रञ्जनाको हत्याप्रती सोच नेपालको ध्यानाकर्षण


प्रकाशित मिति :2019-10-18 11:53:49

-महिला खबर-

विराटनगर–११ पच्चमुखि चोक माइती भएकी रञ्जना सहनी (बहरदार)को दाइजोको निहुँमा हत्या भएको घटनाप्रती मानवबादी समाज (सोच) नेपालले गम्भीर ध्यानाकर्षण भएको जनाएको छ ।

भारतको अररिया जिल्ला स्थित परवाना नदिको मीरगन्ज पुल नजिकै विभत्स तरिकाले हत्या गरी फालेको अवस्थामा फेला परेकी रञ्जनाको २ लाख दाइजो नदिदा श्रीमान् र उनको परिवारले हत्या गरेको समाचार संचार माध्यममा प्रकाशित भएको थियो ।

विज्ञप्तिमा राज्यले जनताको सुरक्षित रुपमा स्वतन्त्रतापूर्बक बाँच्न पाउने अधिकारको सुनिश्चत गर्न, धर्म, अन्धबिश्वास र कुरीति एवं यसको प्रभावबाट हुने हिंसाको अन्त्यका लागि बिद्यमान ऐन, कानुनको प्रभावकारी कार्यान्वयन र आवश्यक ऐन कानुनको निमार्ण गरी अभियान मार्फत हिंसा अन्त्यका कार्यक्रम सञ्चालन गर्न सरकारसँंग माग गरिएको छ ।

हेर्नुस् विज्ञप्तिको पूर्ण पाठ;

प्रेस बिज्ञप्ती

धार्मिक अन्धबिश्वास र कुरीतिका कारणले नेपाली समाजमा विपन्न, महिला तथा दलितहरु हत्या र हिंसाको शिकार भईरहेका समाचारहरु दैनिकरुपमा आइरहँदा समेत नेपाल सरकारले नागरिकको ज्यानको सुरक्षा तथा मौलिक हकको रक्षा गर्न नसकेको प्रति सोच नेपालको गम्भिर ध्यानाकर्षण भएको छ ।

मिति २०७६ असोज २८ गते अन्नपूर्णपोष्ट दैनिकमा प्रकासित दाइजोको कारण नेपाली छोरीको भारतमा हत्या शिर्षकको समाचारले सोच नेपालको गंभिर ध्यानाकर्षण भएको छ । विराटनगर–११ पच्चमुखि चोक माइती भएकी रञ्जना सहनी (बहरदार)को हत्या भएको छ । उनको शव भारतको अररिया जिल्ला स्थित परवाना नदिको मीरगन्ज पुल नजिकै फालेको अबस्थामा फेला परेको छ ।

रञ्जना सहनी(बहरदार)को सासु ससुरा तथा पतिले २ लाख रुपैया दाइजो मागेको र त्यो दिन नसकेको कारणले हत्या भएको रञ्जनाका हजुरबुबा उमालाल सहनीले बताए । ‘हामीले सकेसम्म दिएका थियौं, मोटर साइकल पछि फेरी पैसा मागे, दिन सकिएन अहिले हत्या भयो’ । रञ्जनाको गत फागुन भारतको अररियाका भिम बहरदारसँग विवाह भएको थियो । विवाहमा माइतीले थोरै दाइजो ल्याएको भन्दै छोरीलाई शारीरिक तथा मानसिक यातना दिएको पीडितका बुवा मनिकचन्द सहनी बताँउछन् । ‘माइतमा रुदै सुनाउँथी, अहिले हत्या गरेर फालेछन्’, पीडितका बुवा मनिकचन्द सहनी बताँउछन् ।

यस्ता कुप्रथा तथा परम्परा कारण भएको घटनाले नेपालको संविधान २०७२ को धारा १६को सम्मानपूर्बक बाँच्न पाउने हकको उलंघन भएको छ । यसैगरी नेपालको संविधान २०७२ को धारा ३८ (३) महिलाको हक अनुसार धार्मिक तथा साँस्कृतिक परम्परा, प्रचलनका आधारमा शारीरिक, मानसिक, मनोबैज्ञानिक वा अन्य कुनै किसिमको हिंसाजन्य कार्य वा शोषण गर्न नपाउने ब्यवस्था छ । त्यस्तो कार्य कानुन बमोजिम दण्डनीय हुनेछ र पीडितलाई कानुन बमोजिम क्षेतिपूर्ति पाउने हक ब्यवस्था गरेको छ । दाईजोका कारण मासिकरुपमा हत्याका खबरहरु सार्वजनिक भईरहेका छन ।

राज्यले जनताको सुरक्षित रुपमा स्वतन्त्रता पूर्बक बाँच्न पाउने अधिकारको सुनिश्चत गर्न, धर्म, अन्धबिश्वास र कुरीति एवं यसको प्रभावबाट हुने हिंसाको अन्त्यका लागि बिद्यमान ऐन, कानुनको प्रभावकारी कार्यान्वयन र आवश्यक ऐन कानुनको निमार्ण गरी अभियान मार्फत हिंसा अन्त्यका कार्यक्रम सञ्चालन गर्न सरकारसँंग सोच नेपाल माग गर्दछ ।

सोच नेपाल

    Comment Here!

Related NEWS
मुख्य खबर

मर्यादित महिनावारी कि छाउपडी !

‘महिनावारीका कुरा, मर्यादाले हुन्छ पूरा’ वा ‘मिन्स्रुअल् टक, डिग्निटी फस्ट’ नारामार्फत संसारलाई नै आफ्नो पहिचान

नेपालमा मानव अधिकार उल्लंघन र ज्यादतीका घटनामा वृद्धि

–महिला खबर– ललितपुर । अंग्रेजी वर्ष सन् २०१९ मा नेपालमा मानव अधिकार उल्लंघन र ज्यादतीका

घर निकाला भएकी मैनाको आफन्त र उपचार अभावमा ज्यान जोखिममा

-आशिष प्रताप मल्ल- बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना

सामूहिक बलात्कार आरोपमा दुईजना पक्राउ

महिलालाई जनकपुरधाम उमनपा–४ स्थित विश्वकर्मा चोकमा फागुन ४ गते राति १० बजे सामूहिक बलात्कार गरेको

द्वन्द्व पीडित महिलाको राष्ट्रिय सञ्जाल गठन

–महिला खबर– ललितपुर । सशस्त्र द्वन्द्वका पीडित तथा प्रभावित महिलाहरूको भेलाले द्वन्द्व पीडित महिला राष्ट्रिय

Read more
ताजा अपडेट
© 2015.All rights reserved by mahilakhabar.com
%d bloggers like this: