यी हुन् उप–निर्वाचनका उम्मेदवार महिला


प्रकाशित मिति :2019-11-08 12:28:50

–महिला खबर–

ललितपुर । आगामी मंसिर १४ गते हुने उप निर्वाचनका लागि तीन जिल्लाबाट ९ जना महिलाले उम्मेदवारी दर्ता गराएका छन् ।

निर्वाचन आयोगका अनुसार कास्की, बागलुङ, दाङ र भक्तपुरमा हुने उप निर्वाचनका लागि ६५ जनाको उम्मेदवारी परेको छ । जसमा महिलाको संख्या ९ जना मात्रै छ ।

निर्वाचन आयोगले हिजो कार्तिक २१ गते मनोनयन दर्ता गराउने समय तोकेकोमा सबैभन्दा बढी कास्की जिल्लामा महिलाको उम्मेदवारी धेरै छ ।

कास्की क्षेत्र नं. २ को प्रतिनिधि सभा उप–निर्वाचनमा ५ महिलाको उम्मेदवारी परेको छ । जिल्ला निर्वाचन कार्यालयका अनुसार २२ जना उम्मेदवारले मनोनयन दर्ता गरेकोमा ५ जना महिला उम्मेदवार छन् ।

नेकपाको तर्फबाट विद्या भट्टराई, साझा पार्टीको तर्फबाट रजनी के.सी, जमुना शर्मा (स्वतन्त्र), राष्ट्रिय प्रजातन्त्र पार्टी (संयुक्त)को तर्फबाट गंगा मल्ल र लक्ष्मीकुमारी भुजेल (स्वतन्त्र) ले उम्मेदवारी दर्ता गराएका छन् ।

जमुना शर्मा विवेकशिल नेपाली दलको तर्फबाट उम्मेदवार रहे पनि निर्वाचन कार्यलयमा दल दर्ता नभएका कारणले उनले स्वतन्त्रबाट उम्मेदवारी दिएकी हुन् ।

त्यस्तै भक्तपुर जिल्ला निर्वाचन क्षेत्र नम्बर १ को १ मा प्रदेश सभा सदस्य पदका लागि १९ जनाले उम्मेदवारी दर्ता गरेका छन् । ती मध्ये तीन जना महिला छन् । तिनै जनाले स्वतन्त्र उम्मेदवारी दिएका हुन् ।

स्वतन्त्रबाट सुमना कार्की, संगिता पौडेल आचार्य, सुजाता देउजाले स्वतन्त्र उम्मेदवारी दर्ता गरेका छन् ।

दाङ जिल्ला निर्वाचन क्षेन नम्बर ३ को २ मा प्रदेश सभा सदस्य पदका लागि १४ जनाले उम्मेदवारी दर्ता गराएका छन् । जहाँ एक जना महिलाको मात्रै उम्मेदवारी परेको छ । नेपाल कम्युनिष्ट पार्टी (नेकपा) की बिमला कुमारी खत्रीले उम्मेदवारी दर्ता गराएकी छन् ।

बागलुङ जिल्ला निर्वाचन क्षेत्र नम्बर २ को २ मा प्रदेश सभा सदस्यका लागि हुने निर्वाचनमा १० जनाको मनोनयन दर्ता भएको छ ।
निर्वाचन आयोगका अनुसार बागलुङमा एक जना महिलाको पनि उम्मेदवारी दर्ता भएको छैन ।

    Comment Here!

Related NEWS
मुख्य खबर

मर्यादित महिनावारी कि छाउपडी !

‘महिनावारीका कुरा, मर्यादाले हुन्छ पूरा’ वा ‘मिन्स्रुअल् टक, डिग्निटी फस्ट’ नारामार्फत संसारलाई नै आफ्नो पहिचान

नेपालमा मानव अधिकार उल्लंघन र ज्यादतीका घटनामा वृद्धि

–महिला खबर– ललितपुर । अंग्रेजी वर्ष सन् २०१९ मा नेपालमा मानव अधिकार उल्लंघन र ज्यादतीका

घर निकाला भएकी मैनाको आफन्त र उपचार अभावमा ज्यान जोखिममा

-आशिष प्रताप मल्ल- बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना

सामूहिक बलात्कार आरोपमा दुईजना पक्राउ

महिलालाई जनकपुरधाम उमनपा–४ स्थित विश्वकर्मा चोकमा फागुन ४ गते राति १० बजे सामूहिक बलात्कार गरेको

द्वन्द्व पीडित महिलाको राष्ट्रिय सञ्जाल गठन

–महिला खबर– ललितपुर । सशस्त्र द्वन्द्वका पीडित तथा प्रभावित महिलाहरूको भेलाले द्वन्द्व पीडित महिला राष्ट्रिय

Read more
ताजा अपडेट
© 2015.All rights reserved by mahilakhabar.com
%d bloggers like this: