काङ्ग्रेस नेता आरजु राणाको सहयोगमा रामजानकीलाई काठमाडौं ल्याइयो


प्रकाशित मिति :2019-08-27 14:56:43

–महिला खबर–

ललितपुर । जग्गा सिमाना विवादमा छिमेकीबाट कुटिएकी महिलालाई काङ्ग्रेस नेता आरजु राणाको सहयोगमा थप उपचारका लागि काठमाडौं ल्याइएको छ ।

धनगढीमा १५ दिनसम्म उपचार गर्दा पनि निको नभएपछि कैलालीको लम्की चुहा नगरपालिका-८, गप्काकी २५ वर्षीया रामजानकी चौधरीलाई थप उपचारका लागि आइतबार हवाईजहाजबाट काठमाडौं ल्याइएको हो।

कुटपिटबाट उनको बायाँ हात र शरीरको एक भाग पुरै चल्दैन भने दायाँ हात पनि कमै चल्छ ।

उनलाई काठमाडौंस्थित टिचिङ अस्पतालमा उपचारका लागि राखिएको छिमेकी टंक देउवाले जानकारी दिए ।

कुटिएको ४० दिनसम्म घरमै बेहोस अवस्थामा बसेकी उनलाई धनगढीका अधिकारकर्मीको पहलमा साउन २६ गते धनगढीस्थित सेती अंचल अस्पतालमा लगिएको थियो ।

उनको उपचारका लागि स्वतन्त्र नागरिक समाज धनगढीले रकम संकलन अभियान नै चलाएको थियो । सो अभियानबाट ४४ हजार ४ सय रकम संकलन भएको अभियानकी संयोजक भूमि फुलाराले जानकारी दिइन् ।

रामजानकीको उपचारका लागि काठमाडौं ल्याउन कांग्रेस नेता आरजु राणा देउवाले हवाईजहाजको चार वटा टिकटको व्यवस्था गरेको ईश्वरा जोराले जानकारी दिइन् ।

यसैबीच देउवाले संघीय ईकाई प्रहरी प्रमुखलाई बोलाएर रामजानकीको मुद्दालाई गम्भीर रूपमा लिन सुझाएकी छन् ।

जग्गाको साँध मिचेको आरोपमा छिमेकी यमबहादुर चौधरीको परिवारले उनलाई गत असार १७ गते कुटपिट गरेको बताइएको छ। रामजानकीलाई यमबहादुर, उनकी आमा राजदेवी र दिदी लक्ष्मीले बेहोस हुने गरी कुटेको पति तीर्थ चौधरीले जानकारी दिए ।

यमबहादुरको परिवार ‘जमिनदार’ हो भने तीर्थको परिवार साढे दुई कट्ठा ऐलानीमा बसिरहेको छ।

    Comment Here!

Related NEWS
मुख्य खबर

मर्यादित महिनावारी कि छाउपडी !

‘महिनावारीका कुरा, मर्यादाले हुन्छ पूरा’ वा ‘मिन्स्रुअल् टक, डिग्निटी फस्ट’ नारामार्फत संसारलाई नै आफ्नो पहिचान

नेपालमा मानव अधिकार उल्लंघन र ज्यादतीका घटनामा वृद्धि

–महिला खबर– ललितपुर । अंग्रेजी वर्ष सन् २०१९ मा नेपालमा मानव अधिकार उल्लंघन र ज्यादतीका

घर निकाला भएकी मैनाको आफन्त र उपचार अभावमा ज्यान जोखिममा

-आशिष प्रताप मल्ल- बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना

सामूहिक बलात्कार आरोपमा दुईजना पक्राउ

महिलालाई जनकपुरधाम उमनपा–४ स्थित विश्वकर्मा चोकमा फागुन ४ गते राति १० बजे सामूहिक बलात्कार गरेको

द्वन्द्व पीडित महिलाको राष्ट्रिय सञ्जाल गठन

–महिला खबर– ललितपुर । सशस्त्र द्वन्द्वका पीडित तथा प्रभावित महिलाहरूको भेलाले द्वन्द्व पीडित महिला राष्ट्रिय

Read more
ताजा अपडेट
© 2015.All rights reserved by mahilakhabar.com
%d bloggers like this: