किशोरीको नेतृत्वमा जलवायु आन्दोलनसम्बन्धी ऐतिहासिक मार्च


प्रकाशित मिति :2019-09-30 12:01:46

ओटावा । क्यानडामा जलवायु आन्दोलनसम्बन्धी भएको मार्चमा पाँच लाखभन्दा बढी सहभागी भएका छन् । ‘मोन्टरियल क्लाइमेट मार्च २०१९’ नाम दिइएको सो र्‍यालीको नेतृत्व स्विडेनकी वातावरण तथा जलवायु सरंक्षणसम्बन्धी अभियन्ता ग्रेटा थनवर्गले गरेकी थिइन् । जलवायु परिवर्तनसँग जुध्न उपयुक्त नीति माग गर्दै विश्वभर आन्दोलन भइरहेका वेला क्यानडाको पूर्वी सहर मोन्टरियलमा विशाल र्‍याली निकालिएको हो ।

विश्वव्यापी जलवायु आन्दोलनको एउटा अंशका रूपमा आयोजना गरिएको सो मार्चमा विभिन्न पेसा र वर्गका मानिस सहभागी थिए । पाँच लाखभन्दा बढी मानिस सहभागी र्‍यालीलाई सम्बोधन गर्दै १६ वर्षीय किशोरी ग्रेटाले भनिन्, ‘प्रदर्शनमा ठूलो सहभागिताले विश्व नेतालाई जलवायु परिवर्तनसम्बन्धी नीति निर्माण गर्न दबाब दिनेछ ।’ विश्वव्यापी उष्णताविरुद्ध भइरहेका अभियानमा वयस्कहरूले खिल्ली उडाउने गरेको भन्दै उनले त्यसको विरोध गरिन् । यसैसाता राष्ट्रसंघको जलवायुसम्बन्धी सम्मेलनमा ग्रेटाले गरेको सनसनीपूर्ण सम्बोधनपछि अमेरिकी राष्ट्रपति डोनाल्ड ट्रम्पले व्यंग्य गर्दै ट्विट गरेका थिए । उनले भनेका थिए, ‘उनलाई देख्दा मलाई लाग्यो ग्रेटा एकदम सुखी किशोरी हुन्, जसको भविष्य उज्ज्वल छ ।’

जलवायु परिवर्तनसम्बन्धी र्‍यालीमा इतिहासमै पहिलोपटक ठूलो संख्यामा जनसहभागिता भएको जनाइएको छ । सन् २०१४ को सेप्टेम्बरमा न्युयोर्कमा भएको पिपुल्स क्लाइमेट मार्चमा तीन लाख १० हजारको सहभागिता थियो । मार्चलाई समर्थन गर्दै मोन्टरियलमा स्कुल, कलेज र विश्वविद्यालयका विद्यार्थीले एक दिनका लागि कक्षा बहिष्कार गरेका थिए । लिबरल नेता जस्टिन टुडेउ, ग्रिन पार्टी नेता एलिजाबेथ मे र ब्लक क्युबेकोइस नेता इभ्स फ्रान्कोइस ब्लान्चटलगायतका नेता र्‍यालीमा सहभागी थिए । क्यानडाको तेल र ग्यास उत्पादन हुने क्षेत्रमा बलियो समर्थन रहेका कन्जरभेटिभ नेता एन्ड्रिउ सिचर भने कार्यक्रममा सहभागी भएनन् ।

मार्चलाई सफल बनाउन विश्वविद्यालयको तर्फबाट सहभागिता जनाएकी छात्रा लिआ इलिआर्डो ले जलवायु परिवर्तनसम्बन्धी आवश्यक नीति अंगीकार गर्न प्रदर्शन महत्वपूर्ण भएको बताइन् । संघीय सरकार र केही व्यापारगृहले कर्मचारीलाई बिदा दिएका थिए । कार्यक्रमका लागि सार्वजनिक यातायात सेवा निःशुल्क गरिएको थियो । र्‍याली शान्तिपूर्ण रूपमा सम्पन्न भएको दाबी गरिएको बताइएको छ ।  एजेन्सी । 

 

    Comment Here!

Related NEWS
मुख्य खबर

महिला जनप्रतिनिधिका तीन वर्ष: बैठकमा जाऊ ताली बजाऊ

तुलसीपुर उपमहानगरपालिका वडा नम्बर १२ का वडाध्यक्ष सूर्यबहादुर डाँगीले कार्यक्रम संयोजक तथा जनप्रतिनिधिलाई पैसा खर्च

कोरोनाको बहानामा मर्कामा पत्रकार

-महिला खबर- कोभिड-१९को नाममा पत्रकारलाई भोको राख्न नहुने प्रतिनिधिसभा विकास तथा प्रविधि समिति सभापति कल्याणी कुमारी

वन्दना राणा यूएनको सिड कमिटीमा दक्षिण एशियाकै एक मात्र उम्मेदवार

-महिला खबर- ललितपुर । महिला अधिकारकर्मी वन्दना राणा यूएन सिड कमिटीको निर्वाचनमा नेपालका तर्फबाट उम्मेदवार घोषणा

काठमाडौँ महानगरले दियो प्रसुतिगृहलाई पीसीआर र वीरलाई स्वचालित न्युक्लेइक एसिड एट्राक्सन मेसिन

काठमाडौं । काठमाडौं महानगरपालिकाले चिकित्सा विज्ञान राष्ट्रिय प्रतिष्ठान वीर अस्पताल र प्रसुति तथा स्त्री रोग

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

Read more
ताजा अपडेट
© 2015.All rights reserved by mahilakhabar.com
%d bloggers like this: