मानव बेचबिखन विरुद्ध राष्ट्रिय सञ्जालको संयोजकमा चरिमाया तामाङ


प्रकाशित मिति :2019-09-06 14:18:26

-महिला खबर-

ललितपुर । बेचबिखन प्रभावितहरुको चौथो राष्ट्रिय भेलाले चरिमाया तामाङको नेतृत्वमा मानव बेचबिखन विरुद्धको राष्ट्रिय सञ्जाल घोषणा गरेको छ ।

शुक्रबार सम्पन्न भेलाले सातै प्रदेशका बेचबिखन प्रभावितहरुको सहभागितामा १७ सदस्यीय कार्य समिति समेत चयन गरेको हो ।

बेचबिखन प्रभावितहरुको राष्ट्रिय सन्जालले प्रदेशस्तरीय सन्जालहरु पनि गठन गर्दै जाने भेलाले निर्णय गरेको छ । मानव बेचबिखनबाट प्रभावितहरु आफैंले गठन गरेको यो पहिलो राष्ट्रिय सन्जाल हो ।

बेचबिखन प्रभावित व्यक्तिहरुको पहिलो राष्ट्रिय सञ्जालको केन्द्रीय सचिवालय शक्ति समूहमा रहने भेलाले घोषणा गरेको छ । शक्ति समूह बेचबिखन प्रभावितहरुमात्रले सन्चालन गरेको विश्वकै पहिलो संस्था हो ।

बेचबिखन प्रभावितहरुको राष्ट्रय सञ्जालकी अध्यक्ष चरिमाया तामाङ शक्ति समूहकी संस्थापक समेत हुन् ।

२०५६ सालमा भारतबाट उद्दार भएर नेपाल आएदेखि उनी निरन्तर बेचबिखन विरुद्धको अभियानमा छिन् । चरिमायालाई बेचबिखन विरुको अभियानमा उत्कृष्ट काम गरे बापत अमेरिकी विदेशमन्त्रालयले टिप हिरोको सम्मान समेत दिएको छ ।

विशेष गरि बेचबिखन प्रभावितहरुको राष्ट्रिय सञ्जालले कानुनी पैरवी, पुनर्स्थापना लबिङ र स्थनीय सरकारमा पहुँचको कुरालाई मुख्य विषयबस्तु बनाउनेछ । यसका साथै बेचबिखनमा परेकाहरुको उद्दार तथा स्वदेश फिर्तीका लागि राज्यलाई मुख्य पहलकर्ताको रुपमा दबाब दिने काम पनि सञ्जालले गर्नेछ ।

    Comment Here!

Related NEWS
मुख्य खबर

अब भन्नुस् कसरी काम गर्ने ?

-सुनिता बराल- तर अहिलेको यो परिस्थितिमा पत्रकासँग जो सुकै किन डराईरहेका छन् ?

महिला हिंसा अन्त्य गर्न पुरुषलाई सचेत गरिनेः मन्त्री गुरुङ

बैठकमा बोल्दै नेपाली काँग्रेसका नेता एवम् पूर्वमन्त्री एनपी साउदले गाउँगाउँमा महिला हिंसा हुन नदिन सरकारको

कोभिडमा छायामा पारिएको यौन तथा प्रजनन् स्वास्थ्य अधिकार बारे अनलाइन वेबिनार हुँदै

–महिला खबर– कार्यक्रममा युवा नेता तथा नेपाली कांग्रेसका सांसद गगन थापा, नेकपाका सांसद विद्या भट्टराई, सांसद

सरकार समक्ष ओरेकको नौं बुँदे अपिल

–महिला खबर– ललितपुर । महिला अधिकारको सम्मान, संरक्षण र प्रवद्र्धनका लागि ओरेकले सरकार समक्ष नौं

अर्थमन्त्री ज्यू, माइतीघर मण्डलाको घेरा तोड्नै पर्ने हो र ?

-भुमिका श्रेष्ठ- आखिर यस्तो कि न त ? तपाईंको १४ खर्ब ७४ अर्ब ६४ करोडको बजेटमा

Read more
ताजा अपडेट
© 2015.All rights reserved by mahilakhabar.com
%d bloggers like this: