श्रीमती र सासूलाई खुकरी प्रहार गरी फरार


प्रकाशित मिति :2019-08-18 12:14:05

-महिला खबर-

पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन् । जिल्लाको कुम्मायक गाउँपालिका –१ यासोकमा श्रीमती लैजान ससुराली आएका ज्वाईले श्रीमती र सासूलाई खुकुरी प्रहार गरेको प्रहरीले जनाएको छ ।

झापास्थित दमक नगरपालिका–२, का जिवन दर्नालले श्रीमती सिता दमाई र सासू भिमकला दमाईलाई खुकुरी प्रहार गरी घाइते बनाएको प्रहरीले जनाएको छ ।

जिल्ला प्रहरी कार्यालय पाँचथरका प्रहरी निरीक्षक अनिलकुमार पौडेलका अनुसार दर्नाल केही दिन अघि श्रीमती लैजान ससुराली आएका थिए । श्रीमतीले घर जान नमानेपछि खुकुरी प्रहार गरेको प्रारम्भिक अनुसन्धानबाट खुलेको पौडेलको भनाइ छ ।

खुकुरी प्रहारबाट भिमकलाको बायाँ हात र बायाँ गालामा चोट लागेको छ । सिताको बायाँ हातमा गम्भीर चोट लागेको पौडेलले जानकारी दिए । सिताको अवस्था गम्भीर रहेको बताइएको छ ।

घाईते दुबै जनाको जिल्ला अस्पताल पाँचथरमा उपचार हुन नसकेपछि झापा रेफर गरीएको छ ।

श्रीमती र सासूलाई खुकुरी प्रहार गरी घाईते बनाएर ज्वाई दर्नाल फरार छन् । उनको खोजी भइरहेको प्रहरीले जनाएको छ ।

    Comment Here!

Related NEWS
मुख्य खबर

मर्यादित महिनावारी कि छाउपडी !

‘महिनावारीका कुरा, मर्यादाले हुन्छ पूरा’ वा ‘मिन्स्रुअल् टक, डिग्निटी फस्ट’ नारामार्फत संसारलाई नै आफ्नो पहिचान

नेपालमा मानव अधिकार उल्लंघन र ज्यादतीका घटनामा वृद्धि

–महिला खबर– ललितपुर । अंग्रेजी वर्ष सन् २०१९ मा नेपालमा मानव अधिकार उल्लंघन र ज्यादतीका

घर निकाला भएकी मैनाको आफन्त र उपचार अभावमा ज्यान जोखिममा

-आशिष प्रताप मल्ल- बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना

सामूहिक बलात्कार आरोपमा दुईजना पक्राउ

महिलालाई जनकपुरधाम उमनपा–४ स्थित विश्वकर्मा चोकमा फागुन ४ गते राति १० बजे सामूहिक बलात्कार गरेको

द्वन्द्व पीडित महिलाको राष्ट्रिय सञ्जाल गठन

–महिला खबर– ललितपुर । सशस्त्र द्वन्द्वका पीडित तथा प्रभावित महिलाहरूको भेलाले द्वन्द्व पीडित महिला राष्ट्रिय

Read more
ताजा अपडेट
© 2015.All rights reserved by mahilakhabar.com
%d bloggers like this: