राजनीतिमा लैंगिक समानताः मिडियाको भूमिका के ?


प्रकाशित मिति :2019-11-12 11:48:13

-महिला खबर-

ललितपुर । क्यानेडियन राजदूतावासका उपराजदूत डेड्रि केन्टले असमान लैंगिक सहभागिता र प्रतिनिधित्व विश्वव्यापी चुनौती रहेको बताएकी छिन् ।

आज ललितपुरमा भएको ‘राजनीतिमा लैंगिक समानता र सञ्चारमाध्यमको भूमिका’ विषयक अन्तरक्रिया कार्यक्रममा बोल्दै उपराजदूत केन्टले यस्तो बताएकी हुन् । सञ्चारिका समूह र क्यानेडियन राजदूतावासको संयुक्त आयोजनामा भएको अन्तरक्रियामा बोल्दै उनले भनिन्, ‘राजनीतिमा विद्यमान लैंगिक असमानता हटाउन सञ्चार माध्यमको मुख्य भूमिका हुन्छ ।’

क्यानडामा हाल २९ प्रतिशत महिलाले संसदमा प्रतिनिधित्व गर्ने जानकारी दिँदै उनले भनिन्, ‘अघिल्लो पटकको भन्दा १० जना बढी महिला संसदमा प्रतिनिधित्व गर्छन् । तर, यो प्रतिनिधित्व सन्तोषजनक होइन ।’

केन्टले सञ्चार माध्यमले असमान लैंगिक प्रतिनिधित्वको स्थितीलाई हटाउन र समाजको पुरातन सोच परिवर्तन गर्न विचारको पुनर्ताजगी गर्न सक्ने पनि बताइन् ।

उनले लैंगिक समानता मानव अधिकार मात्रै नभएर विकासको सूचक पनि रहेको जनाउँदै क्यानेडियन सरकार लैंगिक समानता, महिला सशक्तिकरणका विषयमा संवेदनशील रहेको बताइन् ।

सञ्चारिका समूहका अध्यक्ष नितु पण्डितले नेपालको संसदमा ३३ प्रतिशत र स्थानीय तहमा ४१ प्रतिशत महिला सहभागीता हुनु ठूलो उपलब्धी भएको बताइन् ।

पण्डितले लैंगिक समानता कायम गर्नका लागि संचारकर्मी र संचार माध्यमको भूमिका निर्णायक हुने बताइन् ।

कार्यक्रममा राजनीतिमा लैंगिक समानता के हो र किन महत्वपूर्ण छ, राजनीतिमा महिलाको समान सहभागिताका लागि संचार माध्यमको भूमिका के रहन्छ ? राजनीतिज्ञ महिलाका मुद्दालाई संचार माध्यमको प्राथमिकतामा कसरी पार्ने ? र सामाजिक संजाल र राजनीतिमा महिला विषयमा छलफल हुने संचारिका समूहका उपाध्यक्ष कमला पन्थीले जानकारी दिइन् ।

    Comment Here!

Related NEWS
मुख्य खबर

महिला जनप्रतिनिधिका तीन वर्ष: बैठकमा जाऊ ताली बजाऊ

तुलसीपुर उपमहानगरपालिका वडा नम्बर १२ का वडाध्यक्ष सूर्यबहादुर डाँगीले कार्यक्रम संयोजक तथा जनप्रतिनिधिलाई पैसा खर्च

कोरोनाको बहानामा मर्कामा पत्रकार

-महिला खबर- कोभिड-१९को नाममा पत्रकारलाई भोको राख्न नहुने प्रतिनिधिसभा विकास तथा प्रविधि समिति सभापति कल्याणी कुमारी

वन्दना राणा यूएनको सिड कमिटीमा दक्षिण एशियाकै एक मात्र उम्मेदवार

-महिला खबर- ललितपुर । महिला अधिकारकर्मी वन्दना राणा यूएन सिड कमिटीको निर्वाचनमा नेपालका तर्फबाट उम्मेदवार घोषणा

काठमाडौँ महानगरले दियो प्रसुतिगृहलाई पीसीआर र वीरलाई स्वचालित न्युक्लेइक एसिड एट्राक्सन मेसिन

काठमाडौं । काठमाडौं महानगरपालिकाले चिकित्सा विज्ञान राष्ट्रिय प्रतिष्ठान वीर अस्पताल र प्रसुति तथा स्त्री रोग

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

Read more
ताजा अपडेट
© 2015.All rights reserved by mahilakhabar.com
%d bloggers like this: