यी हुन् नेकपाको विभाग प्रमुख पाउने भाग्यमानी महिला


प्रकाशित मिति :2019-08-18 14:11:55

-महिला खबर-

ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको प्रमुख तोक्दा २ विभागको प्रमुखमा मात्रै महिलालाई जिम्मेवारी दिएको छ।

पार्टी सचिवालयको शुक्रबार बसेको बैठकले तोकेको जिम्मेवारी अनुसार उद्योग तथा वाणिज्य विभागको प्रमुखमा राधा ज्ञवाली र खानेपानी तथा सरसफाइ विभागको प्रमुखमा बिना मगर तोकिएका हुन् ।

३२ विभागका उपप्रमुखहरूमा ४ जना महिला छन् । जसमध्ये खानेपानी तथा सरसफाइ विभागमा ममता गिरी, सामान्य प्रशासन विभागको उपप्रमुखमा रेखा शर्मा, स्थानीय तहको उपप्रमुखमा उर्मिला अर्याल, स्वास्थ्य तथा जनसंख्या विभागको उपप्रमुखमा अञ्जना विसंखे रहेका छन् ।

यस्तै शुक्रबारकै बैठकले ७ वटै प्रदेश कमिटीमा सह–इन्चार्जहरू पनि तोकेको छ । प्रत्येक प्रदेशमा दुई्दुईजना गरी १४ जना सह–इन्चार्ज हुँदा गण्डकी प्रदेशमा एकजना महिला यशोदा सुवेदी (गुरुङ) परेकी छिन् ।

सरकारको नेतृत्व गरिरहेको प्रमुख वामपन्थी दल नेकपाले पार्टी र सरकारको जिम्मेवारी दिँदा पुरुषकै बर्चस्व कायम गरेको र महिलाप्रती अनुदार देखिएको आरोप लाग्ने गरेको छ । यद्यपि यो विषयमा नेकपा भित्रका पाका नेता महिलालेसमेत खुलेर विरोध गर्न सकेका छैनन् ।

    Comment Here!

Related NEWS
मुख्य खबर

मर्यादित महिनावारी कि छाउपडी !

‘महिनावारीका कुरा, मर्यादाले हुन्छ पूरा’ वा ‘मिन्स्रुअल् टक, डिग्निटी फस्ट’ नारामार्फत संसारलाई नै आफ्नो पहिचान

नेपालमा मानव अधिकार उल्लंघन र ज्यादतीका घटनामा वृद्धि

–महिला खबर– ललितपुर । अंग्रेजी वर्ष सन् २०१९ मा नेपालमा मानव अधिकार उल्लंघन र ज्यादतीका

घर निकाला भएकी मैनाको आफन्त र उपचार अभावमा ज्यान जोखिममा

-आशिष प्रताप मल्ल- बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना

सामूहिक बलात्कार आरोपमा दुईजना पक्राउ

महिलालाई जनकपुरधाम उमनपा–४ स्थित विश्वकर्मा चोकमा फागुन ४ गते राति १० बजे सामूहिक बलात्कार गरेको

द्वन्द्व पीडित महिलाको राष्ट्रिय सञ्जाल गठन

–महिला खबर– ललितपुर । सशस्त्र द्वन्द्वका पीडित तथा प्रभावित महिलाहरूको भेलाले द्वन्द्व पीडित महिला राष्ट्रिय

Read more
ताजा अपडेट
© 2015.All rights reserved by mahilakhabar.com
%d bloggers like this: