नेता महिलाले भने, ‘नेतृत्वमा महिला संख्या बढाउनु पर्छ’


प्रकाशित मिति :2019-10-20 20:43:27

-महिला खबर-

ललितपुर । प्रतिनिधिसभाकी उपसभामुख डा. शिवमाया तुम्बाहाम्फेले नेतृत्वमा महिलाको संख्यात्मक र गुणात्मक सहभागिता आवश्यक रहेको बताएकी छन् ।

‘महिला राजनीतिज्ञसँगको अन्तरक्रिया ’ कार्यक्रममा बोल्दै उपसभामुख डा. तुम्बाहाम्फेले राजनीतिक, आर्थिक, सामाजिक लगायतका सबै क्षेत्रमा आ-आफ्नो पृष्ठभूमिका महिला नेतृत्वको सहभागिता बढेको बताइन् । ‘तर यतिले मात्रै पुग्दैन, यो प्रतिस्पर्धाको जमानामा हामी (महिला)ले संख्या र गुणस्तर बढाउनैपर्छ,’ उनले भनिन् ।

सञ्चारिका समूह, निर्वाचन आयोग लगायत संस्थाले संयुक्त आयोजना गरेको अन्तरक्रियामा बोल्दै तुम्बाहाम्फेले सञ्चार माध्यम र महिला राजनीतिज्ञहरुले सहकार्य गरेर अघि बढ्नुपर्ने बताइन् । उनले भनिन्, ‘सञ्चार माध्यमहरुले महिलाको आवाज उठाउने विषयमा योजना बनाउनुपर्छ र राजनीतिज्ञ महिलाहरुले आफ्ना कुराहरु उठाउँदा विषय केन्द्रित शसक्त आवाज उठाउने गर्ने तयारीमा हुनुपर्छ ।’

संसदकी एक महिला कर्मचारीलाई बलात्कार गरेको आरोप लागेका पूर्व सभामुख कृष्णबहादुर महराको विषयमा राजनीतिक दलका महिला संगठनहरु मौन बनेको विषयलाई जोड्दै महिला राजनीतिज्ञहरुले डटेर लड्नुपर्ने समाजवादी पार्टीकी नेतृ हिसिला यमीले बताइन् । उनले भनिन्, ‘सरकार अप्ठेरोमा पर्ने, अल्पमतमा पर्ने भएपनि महिला हिंसाका सवालमा हामीले बोल्नैपर्छ ।’

संविधानमा सुरक्षित महिला अधिकारलाई थप स्थापित र प्रभावकारी कार्यान्वयनका लागि सञ्चार माध्यम र महिला राजनीतिज्ञहरुले समन्वय गर्नुको विकल्प नहुने नेकपाकी सांसद विन्दा पाण्डेले बताइन् ।

नेपाली कांग्रेसकी सांसद लक्ष्मी परियारले सञ्चारमाध्यमहरुले महिला नेतृहरुलाई समान स्थान दिनुपर्ने बताइन् ।

राष्ट्रिय योजना आयोगकी पूर्व सदस्य तथा राष्ट्रिय सभा सदस्य विमला राई पौड्याल, सांसद रामकुमारी झाक्री, अष्टलक्ष्मी शाक्य, कुमारी सुवेदी लगायत महिला सांसदहरुले बोलेका थिए ।

    Comment Here!

Related NEWS
मुख्य खबर

१६ दिने अभियानको राष्ट्रिय नारा तय

देशभर बलात्कारका घटनामा बृद्धि भइरहेका कारण १६ दिने अभियानको नारा बलात्कार केन्द्रित बनाइएको पौडेलले बताए

हिंसाले चुनावी मैदान छाड्दै बेलायती महिला सांसद

बेलायतमा महिला सांसदमाथि अभद्र टिप्पणी गर्नेक्रम बढ्दो छ । महिला सांसदमाथि बलात्कार र हत्याका धम्की आउनु

मन्त्री थापाले गरिन् अन्तर्राष्ट्रिय समुदायसँग आग्रह

नेपालले आइसीपीडीको समर्थन जनाउनाका साथै सन् १९९४ को कायरो सम्मेलनदेखि नै यसलाई आत्मसात् गर्दै आएको

अन्तर्राष्ट्रिय स्तरमा खेल्ने महिला खेलाडी उत्पादन गरिनेः उपमेयर गौतम

सहभागी छात्राका लागि जर्सी र जुत्ताको उपमहानगरले व्यवस्था गरिएकोे छ ।

नेकपा उम्मेदवार विद्या भन्छिन्ः पोखरेली सपना नै मेरा एजेन्डा

उनले भनिन्, ‘सुन्दर पोखरालाई विश्वभर चिनाउन र यहाँका पूर्वाधार निर्माण गरी अन्तर्राष्ट्रिय सहर बनाउने पोखरेलीको

Read more
ताजा अपडेट
© 2015.All rights reserved by mahilakhabar.com
%d bloggers like this: