सुदूरले पायो शर्मिला 


प्रकाशित मिति :2019-11-05 12:02:07

-महिला खबर-

ललितपुर । सुदूरपश्चिम प्रदेशको प्रमुखमा शर्मिला कुमारी त्रिपाठी नियुक्त भएकी छन् । सोमबार मन्त्रिपरिषद्को सिफारिसमा राष्ट्रपति विद्यादेवी भण्डारीले नयाँ प्रदेश प्रमुखहरु नियुक्त गरेसंगै सुदूरपश्चिम प्रदेशको प्रमुखमा त्रिपाठी नियुक्त भएकी हुन् ।

सोबार बसेको नेपाल कम्युनिस्ट पार्टी (नेकपा)को सचिवालय बैठकले सातवटै प्रदेशका प्रदेश प्रमुखको टुंगो लगाउँदै चितवनकी शर्मिला त्रिपाठीसहित सात जनाको नाम सरकारसमक्ष सिफारिस गरेको थियो ।

चितवन घर भएकी त्रिपाठी तत्कालीन माओवादीसम्वद्ध वेपत्ता परिवार समाजको अध्यक्ष हुन् । उनका श्रीमान ज्ञानेन्द्र त्रिपाठीलाई सशस्त्र विद्रोहको समयमा राज्यपक्षले वेपत्ता पारेको थियो ।

त्यस यता द्वन्द्वपीडितको पक्षमा आवाज उठाउँदै आएकी त्रिपाठी सरल र निडर स्वभावका कारण लोकप्रिय छिन् ।

प्रदेश प्रमुखले लिए सपथ

यस्तै सातै प्रदेशका नवनियुक्त प्रदेश प्रमुखहरुले आज पद तथा गोपनीयताको सपथ लिएका छन् । राष्ट्रपति विद्यादेवी भण्डारीले आज बिहान नौ बजे शीतल निवासमा आयोजित समारोहमा प्रदेश प्रमुखहरुलाई सपथ गराएकी हुन् ।

प्रदेश १ मा सोमनाथ अधिकारी ‘प्यासी’, प्रदेश २ मा तिलक परियार, प्रदेश ३ मा विष्णु प्रसाईं, गण्डकी प्रदेशमा अमिक शेरचन, प्रदेश ५ मा धर्मनाथ यादव, कर्णाली प्रदेशमा गोविन्द कलौनी र सुदूरपश्चिम प्रदेशमा शर्मिलाकुमारी त्रिपाठी नियुक्त भएका छन् ।

सरकारले नेपाली कांग्रेसको सरकारले नियुक्त गरेका प्रदेश प्रमुखहरु हटाउँदै नयाँ नियुक्त गरेको हो। मन्त्रिपरिषद्को सिफारिसमा राष्ट्रपति भण्डारीले आइतबार सातै प्रदेश प्रमुखहरुलाई पदमुक्त गरेकी थिइन्।

    Comment Here!

Related NEWS
मुख्य खबर

रगतको कथा

अनि रजस्वलाको रगतसमेत नछाड्नेहरुलाई सझाउन मन छ अपमानको बदलामा द्रौपदीले महाभारत रचेको कुरा ।

राष्ट्रका नाममा सम्बोधन गर्दै प्रधानमन्त्रीले भने, ‘सामाजिक सहायता कटौती हुन्न’

‘श्रम गर्नै नसक्नेलाई राहत दिऊँ, बाँकी सबैलाई काम दिऊँ र आर्थिक रुपमा भरथेग गरौँ’ भन्ने

बालिका यौन शोषणको आरोपमा थुनामा रहेका शिक्षक पार्टीबाट निष्कासन

अधिकारी हाल नेकपा निकट अखिल नेपाल शिक्षक संगठनको प्रदेश नं. १ को महासचिव पनि हुन्

सांसद विशुन्केले भनिन्, ‘पश्चिम रुकुम घटना संविधान र सिङ्गो दलित समुदायमाथिको अपमान’

विभेद कस्तो वर्गले बचाएको रहेछ भन्ने ज्वलन्त उदाहरण केही दिन पहिला नेपाल सरकारको पेन्सनवाला सचिव

दलित युवकको हत्याप्रति सोच नेपालको विरोध

–महिला खबर– ललितपुर । रुकुम पश्चिममा कथित जातका आधारमा दुई युवकको हत्या गरेको घटनाको सोच

Read more
ताजा अपडेट
© 2015.All rights reserved by mahilakhabar.com
%d bloggers like this: