किशोरी बलात्कार आरोपमा प्रहरी जवान पक्राउ


प्रकाशित मिति :2019-08-08 14:33:20

-एसबी जेरो-

ओखलढुंगा । किशोरी बलात्कार गरेको आरोपमा ओखलढुंगामा एक प्रहरी जवान पक्राउ परेका छन् । प्रहरी चौकी श्रीचौरमा कार्यरत प्रहरी जवान प्रकाश कुमार यादव जवरजस्ती करणी मुद्दामा पक्राउ परेका हुन् । स्थानीय १८ वर्षकी किशोरीलाई जबरजस्ती करणी गरेको आरोपमा सप्तरी घर भएका प्रहरी जवान यादव पक्राउ परेका हुन् ।

मंगलबार घाँस काट्न गएकी किशोरीलाई यादवले जङ्गलमै जबरजस्ती करणी गरेको पीडितको आरोप छ । यादवले जवरजस्ती करणी गरिरहेका बेला किशोरीका बुवाले फेला पारेपछी घटना बाहिर आएको हो । यादवले यस अघि जङ्गलमै घाँस काट्न गएको समयमा श्रावण दुई गते पनि तिनै किशोरीलाई बलात्कार गरेको खुलेको छ ।

यादवले बिवाह गरेर काठमाडौं लगेर राख्ने र घटनाका विषयमा कसैलाई भने जे पनि गर्न सक्ने भनि धम्की दिएको पीडित किशोरीले बताइन्। आरोपित यादवलाई पक्राउ गरिएको जिल्ला प्रहरी कार्यालयका प्रमुख प्रहरी नायब उपरीक्षक पुष्पराज मल्लले बताए । जिल्ला अदालत ओखलढुंगाबाट म्याद थप गरी अनुसन्धान थालिएको उनको भनाइ छ ।

पीडित परिवारले यादवलाई कडा कारबाहीको माग गरेका छन् । ढेढ महिना अघि सोही चौकीका प्रमुख प्रहरी सहायक निरीक्षक (असई) प्रशुराम विश्वकर्माले महिलालाई यौन दुव्र्यवहार गरेको घटना बाहिरिएको थियो । घटना पछी अनुसन्धान गरी विश्वकर्मालाई विभागिय कारबाही गरिएको जिल्ला प्रहरी कार्यालय ओखलढुंगाले जनाएको छ ।

    Comment Here!

Related NEWS
मुख्य खबर

कुस्तीमा संगीताले रचिन् इतिहास, नेपाललाई पहिलो पटक स्वर्ण

यसअघिका सागमा नेपालले कुस्तीमा स्वर्ण जितेको थिएन ।

मुन्द्रा लाउनेसँग नडराउनुस्, गैंडासँग नलोभिनुस् !

“तपाइहरु जो पवित्र हुनुहुन्छ डराउनुपर्दैन । तपाइको टेबुलमा आएर गल्ती नगरेकालाई अख्तियारले लगेको छैन ।

बुहारीलाई छाउगोठमा राखेर मृत्यु भएको आरोपमा जेठाजु पक्राउ

-महिला खबर- छाउपडी प्रथा विरुद्ध मुलुकी अपराध संहिता लागू भएपछि छाउप्रथा कायम राखेको आरोपमा व्यक्ति पक्राउ

बोक्सी आरोपमा दोलखाका एक दम्पत्तीलाई टोल सुधारको भेलाबाट सामाजिक बहिष्कार

–महिला खबर– माइन्यूटमा १ सय १३ जनाले हस्ताक्षर गरेका छन् । 

कर्णालीमा महिला नेतृत्व

कतिपय माथिल्ला तह र भूमिकामा पुगेका महिलाले आफ्ना उत्तराधिकारी वा महिला नेता उत्पादनमा ध्यान नदिनु

Read more
ताजा अपडेट
© 2015.All rights reserved by mahilakhabar.com
%d bloggers like this: