राम्रो नदेखिने भन्दै महिलालाई चश्मा लाउन निषेध


प्रकाशित मिति :2019-11-11 10:51:29

जापानका केही कम्पनीहरूले कामको समयमा महिलाहरूलाई चश्मा लगाउन प्रतिबन्ध गरेको छ। जापानका स्थानीय सञ्चारमाध्यमका अनुसार महिलाहरूलाई चश्मा लगाउन प्रतिबन्ध गर्नुका कारण कम्पनीपिच्छे फरक–फरक छन्।

परम्परागत शैलीका रेस्टुरेन्टहरूले जापानी पोशाकमा चश्मा लगाउँदा राम्रो नदेखिने र महिलाको मेक अप पनि चश्माले छेकिने भएकाले चश्मा नलगाउने तर्क राखेको छ।

एयरलाइन्स क्षेत्रमा भने सुरक्षालाई आधार बनाउँदै चश्मा लगाउन प्रतिबन्ध लगाइएको बिबिसीले जनाएको छ।

विभिन्न क्षेत्रका विभिन्न तर्क आए पनि चश्मा प्रतिबन्ध गर्नुको ठ्याक्कै कारण भने यकिन भइसकेको छैन। चश्मा लगाउनेहरूले अब लेन्स लगाउनुपर्ने बताइएको छ।

जापानी नेटवर्क निप्पन टिभीले पहिलोपटक यसबारे समाचार सार्वजनिक गरेको थियो। निप्पन टिभीले नै जापानमा महिला श्रमिकहरूले चश्माको साटो कन्ट्याक लेन्स लगाउनु पर्ने भन्दै वकालत गर्ने कम्पनीहरूका बारे कथा चलाएको थियो।

खबर सार्वजनिक भएरेसँगै यो नियमको विरोध सुरू भएको छ। महिलाहरूलाई एउटा कम्पनीका कारण लेन्स लगाउन बाध्य बनाइएको भन्दै यसविरूद्ध आवाज उठिरहेको छ।

केहीले यसलाई जापानी स्कुलहरूको कडा नियमसँग तुलना गरेका छन्, जसमा स्कुलका विद्यार्थीलाई कपाल रंगाउन नदिई कालै राख्न बाध्य पारिएको छ।

क्योटो विश्वविद्यालयको समाजशास्त्रका प्राध्यापक कुमिको नेमोटोका अनुसार महिलाहरूलाई चश्मा लगाउन प्रतिबन्ध गर्नुको कुनै अर्थ छैन।

यसलाई विभेदकारी नियमका रूपमा लिँदै उनले भनेका छन्, ‘यो लैंगिक विभेद हो, परम्परागत जापानी सोच हो।’

कम्पनीले महिलालाई कामका आधारमा भन्दा पनि एक महिलाको हिसाबमा हेरिरहेको प्राध्यापक नेमोटोको भनाइ छ। यसअघि पनि जापानमा महिलाले कामको समयमा अग्ला हिल जुत्ता लगाउनु आवश्यक र उपयुक्त भन्दै जापानका स्वास्थ्य र श्रममन्त्री टकुमी नेमोटो आफैंले भनेका थिए।

    Comment Here!

Related NEWS
मुख्य खबर

महिला जनप्रतिनिधिका तीन वर्ष: बैठकमा जाऊ ताली बजाऊ

तुलसीपुर उपमहानगरपालिका वडा नम्बर १२ का वडाध्यक्ष सूर्यबहादुर डाँगीले कार्यक्रम संयोजक तथा जनप्रतिनिधिलाई पैसा खर्च

कोरोनाको बहानामा मर्कामा पत्रकार

-महिला खबर- कोभिड-१९को नाममा पत्रकारलाई भोको राख्न नहुने प्रतिनिधिसभा विकास तथा प्रविधि समिति सभापति कल्याणी कुमारी

वन्दना राणा यूएनको सिड कमिटीमा दक्षिण एशियाकै एक मात्र उम्मेदवार

-महिला खबर- ललितपुर । महिला अधिकारकर्मी वन्दना राणा यूएन सिड कमिटीको निर्वाचनमा नेपालका तर्फबाट उम्मेदवार घोषणा

काठमाडौँ महानगरले दियो प्रसुतिगृहलाई पीसीआर र वीरलाई स्वचालित न्युक्लेइक एसिड एट्राक्सन मेसिन

काठमाडौं । काठमाडौं महानगरपालिकाले चिकित्सा विज्ञान राष्ट्रिय प्रतिष्ठान वीर अस्पताल र प्रसुति तथा स्त्री रोग

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

Read more
ताजा अपडेट
© 2015.All rights reserved by mahilakhabar.com
%d bloggers like this: