असल छोरा बुहारीको सम्मान


प्रकाशित मिति :2019-07-15 13:56:12

सर्मिला बुढाथोकी / महिला खबर

दोलखा । दोलखाको तामाकोसी गाउँपालिकाले २७ जोडी असल छोरा बुहारीलाई नगदसहित सम्मान गरेको छ ।

बृद्ध बुबा आमा ९घरको जेष्ठ नागरिक०को राम्रोसंग हेरचाह गर्ने गाउँपालिकाभित्रका नौ वटा वडाका २७ जोडी असल छोरा बुहारी छनौट गरि सम्मान गरिएको गाउँपालिका प्रमुख इश्वरचन्द्र पोखरेलले बताए ।

त्यसरी सम्मानित हुनेमा विवाह नगरी माइतमै बसेको छोरी समेत रहेको तामाकोसी गाउँपालिकाले जनाएको छ । उनीहरुलाई नगद पाँच हजारसहित सम्मान गरिएको थियो ।

असल छोरा बुहारी तथा छोरी छनौट गर्न गाउँपालिकाले प्रत्येक वडामा समिति बनाएको थियो । उक्त समितिले विनाजानकारी तथा विनापरिचय आफ्नो वडा भित्रका जेष्ठ नागरिक रहेको घरमा पुगी त्यस्ता जेष्ठ नागरिकहरुसंग घरमा छोरा बुहारी वा छोरीले गर्ने व्यवहारको बारेमा कुराकानी गरेको, खानपानको अवस्था, सुत्ने, बस्ने ठाउँको अवस्था आदिको बारे स्थलगत रुपमा जानकारी लिएको र सोहि आधारमा असल छोरा बुहारी तथा छोरीको छनौट गरी सम्मान गरिएको गाउँपालिका प्रमुख पोखरेलले बताए ।

समितिले प्रत्येक वडाबाट तीन जोडी असल छोरा बुहारी छनौट गरेर वडाको सिफारिसमा गाउँपालिकालाई नाम उपलब्ध गराएको र त्यसैको आधारमा गाउँपालिकाले नगद पाँच हजार रुपैयाँ दिई सम्मान गरेको गाउँपालिका प्रमुख पोखरेलले जानकारी दिए ।

गाउँपालिकाले असल छोरा बुहारी छनौट गरि सम्मान गर्दा जेष्ठ नागरिकको स्याहार सुसारमा थप सुधार हुने र सम्मानित हुने छोरा बुहारी तथा छोरीको सामाजिक मर्यादा समेत बढ्ने विश्वास गाउँपालिकाले लिएको प्रमुख पोखरेलको भनाइ छ ।

तस्विरः असल छोरा बुहारीलाई नगदसहित सम्मान गर्दै गाउँपालिका अध्यक्ष इश्वरचन्द्र पोखरेल ।

    Comment Here!

Related NEWS
मुख्य खबर

एसिड पीडित मुस्कानले भनिन्,‘अपराधीको उद्देश्य पूरा हुन दिन्न’

पढ्न जाँदा यस्तो हुन्छ कसरी पढ्ने ?, ’उनले प्रश्न गरिन्, ‘दोषीलाई कडा भन्दा कडा सजाय

हटेन कुरीतिः तीन महिनामा पाँचको हत्या

–महिला खबर– यस त्रैमासिकमा छाउगोठ भत्काउने अभियानबाट सुदुर पश्चिम प्रदेशका अधिकांश महिला मानसिक रुपमा प्रभावित भए

महिला मन्त्रीद्वारा भत्काईएका छाउगोठको अनुगमन

-महिला खबर- अछाम । महिला, बालबालिका तथा जेष्ठ नागरिक मन्त्री पार्वत गुरुङले अछाममा भत्काईएका छाउगोठको

अन्तरविद्यालय स्तरीय महिला क्रिकेट प्रतियोगिता हुने

-लोकेश जोशी- धनगढी । धनगढीमा प्रथम अन्तरविद्यालय स्तरीय महिला क्रिकेट प्रतियोगिता हुने भएको छ ।

नेकपाको ११ बुँदे आचारसंहिताः ‘कसैलाई पनि तँ नभन्नु, छुवाछूत र महिलामाथि हुने हिंसा विरुद्ध खडा हुनु’

कुनै पनि पार्टी सदस्यले महिला हिंसा र छुवाछूतपूर्ण व्यवहार गरेको प्रमाणित भए तुरुन्तै पार्टीबाट निष्काशन

Read more
ताजा अपडेट
© 2015.All rights reserved by mahilakhabar.com
%d bloggers like this: