“इटहरी सरकार घरमै आइपुग्यो”


प्रकाशित मिति :2019-11-03 14:32:21

–लिलाराज भट्टराई–

इटहरी । घरका सबैजना सन्तान अपांगता भएको परिवारलाई इटहरी उपमहानगरले एक लाख रकम सहयोग गरेको छ । इटहरी २ का लक्ष्मण तामाङ्गलाई उपमहानगर प्रमुख द्धारिकलाल चौधरी, उपप्रमुख लक्ष्मी गौतम उनको घरमै पुगेर सहयोग रकमको चेक हस्तान्तरण गरेका हुन् ।

लक्ष्मण तामाङ्गका चार सन्तान छन् । चारैलाई अपांगता भएको छ । १४ देखि २९ वर्षसम्मका उनीहरु कोही पनि आँखा देख्न सक्दैनन् । दुई छोरा र दुई छोरी मध्ये कान्छो छोराबाहेक कोही पनि बोल्न समेत सक्दैनन् । उठेर हिँडन त परै जाओस, बस्न पनि सक्दैनन् । ओल्टाइ पल्टाइ गर्नुपर्छ । अलिअलि मात्रै आँखा देख्न सक्ने कान्छो छोराको अवस्था पनि बिस्तारै अन्य दाजु दिदीको जस्तै हुन थालेको छ ।

तामाङ्ग परिवारमा परेको यो समस्या उनको मात्र नभएको र उनका साथमा उपमहानगरपालिका पनि छ भन्ने महसुस गराउन जीवन निर्वाह अनुदान शिर्षकमा एक लाख रकम प्रदान गरिएको प्रमुख द्धारिकलाल चौधरीले बताए ।

चारै सन्तानको यस्तो अवस्थामा उनीहरुको स्याहारको जटिल कार्यमा तल्लिन रहेकोमा प्रमुख चौधरीले परिवारको प्रशंशा गर्दै सद्भाव व्यक्त गरे ।

उपप्रमुख लक्ष्मी गौतमले यो परिवारलाई परेको समस्यामा सहयोग गर्न सबैसँग आग्रह गरिन् । उनले ट्रस्ट बनाएर अघि बढ्दा राम्रो हुने सुझाव समेत दिएकी छन् ।

यसअघि उपप्रमुख गौतमले घरमै पुगेर चारैजनालाई अपांगता परिचय पत्र रेडकार्ड दिएकी थिइन् । अहिले उनीहरुले मासिक ३ हजारका दरले भत्ता समेत पाउदै आएका छन् ।

इटहरी सरकारको सहयोगप्रति आभार ब्यक्त गर्दै उनीहरुका वुवा लक्ष्मण तामाङ्गले भने, ‘गाँउ गाँउमा शिहँदरवार भन्थे, इटहरी सरकार घरमै आइपुग्यो खुशी लागेको छ ।’

१४ देखि २८ बर्षसम्मका चारै जना छोरा छोरी जो आँखा देख्दैनन, बोल्न सक्दैनन, जीउ लल्याकलुलुक छ उठेर बस्न सक्दैनन् । दिसापिसाब पनि सुतेकै ठाउँमा गराउनुपर्छ । नुहाउने, धुवाउने, खुवाउने, सरफाईमा तामाङ दम्पति अहोरात्र खटनुपर्छ ।

बुबा लक्ष्मणका अनुसार जेठी छोरी अस्मिता सात वर्षसम्म सबै ठीक थिइन । त्यसपछि बिस्तारै आँखा देख्न छाडिन, एक वर्षमा पुरै आँखा नदेख्ने भयो, त्यसपछि ढल्ने बेहोस हुने समस्या भयो । केही समयपछि केही थाहा नपाउने भएर ओछ्यानको ओछ्यान भइन् । अरु दुईजनालाई पनि ठयाक्कै त्यस्तै भयो ।

कान्छो छोराले पनि आँखा देख्न सक्दैनन् हिडडुल गर्न भने सक्छन् । राम्रो अस्पतालमा लगेर उपचार गर्न सके हुन्थ्यो भन्ने उनलाई लागेको छ । इटहरी उपमहानगरका प्रमुख चौधरी,उपप्रमुख लक्ष्मी गौतम, वडाध्यक्ष हर्क मगरले तामाङ परिवारलाई सहयोगका लागि सबैसंग आग्रह गरेका छन् ।

    Comment Here!

Related NEWS
मुख्य खबर

१६ दिने अभियानको राष्ट्रिय नारा तय

देशभर बलात्कारका घटनामा बृद्धि भइरहेका कारण १६ दिने अभियानको नारा बलात्कार केन्द्रित बनाइएको पौडेलले बताए

हिंसाले चुनावी मैदान छाड्दै बेलायती महिला सांसद

बेलायतमा महिला सांसदमाथि अभद्र टिप्पणी गर्नेक्रम बढ्दो छ । महिला सांसदमाथि बलात्कार र हत्याका धम्की आउनु

मन्त्री थापाले गरिन् अन्तर्राष्ट्रिय समुदायसँग आग्रह

नेपालले आइसीपीडीको समर्थन जनाउनाका साथै सन् १९९४ को कायरो सम्मेलनदेखि नै यसलाई आत्मसात् गर्दै आएको

अन्तर्राष्ट्रिय स्तरमा खेल्ने महिला खेलाडी उत्पादन गरिनेः उपमेयर गौतम

सहभागी छात्राका लागि जर्सी र जुत्ताको उपमहानगरले व्यवस्था गरिएकोे छ ।

नेकपा उम्मेदवार विद्या भन्छिन्ः पोखरेली सपना नै मेरा एजेन्डा

उनले भनिन्, ‘सुन्दर पोखरालाई विश्वभर चिनाउन र यहाँका पूर्वाधार निर्माण गरी अन्तर्राष्ट्रिय सहर बनाउने पोखरेलीको

Read more
ताजा अपडेट
© 2015.All rights reserved by mahilakhabar.com
%d bloggers like this: