समाचार प्रभाबः गोविन्द र रामलालको उपचार सुरु


प्रकाशित मिति :2019-07-16 08:05:04

प्रकाश सिंह

बाजुरा । बाजुराको बुढिनन्दा नगरपालिका २ कोल्टिका रघु सार्कीका १५ वर्षका छोरा गोविन्द र १० वर्षका रामलाल सार्कीको काठमाडौमा उपचार सुरु भएको छ । आर्थिक अभावमा रोग पाल्दै गरेको समाचार महिला खबरमा प्रकाशित भएपछि सामाजिक अभियन्ताहरूले उनीहरूको उद्धार गरि काठमाडौमा उपचार सुरु गरेका हुन् ।

समाचार प्रकाशित भएपछि नेपाल स्वास्थ्य सेवा उपकरण विकास प्रतिष्ठान काठमाडौले दुवै भाइलाई काठमाडौ ल्याएर उपचार सुरु गरेको संस्थाका अध्यक्ष सम्राट सिंह बस्नेतले जानकारी दिए । संस्थाले काठमाडौमा खान, बस्न र उपचारका लागि पहल गर्ने गरि काठमाडौ ल्याएको बस्नेतले बताए ।

गोविन्दको नेपाल मेडिकल कलेज नेपालगञ्जमा उपचार भइरहेको छ । उनको सर्जन, अर्थोपेटिक, छाला सम्बन्धि बिशेषज्ञ चिकित्सकद्वारा उपचार भइरहेको छ । लामो समयदेखिको रोग भएकाले चिकित्सले जाँच सुरु गरेको केही दिनमा रिपोर्ट आएपछि मत्रै रोग के हो भनेर पत्ता लाग्ने बस्नेतले बताए ।

संस्थाका अनुसार गोविन्दका १० वर्षका भाइ रामलालको Extrophy repair  surgery गर्नुपर्ने छ । कम्तिमा ५ पटक सर्जरी गर्नुपर्ने भएकाले रामलालको उपचारका लागि १० लाख भन्दा बढि रकम आवश्यक रहेको संस्थाका अध्यक्ष सम्राट सिंह बस्नेतले बताए ।

चिकित्सका अनुसार रामलालको चाँडै उपचार नगरे क्यान्सर हुने सम्भाबना छ । अन्य चिकित्सकसँग पनि परामर्श भइरहेको केही दिनमा के गर्ने भन्ने निष्कर्षमा आउने उनले बताए । उपचारका लागि १० लाख आवश्यक परेमा संस्थाले मात्रै व्यवहोर्न नसक्ने र त्यसका लागि सबैको सहयोग आवश्यक रहेको बस्नेतले बताए ।

यो पनि हेुर्नहोस्

उपचार नपाएका बालक भन्छन्,‘बाँच्नै मन छैन’

बुढिनन्दा नगरपालिका उपप्रमुख सृष्टि रेग्मीले रामलाल र गोविन्दको उपचारका लागि विभिन्न निकायसँग पहल भइरहेको बताईन् ।

गोविन्दका दुवै खुट्टामा संक्रमणले पिप जमेको छ भने रामलाल जन्मजात रोगको शिकार बन्दै आएका छन् ।

उनीहरूका बुवा रघु सार्की अरुको हलो जोतेर परिवार पालिरहेका छन् । रघुले भने ‘साहु महाजनको हलो नजोते चुलोमा आगो बल्दैन । अभावका बाबजुद जेनतेन परिवार पालिरहेका छु’ उनले छाराहरुको उपचारमा सहयोग गरिदिन सबैसँग आग्रह गरे । उनले थपे, ‘दैव दाहिने भए छोराहरूको उपचार होला ।’

    Comment Here!

Related NEWS
मुख्य खबर

मन्त्री थापा र यूएनएफपीएका कार्यकारी निर्देशकबीच शिष्टाचार भेट

-महिला खबर- ललितपुर । महिला बालबालिका, तथा जेष्ठ नागरिक मन्त्री थममाया थापा र संयुक्त राष्ट्रसंघीय जनसंख्या

नेता महिलाले भने, ‘नेतृत्वमा महिला संख्या बढाउनु पर्छ’

-महिला खबर- ललितपुर । प्रतिनिधिसभाकी उपसभामुख डा. शिवमाया तुम्बाहाम्फेले नेतृत्वमा महिलाको संख्यात्मक र गुणात्मक सहभागिता आवश्यक

पीडितको कुनै दोष हुदैन

-रमा भट्टराई कैलाली- जहाँ मान्छेको बलि चडिरहन्छ हो त्यहीँ जनावरको बलि चडाइनु हुदैन भन्दै एक थरी उफ्रन

रञ्जनाको हत्याप्रती सोच नेपालको ध्यानाकर्षण

-महिला खबर-  विराटनगर–११ पच्चमुखि चोक माइती भएकी रञ्जना सहनी (बहरदार)को दाइजोको निहुँमा हत्या भएको घटनाप्रती मानवबादी

तस्बिरमा हेर्नुस्, बेइजिङ प्लस २५ को समिक्षा कार्याशाला

-महिला खबर- ललितपुर । बेइजिङं २५ को समीक्षाका आजदेखि दुई दिने कार्यशाला गोष्ठी सुरु भएको छ

Read more
ताजा अपडेट
© 2015.All rights reserved by mahilakhabar.com
%d bloggers like this: