डल्ले खुर्सानीको व्यवसाय खेती


प्रकाशित मिति :2019-07-19 11:52:28

सर्मिला बुढाथोकी

दोलखा । दोलखाको तामाकोसी गाउँपालिका वडा नम्बर ४ मालुका महिला किसानहरू अहिले डल्ले खुर्सानीको व्यवसायिक खेतीमा सक्रिय छन् । यो खेतीबाट वार्षिक एक लाखसम्म आम्दानी हुने भएपछि यो खेतीमा महिला किसानहरूको आकर्षण देखिएको हो ।

दिउँसोको टन्टलापुर घाममा पनि डल्ले खुर्सानी टिप्न तल्लीन दोलखा तामाकोसी गाउँपालिका वडा नम्बर ४ मालुको सविता श्रेष्ठ सिजनमा गर्मी छ भनेर अल्छी ग¥यो भने व्यवसाय चल्न नसक्ने बताउछिन् ।

उनको श्रीमान होमबहादुर श्रेष्ठ वडा अध्यक्ष भएकोले घर व्यवहारमा कमै समय दिन सक्छन् । तर पनि सविता श्रेष्ठले पाँच वर्षदेखि डल्ले खुर्सानीको व्यवसाय राम्रैसंग धानेकी छन् । झण्डै साढे दुई रोपनी जग्गामा डल्ले खुर्सानी लगाएको छु, बार्षिक ८०-९० हजार रुपैयासम्म कमाई हुन्छ – सविताले भनिन् ।

डल्ले खुर्सानीबाहेक सिजन अनुसार आलु, लसुन, प्याज, टमाटर, काक्रा आदीको समेत खेती गर्ने सविताले तरकारी खेतीबाटमात्र बार्षिक दुई लाखसम्म कमाई हुने बताईन् ।

डल्ले खुर्सानी र तरकारी खेतीको आम्दानीबाट घर ब्यवहार चलाउन सहज भएको सविता बताउछिन् ।

नमूना उत्कृष्ठ प्रगतिशील कृषि समूह गठन गरी मालुका २१ जना किसनाहरूले अहिले डल्ले खुर्सानीसंगै आलु, लसुन, प्याज, टमाटर जस्ता तरकारीको खेती गर्दै आएका छन् । समूहमा आवद्ध २१ जना मध्य अधिकांश महिला किसान रहेको जनाईएको छ ।

समूहलाई तरकारीको व्यवसायिक खेतीमा प्रोत्साहित गर्न मर्सिकोर मार्फत ग्रामीण उद्यम विकास केन्द्र (आरईडीसी) दोलखाले टनेल, पाईप, सीप मूलक तालिम र प्राविधिक सहयोग गर्दै आएको ग्रामीण उद्यम विकास केन्द दोलखाका कार्यकारी निर्देशक सुमन उप्रेतीले बताए ।

मालुको उक्त क्षेत्रमा खेतीको लागि पानीको समस्या भएपछि तामाकोसी गाउँपालिका र मर्सिकोरको आर्थिक सहयोगमा ग्रामीण उद्यम विकास केन्द्रले १६ हजार लिटरको ट्याङ्की समेत निर्माण गरिदिएको कार्यकारी निर्देशक उप्रेतीले बताए ।

विगतमा पानीको समस्याको कारण तरकारी खेतीमा केहि समस्या थियो, अहिले ग्रामीण उद्यम विकास केन्द्र (आरईडीसी) ले ट्याङ्की निर्माणसंगै सीप मूलक तालिम, प्राविधिक सहयोग र टनेल तथा पाईप वितरण गरेपछि निक्कै सहयोग मिलेको उद्यमी सविता श्रेष्ठले बताईन् ।

मालुको २१ जना किसानले अहिले करिब ३५ रोपनी जमिनमा डल्ले खुर्सानी र अन्य तरकारी खेती गर्दै आएका छन् । तामाकोसी गाउँपालिकाका अध्यक्ष इश्वरचन्द्र पोखरेल मालुका किसानहरूले समुह बनाएर उत्साहका साथ डल्ले खुर्सानी लगायत बिभिन्न मौसमी तथा बेमौसमी तरकारी खेती गरिरहेकोले गाउँपालिकाले आवश्यक सहयोग गर्ने बताउछन् ।

अहिले गाउँपालिकाले पानीको समस्या समाधानको लागि पानी ट्याङ्की बनाउन केहि सहयोग गरेको छ अध्यक्ष पोखरेलले भने – किसानको माग अनुसार गाउँपालिकाले सक्ने अन्य सहयोग पनि गर्छ । अहिले तरकारीको लागि बजारको समस्या नभएकोले व्यवसायिक किसानहरूको लागि राम्रो अवसर भएको अध्यक्ष पोखरेल बताउछन् ।

तस्विरः डल्ले खुर्सानी टिप्दै सविता श्रेष्ठ

    Comment Here!

Related NEWS
मुख्य खबर

एसिड पीडित मुस्कानले भनिन्,‘अपराधीको उद्देश्य पूरा हुन दिन्न’

पढ्न जाँदा यस्तो हुन्छ कसरी पढ्ने ?, ’उनले प्रश्न गरिन्, ‘दोषीलाई कडा भन्दा कडा सजाय

हटेन कुरीतिः तीन महिनामा पाँचको हत्या

–महिला खबर– यस त्रैमासिकमा छाउगोठ भत्काउने अभियानबाट सुदुर पश्चिम प्रदेशका अधिकांश महिला मानसिक रुपमा प्रभावित भए

महिला मन्त्रीद्वारा भत्काईएका छाउगोठको अनुगमन

-महिला खबर- अछाम । महिला, बालबालिका तथा जेष्ठ नागरिक मन्त्री पार्वत गुरुङले अछाममा भत्काईएका छाउगोठको

अन्तरविद्यालय स्तरीय महिला क्रिकेट प्रतियोगिता हुने

-लोकेश जोशी- धनगढी । धनगढीमा प्रथम अन्तरविद्यालय स्तरीय महिला क्रिकेट प्रतियोगिता हुने भएको छ ।

नेकपाको ११ बुँदे आचारसंहिताः ‘कसैलाई पनि तँ नभन्नु, छुवाछूत र महिलामाथि हुने हिंसा विरुद्ध खडा हुनु’

कुनै पनि पार्टी सदस्यले महिला हिंसा र छुवाछूतपूर्ण व्यवहार गरेको प्रमाणित भए तुरुन्तै पार्टीबाट निष्काशन

Read more
ताजा अपडेट
© 2015.All rights reserved by mahilakhabar.com
%d bloggers like this: