महिला कर्मचारीलाई जिउँदै जलाइयो


प्रकाशित मिति :2019-11-06 11:33:56

नयाँ दिल्ली । दक्षिण भारतीय राज्य तेलंगानामा सम्पत्तिसम्बन्धी एउटा विवादमा राजस्वकी एक महिला अधिकारीलाई जिउँदै जलाएर हत्या गरिएको प्रहरीले बताएको छ।

विजया रेड्डी नामकी ती महिला अधिकारीको सरकारी कार्यालयभित्र सोमबार आक्रमण भएकै स्थानमा मृत्यु भएको थियो। उनलाई बचाउन खोज्ने एक पुरुषको कर्मचारीको मंगलबार उपचारका क्रममा मृत्यु भएको छ।

घटनास्थलमा खिचिएको एउटा दर्दनाक भिडियोमा कसैले उनको शरीरमा एउटा कम्बल ओढाइदिनुपूर्व रेड्डीले रोइकराइ गरेर गुहार मागेको देखिएको छ। सरकारी अधिकारीलाई जिउँदै जलाएर हत्या गरेको घटनामा संलग्न भएको भन्ने आरोप लागेका संदिग्ध आक्रमणकारीलाई नियन्त्रणमा लिइएको प्रहरीले जनाएको छ। आक्रमणकारीको शरीर पनि आगोले पोलेको बताइएको छ।

सोमबार दिउँसो एक बजेर ३० मिनेटतिर अदालतको एउटा सुनुवाइबाट फर्किएकी रेड्डीमाथि सांघातिक आक्रमण भएको थियो। उनकै कार्यालयमा भेट्न आएका के सुरेश नामक व्यक्तिले उनीमाथि आक्रमण गरेको प्रहरीको भनाइ छ।

सोमबारको घटनामा रेड्डीलाई जोगाउन गएका अन्य दुई कर्मचारी पनि आगोले पोलेर घाइते भएको बताइएको छ। ती मध्येका एक गुरुन्नाथाम नामका कर्मचारीका अनुसार रेड्डीको कार्यकक्षबाट चिच्याएको आवाज आएको थियो। तर त्यो कक्ष भित्रबाट बन्द गरिएको थियो।

‘उनी जसोतसो ढोका खोल्न सफल भइन् र बाहिर आइन्। हामी आक्रमणकारी सुरेशलाई तान्न खोज्दै थियौं। उनी भुइँमा ढलिन् र हामीले पत्तो पाउनुअघि नै आगो सबैतिर फैलिसकेको थियो,’ रेड्डीलाई बचाउन जाँदा आगोले पोलेर घाइते भएका गुरुन्नाथामको मृत्यु हुनुपूर्व उनले प्रहरीलाई बताएका थिए। प्रत्यक्षदर्शीका अनुसार आगोको पोलाइ खप्न नसकेर सुरेश सो भवन छोडेर भागेका थिए। प्रहरीले सुरेशलाई सडकमा हिडिँरहेको अवस्थामा फेला पारेर अस्पताल पु-याएको थियो।

आक्रमण तेलंगाना राज्यको राजधानी हैदराबादभन्दा ३२ किलोमिटर पर अब्दुल्लाहपरमेटमा भएको थियो। एक वरिष्ठ प्रहरी अधिकारी महेश भागवतका अनुसार प्रहरीले आक्रमणमा एक जना मात्रै वा बढी व्यक्ति संलग्न थिए भन्नेबारमा पत्ता लगाउन खोजिरहेको छ। आक्रमण भएको स्थलबाट नजिकैको एउटा गाउँमा बस्ने संदिग्ध सुरेशको परिवारले जग्गासम्बन्धी एउटा मुद्दा झेलिरहेको बताइएको छ। सुरेशका पिताले सञ्चारमाध्यमलाई भने, ‘जग्गा विवादमा हाम्रो एउटा मुद्दा चलिरहेको छ। तर त्यो म र मेरा भाइले हेरिरहेका छौं। सुरेश किन ती अधिकारीलाई भेट्न गयो भन्ने विषयमा भने हामीलाई केही थाहा छैन।’

सरकारी अधिकारीलाई कार्यस्थलमै जिउँदै जलाएर हत्या गरिएको घटनाको विरोध गर्दै तेलंगानामा कार्यरत राजस्व सेवाका कर्मचारीको संगठनले तीन दिनसम्म काममा नजाने घोषणा गरेको छ।

‘सरकारी कार्यालयभित्र यस्तो घटना हुनु दुर्भाग्यपूर्ण हो,’ संगठनका अध्यक्ष रविन्द्र रेड्डी वांगाले बिबिसीलाई बताए। उनले विगत दुई वर्षमा राजस्वका कर्मचारीसँग कैयौं दुव्र्यहारका घटना भएको दाबीसमेत गरेका छन् । बिबिसी

    Comment Here!

Related NEWS
मुख्य खबर

१६ दिने अभियानको राष्ट्रिय नारा तय

देशभर बलात्कारका घटनामा बृद्धि भइरहेका कारण १६ दिने अभियानको नारा बलात्कार केन्द्रित बनाइएको पौडेलले बताए

हिंसाले चुनावी मैदान छाड्दै बेलायती महिला सांसद

बेलायतमा महिला सांसदमाथि अभद्र टिप्पणी गर्नेक्रम बढ्दो छ । महिला सांसदमाथि बलात्कार र हत्याका धम्की आउनु

मन्त्री थापाले गरिन् अन्तर्राष्ट्रिय समुदायसँग आग्रह

नेपालले आइसीपीडीको समर्थन जनाउनाका साथै सन् १९९४ को कायरो सम्मेलनदेखि नै यसलाई आत्मसात् गर्दै आएको

अन्तर्राष्ट्रिय स्तरमा खेल्ने महिला खेलाडी उत्पादन गरिनेः उपमेयर गौतम

सहभागी छात्राका लागि जर्सी र जुत्ताको उपमहानगरले व्यवस्था गरिएकोे छ ।

नेकपा उम्मेदवार विद्या भन्छिन्ः पोखरेली सपना नै मेरा एजेन्डा

उनले भनिन्, ‘सुन्दर पोखरालाई विश्वभर चिनाउन र यहाँका पूर्वाधार निर्माण गरी अन्तर्राष्ट्रिय सहर बनाउने पोखरेलीको

Read more
ताजा अपडेट
© 2015.All rights reserved by mahilakhabar.com
%d bloggers like this: