“गोल्डेन पिक तीज नृत्य प्रतियोगिता”को उपाधी नागार्जुन भ्याली एकेडेमीलाई


प्रकाशित मिति :2019-08-27 15:20:14

-महिला खबर-

ललितपुर । “दोस्रो उपत्यका व्यापी गोल्डेन पिक अन्तर विद्यालयीय तीज नृत्य प्रतियोगिता”को उपाधि नागार्जुन भ्याली एकेडेमी स्कुलले पाएको छ । राष्ट्रिय नाचघर काठमाडौंमा भएको प्रतियोगितामा सृजना ज्ञानसागर स्कुल दोस्रो र कौशल ईङ्गलिस सेकेण्डरी स्कुल तेस्रो भएका छन् ।

चावहिलको सरस्वतीनगर स्थीत गोल्डेन पिक हाइ स्कुलले आयोजना गरेको “दोस्रो उपत्यका व्यापी गोल्डेन पिक अन्तर विद्यालयीय तीज नृत्य प्रतियोगिता”मा ब्राइट एञ्जलस स्कुल चौथो, एआइए स्कुल पाँचौ, अमृत आवासीय स्कुल छैठौं, प्याराडाइज रिडर्स स्कुल सातौं, हिमरश्मी हाईस्कुल आठौं, ग्रीनल्याण्ड स्कुल नवौं र नेरिक एकेडेमी दशौं भए ।

तीज पर्वको अवसरमा आयोजित प्रतियोगितामा पहिलो, दोस्रो, तेस्रो, चौंथो र पाँचौं हुनेलाई क्रमश नगद रु १५ हजार, १२ हजार ८ हजार र ५ हजार नगद राशीका साथ शिल्ड र प्रमाणपत्र प्रदान गरिएको थियो।

प्रतियोगिताका विजयीलाई कार्यक्रमका समापन समारोहका प्रमुख अतिथि प्रतिनिधि सभाकी सदस्य संघिय संसद नेपालकी माननीय रामकुमारी झाँक्री पुरस्कार, शिल्ड र प्रमाणपत्र वितरण गरेकी थिइन् ।

विद्यालयका प्रधानाध्यापक छत्रमणी राइका अनुसार प्रतियोगितामा उपत्यकाका २९ स्कुलले भाग लिएको थिए । निर्णायक मण्डलमा खड्ग बुढा, रेखा कटुवाल र महेश गोदार रहेका थिए ।

कार्यक्रमको उद्घाटन काठमाडौं महानगरपालिकाका उपप्रमुख उपमेयर श्री हरिप्रभा खड्गी (श्रेष्ठ)ले गरेकी थिइन् ।

आफ्नो कला, संस्कृतिको संरक्षण र सम्वर्धनमा टेवा पुर्‍याउने उदेश्यले गोल्डेनपिक हाइस्कुलले बेलाबेलामा यस्ता कार्यक्रम आयोजना गर्दै आइरहेको बिद्यालयकी निर्देशक कला राइले बताइन् ।

उपत्यका प्याव्सनका अध्यक्ष श्री थकिन कुमार गुरुङ्गले नेपालका हरेक संस्कार र संस्कृतिलाई राष्ट्रव्यापी र विश्व व्यापीकरण गर्न प्याव्सन र संस्थागत विद्यालयहरुले महत्वपूर्ण भुमिका खेलेको बताए ।

वरिष्ठ उपाध्यक्ष काठमाडौं प्याव्सनका राम के.सी.ले संस्थागत विद्यालयले हरेक वर्ष धेरै लगानी गरेर सँस्कृति जगेर्ना र राष्ट्रका विभिन्न संस्कृति, परम्परा जोगाउदै आएको जानकारी दिए ।

कार्यक्रमका अध्यक्ष अर्जुन कुमार खत्रीले सम्पूर्ण विद्यालय र नृत्यांङ्गनाहरुलाई धन्यवाद व्यक्त गर्दै हरितालिका तीजको शुभकामना व्यक्त गरे ।

 

    Comment Here!

Related NEWS
मुख्य खबर

मर्यादित महिनावारी कि छाउपडी !

‘महिनावारीका कुरा, मर्यादाले हुन्छ पूरा’ वा ‘मिन्स्रुअल् टक, डिग्निटी फस्ट’ नारामार्फत संसारलाई नै आफ्नो पहिचान

नेपालमा मानव अधिकार उल्लंघन र ज्यादतीका घटनामा वृद्धि

–महिला खबर– ललितपुर । अंग्रेजी वर्ष सन् २०१९ मा नेपालमा मानव अधिकार उल्लंघन र ज्यादतीका

घर निकाला भएकी मैनाको आफन्त र उपचार अभावमा ज्यान जोखिममा

-आशिष प्रताप मल्ल- बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना

सामूहिक बलात्कार आरोपमा दुईजना पक्राउ

महिलालाई जनकपुरधाम उमनपा–४ स्थित विश्वकर्मा चोकमा फागुन ४ गते राति १० बजे सामूहिक बलात्कार गरेको

द्वन्द्व पीडित महिलाको राष्ट्रिय सञ्जाल गठन

–महिला खबर– ललितपुर । सशस्त्र द्वन्द्वका पीडित तथा प्रभावित महिलाहरूको भेलाले द्वन्द्व पीडित महिला राष्ट्रिय

Read more
ताजा अपडेट
© 2015.All rights reserved by mahilakhabar.com
%d bloggers like this: