महिला तथा बालबालिकाको स्वास्थ्य सुधारको लागि विशेष अभियान


प्रकाशित मिति :2019-09-08 15:58:31

-सर्मिला बुढाथोकी-

दोलखा । दोलखाको शैलुङ गाउँपालिकाले महिला तथा बालबालिकाको स्वास्थ्य सुधारको लागि घरघरको चुलोलाई धुँवा मुक्त, सम्पूर्ण बालबालिकाहरुलाई खोपयुक्त भन्ने नारासहित विशेष अभियान सुरु गरेको छ ।

आर्थिक वर्ष २०७६/०७७ को नीति तथा कार्यक्रम मार्फत सञ्चालन गरिएको अभियान उपलब्धि मूलक रहेको शैलुङ गाउँपालिकाका अध्यक्ष भरत दुलालले बताए । बालबालिका भोलिको भविष्य भएको र बालबालिकाको बृत्ति विकासमा महिलाहरुको भूमिका अहम हुने कुरालाई मध्यनजर गर्दै गाँउपालिकाले घरघरको चुलोलाई धुँवा मुक्त, सम्पूर्ण बालबालिकाहरुलाई खोपयुक्त भन्ने नारा सहित विशेष अभियान सुर गरेको अध्यक्ष दुलालको भनाई छ ।

अभियान अन्र्तगत गाउँपालिकाभित्र रहेका सबै बालबालिकालाई निश्चित उमेरसम्म लगाउनु पर्ने सबै खाले खोप लगाउने वातावरण बनाउन गर्भवती तथा सुत्केरी महिलाहरुलाई स्वास्थ्य चौकीसम्म पुर्याउन विशेष पहल गरिएको गाउँपालिकाले जनाएको छ ।

गर्भवती महिलाहरुलाई चार पटक खोप लगाउन आउदा प्रत्यक पटक एक क्रेटका दरले अण्डा दिने गरेको र यसले गर्भवती जाँच र गर्भवती अवस्थामा खोप लगाउन आउने महिलाहरुको संख्यामा उल्लेख्य बृद्धि भएको गाउँपालिकाका प्रवक्ता हिराकुमार थोकरले बताए ।
त्यसरी खोप लगाउन आउदा बालबालिकालाई निश्चित उमेरसम्म बिभिन्न खोप लगाउनुपर्ने बारेमा समेत जानकारी गराएर पठाउने गरिएको प्रवक्ता थोकरको भनाई छ ।

यस्तै गाउँपालिकाभित्र रहेका महिला स्वास्थ्य स्वयम सेविकाहरुलाई हरेक वर्ष दशै खर्चबापत ५ हजार रुपैयाँ गाउँपालिकाले दिदै आएको र उनीहरुले गाउँ गाउँमा
पुगेर बालबालिकाहरुलाई लगाउनु पर्ने खोपको बारेमा जानकारी दिने गरेको गाउँपालिकाले जनाएको छ ।

गाउँपालिकामा रहेका २० वटा स्वास्थ्य आमा समूहलाई ३ नम्बर प्रदेश सरकारको सामाजिक विकास मन्त्रालयको सहयोगमा जुठेल्ना सुधार कार्यक्रम अन्र्तगत एक हजार लिटरको प्लास्टीकको पानी ट्याङ्की समेत वितरण गरिएको गाउँपालिकाले जनाएको छ । त्यसले सरसफाईमा सहयोग पुग्ने र महिला स्वास्थ्यमा सकारात्मक प्रभाव पार्ने अध्यक्ष दुलालको भनाइ छ ।

शैलुङ गाउँपालिकामा झण्डै ४ हजार बालबालिका रहेकोमा ९९ प्रतिशत बालबालिकाहरुले नियमीत खोप लगाउने गरेको अध्यक्ष भरत दुलालले बताए । केहि बालबालिकाका अभिभावकहरुमा खोप लगाउदा राम्रो नहुने धार्मिक अन्धविश्वास रहेकोले उनीहरुलाई सम्झाई बुझाई गर्ने काममा महिला स्वास्थ्य स्वयमसेवीका, जनप्रतिनिधि र स्वास्थ्य कार्यकर्ताहरु सक्रिय रहेको अध्यक्ष दुलाल बताउँछन् ।

विशेषगरी ग्रामीण क्षेत्रमा चुला चौकाको काम महिलाहरुले नै गर्ने र चुलाबाट निस्कने धुँवाले महिलाहरुमा धेरै प्रकारका रोगहरु लाग्ने भएकोले घरघरको चुलोलाई धुँवा मुक्त अभियान समेत सुरु गरिएको दुलालले बताए ।

अभियान अन्र्तगत अहिले गाउँपालिकाको आठ वटा वडाका झण्डै ५० प्रतिशत घरहरुमा धुँवा रहित चुलो निर्माण सुरु भएको छ । भुकम्पपछि झण्डै ८ हजार घरधुरी रहेको शैलुङ गाँउपालिकाको करिब ३ हजार घरमा धुँवा रहित चुलो जडान गरिसकेको अध्यक्ष दुलालले बताए ।

धुँवारहित चुलो जडानको लागि घर धनिले माटो लगायतका स्थानिय सामग्री उपलब्ध गराउनु पर्ने र दक्ष जनशक्ति सहित बाँकी कुराहरु हिमालयन बैकल्पीक उर्जा प्रबद्धन केन्द्रले उपलब्ध गराई दिने गाउँपालिकाले जनाएको छ ।

गाउँपालिकाले हिमालयन बैकल्पीक उर्जा प्रबद्धन केन्द्रलाई एउटा चुलो बनाएबापत २० देखि ३० प्रतिशतसम्म सहयोग गरेको अध्यक्ष दुलालले बताए ।

पुनर्निर्माणको काम सकिएको एक वर्षभित्र गाँउपालिकाको सबै घरमा धुँवा रहित चुलो जडान गरिसक्ने गाँउपालिकाको लक्ष्य रहेको छ । शैलुङ गाँउपालिकामा अहिले पुर्ननिर्माणको काम ७० प्रतिशत सकिएको प्रवक्ता हिरा थोकरले बताए ।

तस्विरः जुठेल्ना सुधार कार्यक्रम अन्र्तगत प्राप्त प्लास्टीको पानी ट्याङ लादै महिलाहरु

    Comment Here!

Related NEWS
मुख्य खबर

सुत्केरी महिला अस्पतालमै बन्धक

–महिला खबर– ललितादेवीका पति गोपीकुमार सुत्केरी श्रीमतीलाई डिस्चार्ज गर्न नसकेपछि पैंसाको जोहो गर्न भिख माग्न भौंतारिरहेका

अँध्यारोमै जन्मिन्छन् शिशुहरू

स्वास्थ्य चौकीमा उज्यालोको व्यवस्था नहुँदा कहिले स्वास्थकर्मीको मोबाइल त कहीले सेवाग्राहीले ल्याएको टर्चको उज्यालोमा स्वास्थ्य

नेपाली बालकको अपहरणपछि भारतमा भिख माग्न लगाइयो, १० को उद्धार

–महिला खबर– ललितपुर । भारतको विहार राज्यको सीतामढीको बालगृहमा एक महिनादेखि बस्दै आएका नेपालका १०

बदलिँदो पारिवारिक अवस्था अनुसार कानून आवश्यक

–महिला खबर– आज सार्वजनिक गरिएको यो प्रतिवेदनमा १ सय ८५ देशको तथ्याङ्क समेटिएको छ ।

तीन बालिका आफन्तबाटै बलात्कृत

–महिला खबर– ओखलढुंगा । ‘समानताको पुस्ता, बलात्कार विरुद्ध ऐक्यबद्धता’ भन्ने नारासहित देशमा लैंगिक हिंसा विरुद्धको

Read more
ताजा अपडेट
© 2015.All rights reserved by mahilakhabar.com
%d bloggers like this: