बुंगल अब छाउ गोठ मुक्त


प्रकाशित मिति :2019-07-17 16:52:09

-महिला खबर-

बझाङ । बझाङको बुंगल नगरपालिका छाउगोठ मुक्त भएको घोषणा गरिएको छ । ग्रामीण जलस्रोत ब्यवस्थापन परियोजना र बुंगल नगरपालिकाको संयुक्त प्रयासबाट नगरपालिकालाई छाउ गोठ मुक्त घोषणा गरिएको हो ।

छाउ प्रथा मान्ने र नमान्ने मानिसहरूबिच विभिन्न चेतनामूलक अन्तरक्रिया संचालन भएपश्चात यहाँका महिलाहरुले नै छाउ प्रथा नमान्ने एक्यवद्धता गरेपछि छाउ गोठ मुक्त नगरपालिका घोषणा गर्न सफल भएको ग्रामीण जल स्रोत व्यवस्थापन परियोजना बझाङका जलस्रोत सल्लाहकार विष्णु पोखरेलले जानकारी दिए ।

छाउ गोठ मुक्त घोषणासङ्गै बुंगल नगरपालिकामा अहिले छाउगोठ समेत नरहेको यहाँका स्थानीय बासिन्दाले बताएका छन् ।

कन्या माध्यमिक विद्यालय बटुल सेराका शिक्षक कलक बहादुर भण्डारीका अनुसार केही वर्षअघि मात्रै बुंगल नगरपालिकामा छाउ प्रथा व्याप्त भए पनि अहिले सबै ग्रामीण बस्तिहरुमा यो प्रथा छैन ।

आफ्नै घरको उदाहरण दिदै उनले भने, “मेरी आमा  पवित्रा भण्डारी छाउ भएको समयमा गोठमा नै बस्नु हुन्थ्यो । पोषिलो खाने कुराहरु समेत खानु हुन्नथ्यो । तर अहिले यो प्रचलन हटेको छ । मेरो घर नजीकै दुर्गा भवानीको समेत मन्दिर छ । त्यो मन्दिर नजिकै म लगायत यहाँका धेरै स्थानीय बासिन्दाहरुको खेतीयोग्य जमीन छ । उक्त जमिनमा महिनावारी भएको समयमा समेत जान मिल्दैन थियो । अहिले सबै महिलाहरु महिनावारी भएको समयमा समेत त्यहाँ जान थालेका छन् ।”

आफ्नी छोरी महेश्वरीसमेत अहिले महिनावारी भएको समयमा दही, मही,  घ्यू लगायतका खानेकुरा खानुका साथै आफ्नै सुत्ने कोठामा सुत्ने बस्ने गरेको शिक्षक भण्डारीले बताए ।

कन्या मावि बटुलसेरामा कक्षा १० मा अध्ययनरत छात्रा सविता सिहँले एक वर्ष पहिला विद्यालय नजिकै  भवानीको मन्दिर भएका कारण महिनावारी हुँदा धेरै छात्रा र शिक्षका महिला अनुपस्थित हुने गरे भए पनि अहिले भने सबै छात्रा र शिक्षक विद्यालयमा हाँजीर हुने गरेको बताईन् । यस्तै केही अभिभावकहरुले भने देउता रिसाउने डरले महिनावारी भएको समयमा आफ्ना छोरीहरुलाई विद्यालय जान नदिएको पाएको उनको भनाइ छ ।

महिला स्वास्थ्य स्वयंसेविका अम्मरादेवी कुँवरले एक वर्ष पहिले यहाँका धेरै महिलाहरु छाउ भएको समयमा गोठमा बस्ने, दूध, दही नखाने, पानीका धारा नछुने, चर्पीको समेत प्रयोग नगर्ने भए पनि अहिले भने सबै महिलाहरुले पानीका धारा छुने, दूध, दही खाने, चर्पीको प्रयोग गर्ने गरेको बताईन् ।

उनले एक वर्ष अघिसम्म छाउ भएको बेलामा पानी तिर्खा लाग्दा पानी पिउन नपाएको घटना सुनाइन् ।

बुंगल नगरपालिकाका मेयर धन बहादुर विष्टले सुदुरपश्चिम प्रदेशकै पहिलो छाउगोठ मुक्त नगरपालिका घोषणा गर्नमा यहाँका स्थानीय महिलाहरुको विशेष योगदान रहेको बताए  ।

महिला सशक्तीकरण कार्यक्रम अन्तरगत नगरपालिकाले नितीगत निर्णय गर्दै अघि बढेका कारण समेत उक्त काम सफल भएको र यसमा ग्रामीण जलस्रोत व्यवस्थापन परियोजनाले थप मद्दत गरेका कारण नगरपालिका छाउगोठ मुक्त नगरपालिका घोषणा गर्न सफल भएको उनले बताए ।

अहिले बुंगल नगरपालिकाका कुनै पनि टोलमा छाउगोठ नभएको उनको दाबी छ ।

स्मरण रहोस् नेपाल सरकारले छाउ प्रथा विरुद्ध नयाँ निती समेत ल्याएर कार्वान्वयन गरेको छ । यो प्रथा मान्ने जो कोहीलाई ३ हजार जरिवाना र ३ महिना कैद वा दुवै सजाय हुने कानूनी व्यवस्था छ ।

    Comment Here!

Related NEWS
मुख्य खबर

उपसभामुख बीच अब भिडियो कुराकानी

–महिला खबर– ललितपुर । संघीय संसद र प्रदेश संसदका उपसभामुख बीच बिद्युतीय रुपमा सम्बाद शुरू भएको

पुरुष सभामुखले जब संसद चलाइरहेकै बेला शिशुलाई दूध ख्वाए

एजेन्सी । संसदमा चर्काचर्की बहस चलिरहेकै बेला न्युजिल्याण्डका सभामुखले बच्चालाई दूध खुवाएर बसेका छन्।

छाउगोठ हैन छाउसोच भत्काउँ

-राधिका सापकोटा-  २०७४ असार १ गते म विहान देखि नै अफिसको काममा थिए । जिल्लामा सिन्धुपाल्चोक

बलात्कारको मुद्दा मिलापत्र गर्न खोज्ने ८ जना पक्राउ

–महिला खबर– नेपालगन्ज । बाँकेको कोहलपुर नगरपालिकामा ६ वर्षीया बालिका बलात्कारको मुद्दामा मिलापत्रको प्रयास गर्नेहरूलाई प्रहरीले

अधिकारकर्मीको दबाब : महिला आयोगमा छिटो नियुक्ति गर

–महिला खबर– ललितपुर । राष्ट्रिय महिला आयोग २२ महिनादेखि पदाधिकारीविहीन भएपछि सरोकारवालाले चासो देखाएका छन्।

Read more
ताजा अपडेट
© 2015.All rights reserved by mahilakhabar.com
%d bloggers like this: