभावित महिलाहरू मध्ये पाँच प्रतिशत महिलाहरू पनि छैनन्, जसलाई मनोसामाजिक

सुस्मिताको ससुराबाट बलात्कार पछि परिवारले हत्या गरेको प्रहरी खुलासा

हत्या आरोपमा ससुरा, सासू, नन्द र आमाजू सार्वजनिक ।

Read more
ताजा अपडेट
© 2015.All rights reserved by mahilakhabar.com
%d bloggers like this: