‘यसलाई फाँसी दिँदा पनि सजाय कम हुन्छ’


प्रकाशित मिति :2019-11-01 17:24:57

–महिला खबर–

ललितपुर । आफूलाई एसिड छ्यापेर फरार भएका व्यक्तिलाई आफू सामू देखेपछि हेटौडाकी विन्दवासिनी कंसाकारले आफूलाई नियन्त्रण गर्नै सकिनन् । हातमा हत्कडी र मुखमा मास्क लगाएर पत्रकार सम्मेलनमा उपस्थित गराइएका एसिड छ्याप्ने व्यक्तिलाई देखेपछि आक्रोशित कंसाकारले उनलाई झम्टिन जाँदै भनिन्, यो अपराधीलाई जेल होइन, फाँसीको सजाय दिनुपर्छ । मेरो जीवन बर्बाद गर्ने यसलाई फाँसीको सजाय पनि कम हुन्छ ।’

हेटौँडामा ६ वर्षअघि विन्दवासिनी कंसाकारलाई एसिड छ्यापेर फरार युवकलाई पक्राउ गरी प्रहरीले आज शुक्रबार पत्रकार सम्मेलनमार्फत सार्वजनिक गरेको हो । सोही कार्यक्रममा उपस्थित पीडित युवतीको आक्रोश, रोधन र पीडाले त्यहाँको माहोल खल्बलियो । उपस्थित पीडितका आफन्त पनि भन्दै थिए, ‘यस्तालाई त कानून बनाएरै भए पनि फाँसी दिनुपर्छ । बाँच्न दिनु हुन्न ।’

भारत महाराजगञ्ज अमरपूर्वन ६ का ‘राज’ भनिने दिलीपराज केशरीलाई बारा जिल्ला जितपुर सिमरा उपमहानगरपालिका २३ को भलोहीमा लुकेर बसेको अवस्थामा प्रहरीले पक्राउ गरी सार्वजनिक गरेको हो ।

हेटौँडाको मेनरोडमा रहेको आफ्नै पसलमा बसिरहेको समयमा दिलीपराजले विन्दवासिनीलाई एसिड छ्यापेर फरार भएका थिए ।

प्रहरी महानिरीक्षक (आईजी) सर्वेन्द्र खनालको निर्देशनमा निरन्तर खटिएको प्रहरी टोलीले केशरीलाई पक्राउ गर्न सफल भएको जानकारी दिएको छ ।

एसिड आक्रमणपछि उपचारका क्रममा आफ्नो ८० लाख रुपैयाँ खर्च भइसकेको र अहिले पनि उपचार जारी रहेको कंसाकारले बताइन् ।

आफूलाई बर्बाद पार्ने ती युवकलाई कडा भन्दा कडा सजाय गराउन पनि उनले माग गरिन् ।

unn.prixa.net

    Comment Here!

Related NEWS
मुख्य खबर

पेशाबाट पेट पालिनुपर्छ

-वसन्ती बास्तोला- जनआन्दोलन, माओवादी द्वन्द्व, नेपाल बन्द सबैबेला काम गराउनको लागि विकल्प देख्ने सञ्चालक संकटमा तलबको

बजेटमा महिला (पूर्ण पाठसहित)

-महिला खबर- महिलाको भूमिमाथिको अधिकार र स्वामित्व बढाउन प्रदेश र स्थानीय तहको समन्वयमा महिलाको नाममा जग्गाको

स्वास्थ्य स्वयंसेविकाको यातायात खर्च दोब्बर

हाल नेपालमा ५२ हजारको हाराहारीमा स्वास्थ्य स्वयंसेविकाहरु कार्यरत रहेका छन् ।

सामाजिक सुरक्षा भत्ताको निरन्तरता

यसका लागि सरकारले ६७ अर्ब ५० करोड रुपैयाँ बजेट विनियोजन गरेको छ ।

३ वर्षभित्र सबैको स्वास्थ्य विमा गरिने

३ वर्षभित्र सबैको स्वास्थ्य विमा गरिने । सबै स्थानीय तहका ४० प्रतिशतलाई स्वास्थ्य विमाको दायरामा

Read more
ताजा अपडेट
© 2015.All rights reserved by mahilakhabar.com
%d bloggers like this: