मन्त्री थापा र यूएनएफपीएका कार्यकारी निर्देशकबीच शिष्टाचार भेट


प्रकाशित मिति :2019-10-21 12:46:17

-महिला खबर-

ललितपुर । महिला बालबालिका, तथा जेष्ठ नागरिक मन्त्री थममाया थापा र संयुक्त राष्ट्रसंघीय जनसंख्या कोष (यूएनएफपीए)का कार्यकारी निर्देशक तथा संयुक्त राष्ट्र संघका उप–महासचिव डा.नतालिया कनेम बीच शिष्टाचार भेटवार्ता भएको छ ।

आइतबार सिंहदरबारस्थित महिला, बालबालिका तथा जेष्ठ नागरिक मन्त्रालयमा भएको भेटघाटका क्रममा मन्त्री थापाले नेपाल सरकारले समतामूलक समाज निर्माण र आम नागरिकले न्यायमूलक समाजमा जिउन पाउने अधिकारको परिकल्पना गरेको बताइन् ।

उनले नेपालको आधा भन्दा बढी जनसंख्या महिलाको रहेकाले त्यसमा बालबालिका र किशोरीहरु पनि पर्ने बताइन् । मन्त्री थापाले सरकारले २०७६ लाई लैगिक हिंसा विरुद्धको अभियान बर्षका रुपमा मनाउने घोषणा गरेकाले त्यसमा सघाउन आग्रह गरिन ।

दुई दिने नेपाल भ्रमणमा आएकी यूएनएफपीएका कार्यकारी निर्देशक कनेमले लैगिक हिंसा र बालविवाह अन्त्य गर्न आफूहरुले संगसगैै रहेर काम गरेको बताइन् । कनेमले महिला बालबालिका मन्त्रालयले शुरु गरेको लैंगिक हिंसा विरुद्धको अभियानलाई सहयोग गर्न आफूहरु तत्पर रहेको बताइन् ।

अभियानले किशोरी र महिलाको जीवनमा कसरी फरक ल्याउन सक्छ त्यसको सहयोगका लागि जनसंख्या कोष सधैँ नै तयार रहेको कनेमले बताइन् ।

उनले जातजाती, धर्म, सम्प्रदाय, वर्ण र लिंगका मानिसहरुको उपस्थिति रहेकोले नेपाल एउटा समावेशीताको प्रतिक भएको बताइन् ।

सन् १९९४ मा भएको जनसंख्या तथा विकास सम्बन्धी अन्तर्रारष्ट्रिय सम्मेलन (आईसीपीडी)को कार्ययोजना कार्यान्वयनमा नेपालले गरेको प्रतिवद्धता अनुसार हालसम्म गरेको उपलब्धीहरुसँग साक्षात्कार हुन डा। नतालियासहितको टोली उच्चस्तरीय भ्रमणमा नेपाल आएको हो ।

    Comment Here!

Related NEWS
मुख्य खबर

१६ दिने अभियानको राष्ट्रिय नारा तय

देशभर बलात्कारका घटनामा बृद्धि भइरहेका कारण १६ दिने अभियानको नारा बलात्कार केन्द्रित बनाइएको पौडेलले बताए

हिंसाले चुनावी मैदान छाड्दै बेलायती महिला सांसद

बेलायतमा महिला सांसदमाथि अभद्र टिप्पणी गर्नेक्रम बढ्दो छ । महिला सांसदमाथि बलात्कार र हत्याका धम्की आउनु

मन्त्री थापाले गरिन् अन्तर्राष्ट्रिय समुदायसँग आग्रह

नेपालले आइसीपीडीको समर्थन जनाउनाका साथै सन् १९९४ को कायरो सम्मेलनदेखि नै यसलाई आत्मसात् गर्दै आएको

अन्तर्राष्ट्रिय स्तरमा खेल्ने महिला खेलाडी उत्पादन गरिनेः उपमेयर गौतम

सहभागी छात्राका लागि जर्सी र जुत्ताको उपमहानगरले व्यवस्था गरिएकोे छ ।

नेकपा उम्मेदवार विद्या भन्छिन्ः पोखरेली सपना नै मेरा एजेन्डा

उनले भनिन्, ‘सुन्दर पोखरालाई विश्वभर चिनाउन र यहाँका पूर्वाधार निर्माण गरी अन्तर्राष्ट्रिय सहर बनाउने पोखरेलीको

Read more
ताजा अपडेट
© 2015.All rights reserved by mahilakhabar.com
%d bloggers like this: