महिला सिनेटरले घोषणा गरिन् आफैलाई राष्ट्रपति


प्रकाशित मिति :2019-11-14 12:26:38

बोलिभियाको सिनेटकी उपप्रमुख जानिन्ये आनिएसले आफूलाई देशको अन्तरिम राष्ट्रपति घोषणा गरेकी छिन् । राष्ट्रपति इभो मोरालेसले राजीनामा दिएर मेक्सिकोमा शरण लिएपछि सिनेटर आनिएसले संसद् बैठकमा आफूलाई राष्ट्रपति घोषणा गरेकी हुन् । वरिष्ठता र रोलक्रमका आधारमा आफू राष्ट्रपति भएको उनले दाबी गरेकी छिन् । उनको नियुक्ति गर्न आयोजित कंग्रेस बैठकलाई मोरालेस नेतृत्वको समाजवादी पार्टीले बहिष्कार गरेको थियो ।

आफू संविधानबमोजिम राष्ट्रपतिको लाइनमा रहेको भन्दै उनले चाँडै निर्वाचन गर्ने वाचा गरिन् । उनको नियुक्तिलाई बोलिभियाको संवैधानिक अदालतले पारित गरेको छ । तीन साताअघि सम्पन्न राष्ट्रपति निर्वाचनमा मोरालेस चौथो कार्यकालका लागि विजयी भएका थिए ।

तर, निर्वाचनमा व्यापक धाँधली भएको भन्दै सडक र सदनबाट उनको विरोध हुन थालेपछि उनी समस्यामा परेका थिए । सेनाले समेत समर्थन नगर्ने चेतावनी दिएपछि उनले बाध्य भएर राजीनामा दिएका थिए । सम्भावित रक्तपातबाट मुलुकलाई जोगाउन आफूले राजीनामा दिएको उनले बताउँदै आएका छन् । उनको राजीनामापछि रिक्त राष्ट्रपति पदमा अनेजले दाबी गरेकी हुन् ।

मेक्सिकोबाट निन्दा गरे मोरालेसले

आनिएसले आफूलाई राष्ट्रपति घोषणा गरेपछि निवर्तमान राष्ट्रपति मोरालेसले विरोध गरेका छन् । मेक्सिकोबाट ट्विट गर्दै उनले भनेका छन्, ‘इतिहासमै तुच्छ र घृणित ‘कु’को निन्दा गर्छु ।’ आनिएसको घोषणालाई मोरालेसले तिरस्कार गर्दै उनी ‘कु’ चाहने दक्षिणपन्थी सिनेटर भएको बताए । आफ्नो जीवन जोखिममा रहेको भन्दै निवर्तमान राष्ट्रपति मोरालेसले मेक्सिकोमा शरण लिएको बताए ।

मोरालेसको उदय र पतन

पूर्वकिसानसमेत रहेका मोरालेस सन् २००६ मा भएको राष्ट्रपति निर्वाचनमा विजयी भएका थिए । उनी जनजाति समुदायको तर्फबाट बोलिभियाको पहिलो राष्ट्रपति बनेका थिए । झन्डै १४ वर्ष लामो कार्यकालमा उनले गरिबी न्यूनीकरण र देशको अर्थतन्त्र सुधारमा उल्लेख्य भूमिका खेलेका थिए । तर, चौथोपटक राष्ट्रपतिमा विजयी भएपछि भने विवादमा तानिएका थिए । चुनावमा धाँधली गरेको भनी अमेरिकी राज्यहरूको संगठनले निर्वाचनको निष्पक्षतामाथि प्रश्न उठाउँदै निर्वाचन रद्द गर्न आह्वान गरेको थियो । त्यसको जवाफमा मोरालेसले ताजा निर्वाचन गर्न सहमति जनाएका थिए । तर, उनका मुख्य प्रतिद्वन्द्वी कार्लोस मेसाले निर्वाचनमा मोरालेसले प्रतिस्पर्धा गर्न नपाउने अडान राख्दै त्यसको विरोध गरेका थिए ।

सेनाका प्रमुख जनरल विलियम कालिम्यानले शान्ति र स्थिरताका लागि मोरालेसलाई तत्काल राजीनामा दिन दबाब दिएका थिए । उनले राजीनामा नदिएको भए तत्कालै सेनाको ‘कु’ गर्ने तयारी थियो । सेनाको चेतावनीपछि उनले तत्काल राजीनामा दिएका थिए । राजधानी ला पाजमा उनका समर्थक र सुरक्षाकर्मीबीच झडप भइरहेका वेला उनी मंगलबार शरणका लागि मेक्सिको पुगेका थिए । आफ्नो जीवन बचाइदिएकोमा उनले मेक्सिकन राष्ट्रपति एन्डिस म्यानुअल लोपेज ओब्रडरप्रति आभार व्यक्त गरेका छन् ।

सिनेटर कसरी बनिन् अन्तरिम राष्ट्रपति ?

आनिएसले मंगलबार सिनेटको अस्थायी नेतृत्व आफ्नो हातमा लिइन् । उपराष्ट्रपतिलगायत वरिष्ठ नेताहरूले राजीनामा दिएपछि उनलाई राष्ट्रपतिको दाबेदार बन्ने बाटो खुलेको थियो ।

‘राष्ट्रपति, उपराष्ट्रपति तथा चेम्बर अफ सिनेटर्सका अध्यक्षको अनुपस्थितिमा संविधानबमोजिम म तत्कालै राष्ट्रपतिको जिम्मेवारी वहन गर्छु,’ आनिएसले भनिन् । उनलाई राष्ट्रपति नियुक्त गर्नेबारे चलेको संसदीय बैठकलाई मेरालेसको लेफटिस्ट मुभमेन्ट फर सोसलिज्म पार्टीका सांसदले बहिष्कार गरेका थिए । उनको नियुक्ति अवैधानिक भएको सो पार्टीले जनाएको छ । बोलिभियाको उच्च संवैधानिक अदालतले उनको समर्थन गरेको छ ।

५२ वर्षीय एनेज योग्य वकिल हुन् । टोटलभिजन टेलिभिजन स्टेसनकी पूर्वनिर्देशक उनी मोरालेसको खरो आलोचकसमेत हुन् । उनी सन् २०१० देखि नेसनल एसेम्बलीकी सिनेटर हुन् । एजेन्सी

    Comment Here!

Related NEWS
मुख्य खबर

एक वर्षका लागि लैङ्गिक हिंसा विरुद्धका कार्यक्रम तय

बालबालिका र जेष्ठ नागरिकका विरुद्ध हुने सबै प्रकारका हिंसा र भेदभाव न्यूनीकरण गर्ने घोषणा पत्रमा

सामूहिक बलात्कारको आरोपमा वडा अध्यक्ष पक्राउ

मंगलबार साँझ नियन्त्रणमा लिइएका उनीहरूमाथि अनुसन्धान थालिएको प्रहरीले जनाएको छ ।

वरिष्ठ पत्रकार नम्रता शर्मालाई ‘नेपाली विमेन लिडर अवार्ड’

–महिला खबर– शर्मा खोज पत्रकारिता केन्द्र (सीआइजे) का निवर्तमान अध्यक्ष, २० वर्षदेखि निरन्तर प्रकाशित नारीश्वर म्यागेजिनका

लैंगिक हिंसा विरुद्ध मोजो पत्रकारिता तालिम शुरु

–महिला खबर– सिन्धुली । लैंगिक हिंसा न्यूनीकरणका लागि मोबाइल पत्रकारिता (मोजो) तालिम आजदेखि सिन्धुलीमा शुरु

अब नाप, नक्सा सम्बन्धी स्नोतकोत्तर तहको पढाइः मन्त्री अर्याल

“यहाँहरू गएपछि आफ्ना देशका साथीहरूलाई नेपालको भ्रमण गर्न पठाइदिनुहोला ।ˮ

Read more
ताजा अपडेट
© 2015.All rights reserved by mahilakhabar.com
%d bloggers like this: