जातका आधारमा महिलालाई घर निकाला


प्रकाशित मिति :2019-11-11 15:12:44

–महिला खबर–

ललितपुर । अन्तरजातीय बिवाह गरेकी एक महिलालाई घर निकाला गरिएको छ । प्युठानको सरुमारानी गाउँपालिका वडा नम्बर ५ बिरिङकोटकी २४ वर्षीया सुशिला बिकलाई तल्लो जात भन्दै सासू, ससुरा र श्रीमानले घर निकाला गरेका हुन् ।

२०६९ साल कार्तिकमा चित्रबहादुर खाम्चासंग बिहे गरेकी सुशिलालाई एक सन्तानसमेत जन्मिसकेको अवस्थामा सासू, ससुरा र श्रीमान्ले हालै घर निकाला गरेका हुन् ।

घर निकालापछि माइतीको सहारामा बस्दै आएकी शुसिलाले आफूलाई ६० वर्षीय ससुरा मतिराम खाम्चा, ५६ वर्षीया सासू जिवा खाम्चा र २६ वर्षीय पति चित्र बहादुर खाम्चाले घर निकाला गरेको बताइन् ।

आफूलाई तल्लो जातकी कमिनी भन्दै घर निकाला गरेपछि सुशिलाले सासू, ससुरा र पति विरुद्ध शुक्रबार जिल्ला प्रहरी कार्यालय प्युठानमा मुद्दा दर्ता गरेकी छन् ।

जिल्ला प्रहरी कार्यालय प्युठानका सई बुद्धी बहादुर रानाका अनुसार जातीय छुवाछुत गरेको आरोपमा शुक्रबार तीन जना विरुद्ध जातीय भेदभाव तथा छुवाछूत सम्बधी मुद्दा दर्ता भइसकेको छ । मुद्दा दर्तासँगै तीनै जनालाई पक्राउ गरी हिजो आइतबार जिल्ला अदालत प्युठानबाट म्याद थप गरिएको पनि सई रानाले जानकारी दिए ।

अधिकारकर्मी सरु सुनारले जातकै आधारमा महिला घर निकाला हुनु दुःखद् भएको बताइन् । उनले महिलालाई घर निकाला गर्ने परिवारलाई कानून बमोजिक कडा कार्वाहीको माग समेत गरेकी छन् ।

    Comment Here!

Related NEWS
मुख्य खबर

एक वर्षका लागि लैङ्गिक हिंसा विरुद्धका कार्यक्रम तय

बालबालिका र जेष्ठ नागरिकका विरुद्ध हुने सबै प्रकारका हिंसा र भेदभाव न्यूनीकरण गर्ने घोषणा पत्रमा

सामूहिक बलात्कारको आरोपमा वडा अध्यक्ष पक्राउ

मंगलबार साँझ नियन्त्रणमा लिइएका उनीहरूमाथि अनुसन्धान थालिएको प्रहरीले जनाएको छ ।

वरिष्ठ पत्रकार नम्रता शर्मालाई ‘नेपाली विमेन लिडर अवार्ड’

–महिला खबर– शर्मा खोज पत्रकारिता केन्द्र (सीआइजे) का निवर्तमान अध्यक्ष, २० वर्षदेखि निरन्तर प्रकाशित नारीश्वर म्यागेजिनका

लैंगिक हिंसा विरुद्ध मोजो पत्रकारिता तालिम शुरु

–महिला खबर– सिन्धुली । लैंगिक हिंसा न्यूनीकरणका लागि मोबाइल पत्रकारिता (मोजो) तालिम आजदेखि सिन्धुलीमा शुरु

अब नाप, नक्सा सम्बन्धी स्नोतकोत्तर तहको पढाइः मन्त्री अर्याल

“यहाँहरू गएपछि आफ्ना देशका साथीहरूलाई नेपालको भ्रमण गर्न पठाइदिनुहोला ।ˮ

Read more
ताजा अपडेट
© 2015.All rights reserved by mahilakhabar.com
%d bloggers like this: