नाबालक छोराछोरीसहित बेवारिसे भेटिएकी महिलाको उद्धार


प्रकाशित मिति :2019-09-01 12:25:53

-विष्णुप्रसाद पोखरेल-

दमक । झापाको दमकमा दुई नाबालकसहित बेवारिसे अवस्थामा भेटिएकी एक महिलालाई मंगलवार उद्धार गरिएको छ । १५ महिनाकी बिरामी नाबालिका, ४ बर्षको छोरोसहित आफ्नो उमेर थाहा नभएको बताउने महिलालाइ दमक नगरपालिकाले उद्धार गरेको हो ।

दीपा राजवंशी नाम बताउने अन्दाजी २० वर्षकी महिला दमक बजारमा एक घरको सिढीमा राती देखेपछि स्थानीय गीता शंकरले घरको गेटभित्र लगेर झुल र केही ओछ्याउने कपडा दिएर राखेकी थिइन् ।

रातको समयमा गलत नजर राखेर केही पुरुषले उनलाई पिछा गरेको महसुस गरेर आफूले राखेको र रातभर चिन्ताले नसुतेको शंकरले बताइन् ।

राजवंशीले आफू बिर्तामोडको बुढाथोकीको घरमा बसेको र त्यही बस्नेसंगै विवाह भएको बताइन् । एक महिना अघिदेखि श्रीमान् बेपत्ता भएकाले त्यो घरका मान्छेले आफूलाई पनि निस्केर जहाँ जान्छेस जा भनेपछि आफू यहाँ कसरी आइपुगेको भन्ने पनि थाहा नपाएको बताइन् । आफ्नो घर नै नभएको समेत उनको भनाइ छ ।

भोको पेट र सानो नानीसमेत बिरामी अवस्थामा रहेको पाइएकाले उनलाई थप केही पनि नसोधिएको दमक नगरपालिका उपप्रमुख गीता अधिकारीले बताइन् ।

पीडामा रहेकी महिलालाई तत्काल नगरपालिकाको सेफ हाउसमा राखिने र बिरामी नानीहरुको दमक अस्पतालमा निशुल्क उपचारको बन्दोबस्त मिलाईएको पनि उनले जनाएकी छन् ।

“सानो उमेरकी महिला आफै बिक्षिप्त देखिएकाले धेरै कुरा सोधिखोजी गरेका छैनौ र तत्काल उद्धार गरेर राखिएको छ”, उनले भनिन् ।

लायन्स क्लव अफ गोल्डका अध्यक्ष काशि खाती, लायन्स क्लव अफ स्टर्न लायनका पुर्व अध्यक्ष बिमल शर्मा लगायतले यो थाहा पाएपछि उद्धारका लागि आवश्यक पहल शुरु गरेपछि नगरपालिका आफैले यसको जिम्मा लिएको जनाईएको छ ।

नगरपालिकाको महिला तथा बालबालिका शाखा प्रमुख सरिता भण्डारीले स्वास्थ्य जाँच गरेर आवश्यक परामर्श शुरु गरिएको जानकारी दिइन् ।

दमक नगरपालिकाले गत वर्षदेखि यस्ता महिलाहरुलाई अस्थाइ रुपमा राख्नका लागि सेफ हाउस सञ्चालनमा ल्याएको छ ।

    Comment Here!

Related NEWS
मुख्य खबर

महिला जनप्रतिनिधिका तीन वर्ष: बैठकमा जाऊ ताली बजाऊ

तुलसीपुर उपमहानगरपालिका वडा नम्बर १२ का वडाध्यक्ष सूर्यबहादुर डाँगीले कार्यक्रम संयोजक तथा जनप्रतिनिधिलाई पैसा खर्च

कोरोनाको बहानामा मर्कामा पत्रकार

-महिला खबर- कोभिड-१९को नाममा पत्रकारलाई भोको राख्न नहुने प्रतिनिधिसभा विकास तथा प्रविधि समिति सभापति कल्याणी कुमारी

वन्दना राणा यूएनको सिड कमिटीमा दक्षिण एशियाकै एक मात्र उम्मेदवार

-महिला खबर- ललितपुर । महिला अधिकारकर्मी वन्दना राणा यूएन सिड कमिटीको निर्वाचनमा नेपालका तर्फबाट उम्मेदवार घोषणा

काठमाडौँ महानगरले दियो प्रसुतिगृहलाई पीसीआर र वीरलाई स्वचालित न्युक्लेइक एसिड एट्राक्सन मेसिन

काठमाडौं । काठमाडौं महानगरपालिकाले चिकित्सा विज्ञान राष्ट्रिय प्रतिष्ठान वीर अस्पताल र प्रसुति तथा स्त्री रोग

सामूहिक खेतीले फेरियो जीवन

– मिलन बिछोड- चुलोचौकाको काम सकिएपछि प्रायः छरछिमेकी, आफन्त चेलीबेटी भेला भएर कि गफ गरेर कि

Read more
ताजा अपडेट
© 2015.All rights reserved by mahilakhabar.com
%d bloggers like this: