गर्भवतीलाई पोषण सामग्री वितरण


प्रकाशित मिति :2019-07-11 15:07:06

दुर्गा देवकोटा

कैलाली । कैलालीको टीकापुर नगरपालिकाले पूर्ण संस्थागत सुत्केरी नगरपालिका घोषणाका लागि गर्भवतीलाई पोषण खाद्य सामग्री वितरण गरेको छ । नगरपालिकाले नगर क्षेत्रमा रहेका सुत्केरीलाई एक क्यारेट अण्डा, एक किलो भटमास र फलफूल वितरण गरेको हो ।

नगरपालिकाले १ नं. वडाका सय जना, र अन्य वडाका ३ सय गरी ४ सय जना गर्भवतीलाई पोषण तथा आहार वितरण गरेको हो ।

गर्भवतीलाई अण्डा वितरण गर्दै नगरपालिकाका उपप्रमुख केशरी विष्टले गर्भावस्थामा बच्चा र आमा कसरी स्वस्थ रहने भन्नेबारेमा जानकारी दिन यो कार्यक्रम गरिएको बताइन् । ‘‘गर्भवती अवस्थामा आमा र शिशुको स्वास्थ्यमा बिशेष ख्याल गरिनुपर्छ’ उनले भनिन्, ‘आमाका लागि शान्त, सहज वातावरण पनि चाहिन्छ ।’’

उपप्रमुख बिष्टले यस वर्ष पोषण सामग्री वितरण गरेको र अर्को वर्ष ‘आमासंग उपमेयर’ कार्यक्रम संचालन गरिने जानकारी दिइन् ।

स्वास्थ्य शाखा संयोजक बलबहादुर रावलले पोषण सामग्री वितरणसंगै गर्भवतीलाई गर्भावस्थामा ध्यान दिनुपर्ने कुराहरु, गर्भजाँच, लगाउनुपर्ने खोप, नियमित खानुपर्ने आइरन चक्की जस्ता ज्ञान समेत दिइएको बताए ।

उनले घरमा सुत्केरी हुने दर शून्य गर्न पनि यो अभियान चलाइएको बताए । ‘हामीले गर्भवतीलाई अस्पतालसम्म पु¥याउने वातावरण बनाएका छौं’ संयोजक रावलले भने, ‘नगरपालिकाका सुत्केरीले अस्पतालसम्म एम्बुलेन्समा चढेको रकम तिर्नु पर्दैन । निःशुल्क एम्बुलेन्सको व्यवस्था समेत गरेका छौं ।’ नगरपालिकाले सुत्केरीका लागि आवश्यक रगत समेत निःशुल्क पाइने व्यवस्था मिलाएको रावलले बताए ।

गर्भवती रश्मीला शाहले पोषण संगै गर्भावस्थामा ध्यान दिनुपर्ने कुराबारे सचेत भएको बताइन् । ‘हामीले खाना खाने तरिका नै गलत रहेछ’ शाहले भनिन्, ‘हामी त सुत्केरी भएपछि मात्रै टन्न खादा हुन्छ भन्ने सोच्थ्यौं, गर्भावस्थादेखि नै ख्याल गर्नु पर्ने रहेछ ।’

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: