म्याक्डोनल्ड्समा महिला कामदारविरुद्ध यौन दुर्व्यवहारको आरोप


प्रकाशित मिति :2019-11-13 10:49:30

प्रसिद्ध रेस्टुराँ सञ्जाल म्याकडोनल्ड्सका अमेरिकी कामदारहरूले तयारी खाना विक्री गर्ने उक्त कम्पनीमा यौन दुर्व्यवहार आम समस्या रहेको भन्दै मुद्दा दायर गरेका छन्।

मिचिगनकी एक जना महिला कर्मचारीले आफ्ना प्रबन्धकले नियमित रूपमा यौन दुर्व्यवहार गरेको र त्यसविरूद्ध बोल्दा जागिर जाने डर लागेको जिकिर गरेकी छन्।

वकिलहरूले त्यस्ता कैयौं घटना रहेको भन्दै म्याकडोनल्ड्समा काम गर्ने वातावरण माथिबाटै एकदमै खराब रहेको उल्लेख गरेका छन्।

ती आरोपबारे उक्त कम्पनीले कुनै पनि प्रतिक्रिया जनाएको छैन।

क्षतिपूर्ती

म्याकडोनल्ड्सकी पूर्व कामदार जेना राइसले मेसन मिचिगनमा रहेको एउटा रेस्टुराँका एक जना प्रबन्धकले बारम्बार यौन सम्बन्ध राख्न आफूसँग प्रस्ताव गरेको बताएकी छन्।

ती प्रबन्धकले आफ्ना संवेदनशील अंगहरूमा पटकपटक छोएको उल्लेख गरिन्।

वकिलहरूले उक्त रेस्टुराँ सञ्जालमा त्यस्तो दुर्व्यवहार खेप्ने जेना एक मात्र महिला नरहेको र त्यो उक्त कम्पनीभित्रको संस्कृति झल्काउने एउटा प्रतिनिधि घटनामात्रै भएको उल्लेख गरेका छन्।

उक्त कम्पनीले ५० लाख डलर क्षतिपूर्ती तिर्नुपर्ने माग गरिएको छ।

तालिम

अमेरिकामा मात्रै म्याकडोनल्ड्सका लगभग १४ हजार रेस्टुराँ छन्। तर निक्कै सानो सङ्ख्यामा मात्रै ती रेस्टुराँहरू कम्पनीको स्वामित्वमा छन्।

अधिकांशले उक्त “फ्रेन्चाइजको” नाम प्रयोग गर्न सम्झौता गरेर रेस्टुराँ सञ्चालन गरिरहेका छन्।

विगतदेखि नै म्याक्डोनल्ड्सले आफ्ना स्टोरसँग जोडिएका श्रमिकको अवस्थासँग जोडिएका विवादबाट आफूलाई अलग राख्ने गरेको छ।

गएको अगस्ट महिनामा उक्त कम्पनीले आफ्ना सबै रेस्टुराँमा दुर्व्यवहार विरूद्ध नयाँ तालिम सञ्चालन गरेको थियो । बीबीसी

    Comment Here!

Related NEWS
मुख्य खबर

लैंगिक हिंसा विरुद्ध मोजो पत्रकारिता तालिम शुरु

–महिला खबर– सिन्धुली । लैंगिक हिंसा न्यूनीकरणका लागि मोबाइल पत्रकारिता (मोजो) तालिम आजदेखि सिन्धुलीमा शुरु

अब नाप, नक्सा सम्बन्धी स्नोतकोत्तर तहको पढाइः मन्त्री अर्याल

“यहाँहरू गएपछि आफ्ना देशका साथीहरूलाई नेपालको भ्रमण गर्न पठाइदिनुहोला ।ˮ

सामाजिक संजालले लैंगिक हिंसा बढायोः मन्त्री घिमिरे

हिंसा विरुद्ध कानूनी दायरा फराकिलो बनाइएका कारण घटना सार्वजनिक हुने क्रम पनि बढेको ।

अन्धविश्वास फैलाउने फोटो, चित्र, कार्टुन प्रयोग नगर्न सुझाव

–महिला खबर– हामीमा गुनासो गर्ने परिपाटी अलि धेरै रहेछ । सधैं यो भएन, त्यो भएन भनेर

३४ वर्षकी साना बनिन् प्रधानमन्त्री

ललितपुर । फिनल्यान्डमा ३४ वर्षिय साना मरिन प्रधानमन्त्रीमा निर्वाचित भएकी छन् । प्रधानमन्त्री एन्टी रेनीले

Read more
ताजा अपडेट
© 2015.All rights reserved by mahilakhabar.com
%d bloggers like this: