निर्वाचन र आम सञ्चार विषयमा कार्यशाला


प्रकाशित मिति :2019-11-08 18:20:43

-महिला खबर-

रुपन्देही । पत्रकार महिलाका लागि निर्वाचन र आम सञ्चार विषयक कार्यशाला रुपन्देहीमा आजदेखि शुरु भएको छ ।

युएनडीपी, संयुक्त राष्ट्र संघ निर्वाचन सहयोग कार्यक्रम, युनेस्को, निर्वाचन आयोगको सहयोगमा सञ्चारिका समूह नेपालले आयोजना गरेकोे कार्यशालामा प्रदेश नं ५ का जिल्लाहरूमा कार्यरत २७ जना पत्रकार महिलाहरूको सहभागिता रहेको छ ।

तालिमको शुभारम्भ गर्दै सञ्चारिका समूहका पूर्व अध्यक्ष बबिता बस्नेतले पत्रकारहरूले कुनै एक विषयमा समाचार संकलन गरेर मात्र नपुग्ने भएकाले सबै विषयमा जानकार हुन आवश्यक रहेको बताइन् ।

जिल्ला निर्वाचन कार्यालय कपिलबस्तुका प्रमुख अयोध्या प्रसाद भण्डारीले निर्वाचन प्रकृया र प्रणालीबारे पत्रकारहरू सचेत भएमात्रै जनतामा सही सूचना जाने बताए ।

सञ्चारिका समूहका अध्यक्ष नितु पण्डितले पत्रकारितालाई जनतामाझ विश्वासिलो बनाउन निर्वाचन सम्बन्धमा गरिने सबै सामाग्री तथ्यपरक हुनुपर्ने भएकाले पत्रकार महिलाहरूलाई कार्यशाला आयोजना गरिएको जानकारी दिइन् ।

रुपन्देहीको मणिग्राममा आयोजित ३ दिने कार्यशालामा नेपाली मिडियाको अवस्था र मिडिया नीति, निर्वाचनमा मिडियाको भूमिका, अभिव्यक्ति स्वतन्त्रता र निर्वाचन, सामाजिक सञ्जाल र महिला पत्रकारहरूको सुरक्षा अवस्था लगायतका विषयमा विज्ञहरूबाट प्रशिक्षण दिइने सञ्चारिका समूहका महासचिब बिमला तुम्खेवाले जानकारी दिइन् ।

कार्यशालामा नेपाल पत्रकार महासंघका पूर्व अध्यक्ष महेन्द्र विष्ट, सञ्चारिका समूहका पूर्व अध्यक्ष बस्नेत, सञ्चारिका समूहका अध्यक्ष नितु पण्डित, जिल्ला निर्वाचन कार्यालय कपिलबस्तुका प्रमुख भण्डारीले प्रशिक्षण दिने कार्यक्रम छ ।

कार्यशालाको अन्तिम दिन प्रदेश नं ५ का राजनीतिज्ञ महिलाहरूसंग अन्तक्रिया कार्यक्रम राखिएको सञ्चारिका समूहका कार्यक्रम संयोजक रुपा बस्नेतले जानकारी दिइन् ।

    Comment Here!

Related NEWS
मुख्य खबर

सुत्केरी महिला अस्पतालमै बन्धक

–महिला खबर– ललितादेवीका पति गोपीकुमार सुत्केरी श्रीमतीलाई डिस्चार्ज गर्न नसकेपछि पैंसाको जोहो गर्न भिख माग्न भौंतारिरहेका

अँध्यारोमै जन्मिन्छन् शिशुहरू

स्वास्थ्य चौकीमा उज्यालोको व्यवस्था नहुँदा कहिले स्वास्थकर्मीको मोबाइल त कहीले सेवाग्राहीले ल्याएको टर्चको उज्यालोमा स्वास्थ्य

नेपाली बालकको अपहरणपछि भारतमा भिख माग्न लगाइयो, १० को उद्धार

–महिला खबर– ललितपुर । भारतको विहार राज्यको सीतामढीको बालगृहमा एक महिनादेखि बस्दै आएका नेपालका १०

बदलिँदो पारिवारिक अवस्था अनुसार कानून आवश्यक

–महिला खबर– आज सार्वजनिक गरिएको यो प्रतिवेदनमा १ सय ८५ देशको तथ्याङ्क समेटिएको छ ।

तीन बालिका आफन्तबाटै बलात्कृत

–महिला खबर– ओखलढुंगा । ‘समानताको पुस्ता, बलात्कार विरुद्ध ऐक्यबद्धता’ भन्ने नारासहित देशमा लैंगिक हिंसा विरुद्धको

Read more
ताजा अपडेट
© 2015.All rights reserved by mahilakhabar.com
%d bloggers like this: