छोरीलाई बंश स्विकार्ने दम्पती सम्मानित


प्रकाशित मिति :2019-09-04 11:47:50

-सत्यराज सिंह-

बझाङ । जिल्ला समन्वय समितीको समन्वयमा प्रतिनिधी सभा सदस्य आशा बिकको पहलमा जिल्लाका छोरीलाई बंशको रुपमा स्वीकार गर्ने दम्पतीहरुलाई सम्मान गरेको छ । सदरमुकाम चैनपुरमा बझाङका आठ दम्पतीलाई छोरीलाई मात्र सन्तानको रुपमा लिएको भन्दै सम्मान गरिएको हो ।

दुर्गाथली गाउँपालिकाका गिरी जप्रेल र डल्ली देबी जप्रेल, छबिसपाथीभेरा गाउँपालिकाका दमन भण्डारी र प्रमिला भण्डारी, जयपृथ्बी नगरपालिकाका कलक ओली र धौली देबी ओली, साईपाल गाउँपालिकाका बलभान बिक र खिउटी देबी बिक, मष्टा गाउँपालिकाका राम सिगें आग्री र पदमकला आग्री र जयपृथ्बी नगरपालिका ऐन बहादुर सिंह र डम्मरादेबी सिहं रहेका छन् ।

वडा अध्यक्ष समेत रहेका कलक ओलीले लगातार ३ छोरी भई सकेपछि आफूले छोरीलाई पनि छोरा जस्तै मानेर छोराको आश नगरी परिबार नियोजन गरेको बताए ।

अर्का गिरी जप्रेल, दमन भण्डारी, कुलगिरी धामी बलमान बिक, रामसिहं आग्री र ऐन बहादुर सिंहले पनि एक दुई वटा छोरी पाएपछि परिवार नियोजन गरेर छोरीलाई छोरा सरह मान्दै आएका छन् ।

बझाङको सामाजिक मुल्य मान्यता अनुरुप छोरा नभए अपुताली पर्यो भन्ने र छोरीलाई सन्तानको रुपमा स्वीकार नगर्ने र पराई घर जाने जात त होनी भनेर हेला गर्ने मान्यतालाई तोड्दै छोरीलाई छोरासरह मानेर लैगिंक बिभेदलाई हटाउन सहयोग गरेको भन्दै उनीहरुलाई सम्मान गरिएको प्रतिनिधी सभा सदस्य आसा बिकले बताइन् ।

उनले भनिन्, ‘छोरा नहुँदा पनि श्रृष्टी चल्दैन । तर छोरीमा नै सन्तुष्टी लिएर सन्तानको रहर पुरा हुनु महत्वपूर्ण कुरा हो । यसले छोरीहरुको पनि सम्मान बढ्छ भने लैङ्गिक बिभेद पनि बिस्तारै हट्दै जान्छ । छोरी पनि छोरा सरह नै हो भन्ने कुराको बारेमा संस्कार बसाल्न यसले महत्वपूर्ण भूमिका निर्बाह गर्दछ ।’

तीजको अवसर पारेर गरिएको यो कार्यक्रमले लैङ्गिक असमानता हटाउन पनि थप टेवा मिलेको छ ।

सम्मान कार्यक्रममा प्रतिनिधी सभा सदस्य आसा बिक, संविधान सभा सदस्य अफिलाल ओखेडा, जिल्ला समन्वय प्रमुख खडक खड्का लगायतका नेताहरुले दोसल्ला, प्रमाण पत्रसहित सम्मान गरेका थिए ।

‘छोरीलाई सन्तानको रुपमा छोरीको अस्तित्व नहुने र छोरा भए मात्र पुण्य कमाईन्छ भन्ने मान्यताले मलाई पनि दोस्रो बिहे गरेर छोरा जन्माउनु पर्छ भन्ने बाध्यता आएको थियो । तर मैले त्यो गरिन’ कैलासका शिक्षक ऐन बहादुर सिंहले भने, ‘श्रीमतीको पनि स्वास्थ्य अबस्था कमजोर थियो । दुई छोरी भएपछि परिवार नियोजन गरिदिए ।’

सम्मान कार्यक्रमले छोरी हुँदा सन्तुष्टी हुने दम्पतीलाई सम्मान भएको छ भने महिलाहरुलाई आत्मबल पुगेको छ ।

    Comment Here!

Related NEWS
मुख्य खबर

भारतमा गरिब बालिकाले कक्षाकोठामा चियाइरहेको भाइरल तस्बिरको वास्तविकता यस्तो छ

यी पाँच वर्षीया बालिका रित्तो भाँडा बोकेर एउटा स्थानीय सरकारी विद्यालयको कक्षाकोठाबाहिर उभिएर भित्र चियाइरहेको

महिला नेतृत्व स्थापित गर्ने ऐतिहासिक अवसरः पाण्डे

भट्टराई राजनीति र समाजको गहिरो अध्ययन भएकाले उनमा समृद्धिको खाका कोरेर अगाडि बढ्न सक्ने क्षमता

आमा कक्षामा अकस्मात मन्त्री छिरेपछि….

उनले भनिन्, ‘उहाँले पनि धेरै मेहनत गरेर मन्त्री हुनुभएको होला । हामी पनि पढाइमा त्यस्तै

निमुखाको शिकार: बाल यौनदुराचारीको दृष्टि नेपालतिर

-जनकराज सापकोटा- ‘नेपालमा ६०० बालगृहमा १५ हजारजति बालबालिका छन् र यहाँ बालगृह एउटा उद्योगकै रूपमा विकास

अब बालविवाह हुन्न

उनका अनुसार पछिल्लो समय विवाह दर्ता गर्न आउनेको संख्यामा उमेर पुगेका जोडी मात्रै छन् ।

Read more
ताजा अपडेट
© 2015.All rights reserved by mahilakhabar.com
%d bloggers like this: