हाम्रो विचारले तिम्रो असमानताको संस्कार बगाउँदैछ


प्रकाशित मिति :2019-09-06 12:16:02

पानी बहनु, हावा चल्नु
कसैको टाउको दुखाइ हुँदैन
तर, हाम्रा इच्छा चाहना बहनुमा
तिम्रै शब्दको उत्ताउलोपनाको छालले
तिम्रो सभ्यतालाई छोप्नसक्छ
तिमी पानी बहनुलाई प्राकृतिक ठान्छौं
तर मेरो विचारको बहावलाई
नितान्त उच्छृङ्खल

सुनिता मैनाली-

बहनु हामी बाँच्नु हो
हाम्रो विचारको चहलपहल पनि हामी बाँच्नु नै
हाम्रा आमाहरु बाँच्न पाएनन् मानव भएर
हाम्रा दिदीहरु बाँच्न पाएनन् मानव भएर
अब हामी बाँच्न चाहन्छौँ
हाम्रो बाँच्ने कुरो तिमीलाई अनौठो लाग्न सक्छ
सायद तिम्रो कथित सभ्यतालाई हाम्रो विचारको बाढीले
बगाउने डर होला
हामीले जन्माउँदै गरेको समानताको संस्कृतिले
मायाको नाममा हाम्रो शरीर र विचारमाथिको स्वतन्त्रामा धावा बोल्ने
तिम्रो कथित संस्कारलाई हाम्रो ममताको भेलले
सताउने डर होला

ठाउँठाउँमा ठूला ठूला बाँधहरु आविश्कार गरी
तिमीले थुन्न राखेको हाम्रो विचारको सागर
दबिएका कणहरुको राप र चापले
बिस्फोट हुँदैछ भन्ने चिन्तामा छौ तिमी
त्यसैले त तिमी हाम्रो बहेका चाहनालाई प्राकृतिक ठान्दैनौ
हाम्रो अस्तित्वलाई मान्दै मान्दैनौ

हामी अस्तित्वको सम्मान गर्छौं विश्वास गर्छौं
किनकी हामी प्रकृतिको सम्मान गर्छौं
हामी समानतामा विश्वास गर्छौं
त्यसैले त बहन चाहन्छौं उड्न चाहन्छौं
र, तिम्रो अस्तित्वको पनि सम्मान गर्छौं

हाम्रो बहावले तिम्रो अस्तित्वलाई होइन
तिम्रो असमानताको संस्कारलाइ मात्र बगाउँदैछ
अनि, तिम्रो अहङ्कार र गैर प्राकृतिक विचारधारालाई बगाउँदैछ ।

    Comment Here!

Related NEWS
मुख्य खबर

‘बैठकमा कुरा सुन्यो, घर गयो’

-कल्पना भट्टराई- नगर र वडाबाट दलित लक्षित योजनाका प्रस्ताव अघि सार्दा ‘जनप्रतिनिधिले दलितको मात्रै काम गरेर

यौन शोषणको भिडियो नै दिएपछि भारतका पूर्व मन्त्री पक्राउ

यसअघि स्वामी चिन्मयानन्ले उनीविरुद्ध षड्यन्त्र भइरहेको बताएका थिए ।

बलात्कार कसुरमा साढे सात वर्ष कैद सजाय

मानसिकरूपमा कमजोर २७ वर्षीया युवतीमाथि बलात्कार गर्ने ७० वर्षीय हङ्कुर योगी भन्ने भक्तबहादुर योगी (जोगी)

हेर्नुस् दुई पुरुषबाट महिलाको यो हालत

–महिला खबर– श्रीमान बिरेन्द्र ऐर र ससुरा हुकुम ऐरले बारीमा लगाएको मकै किन खाएको भन्दै कुटपिट

बलात्कार कसुरमा १० वर्ष जेल

-महिला खबर- स्याङ्जा । १९ वर्षीया किशोरीलाई बलात्कार गरेको कसुरमा जिल्ला अदालत स्याङ्जाले एक जनालाई १०

Read more
ताजा अपडेट
© 2015.All rights reserved by mahilakhabar.com
%d bloggers like this: