लैंगिक हिंसा हटाउन पत्रकारको भूमिका महत्वपूर्ण हुने


प्रकाशित मिति :2019-07-11 14:38:38

–महिला खबर–

ललितपुर । लैंगिक विभेद हटाउनका लागि पत्रकारको भूमिका महत्वपूर्ण हुने कुरामा जोड दिइएको छ ।

संचारिका समूह र ओरेक नेपालले आज ललितपुरमा आयोजना गरेको ‘लैंगिक विभेदमा आधारित हिंसा न्यूनीकरणमा संचार माध्यमको भूमिका’ विषयक कार्यक्रममा लैंगिक हिंसा हटाउन संचार माध्यमको महत्वपूर्ण योगदान हुने औंल्याइएको हो ।

कार्यक्रममा बोल्दै संचारिका समूहकी अध्यक्ष नितु पण्डितले पछिल्लो समयमा नेपाली संचार माध्यमले लैंगिक हिंसाका समाचारलाई प्राथमिकताका साथ उजागर गर्न खोजेको जस्तो देखिए पनि लैंगिक संवेदनशीलताको अभावमा कतिपय समाचारले पीडितलाई थप पीडा दिइरहेको बताइन् ।

‘संचार माध्यमको नियतै गलत होइन । तर लैंगिकताको विषयमा समाचार लेख्ने व्यक्ति र सम्पादन गर्ने सम्पादक संवेदनशील नहुँदा समाचारकै कारण पीडितलाई थप पीडा पुगेको छ’ उनले भनिन् ।

ओरेक नेपालका कार्यक्रम संयोजक संजिता तिमिल्सिनाले २०७५ पुस १७ गतेदेखि २०७६ असार १७ गतेसम्म देशभर ८ सय १७ लैंगिक हिंसाका घटना भएको बताइन् । यो अवधिमा ओरेक नेपालमा ६ सय १७ घटना दर्ता भएको र संचार माध्यममा २ सय ५४ घटनाका समाचार प्रकाशित भएको उनले जानकारी दिइन् ।

उनका अनुसार ६ सय १७ मध्ये सबैभन्दा धेरै ४ सय ३३ घरेलु हिंसाका, १ सय २ सामाजिक हिंसा, १ सय ४९ बलात्कार, २८ बलात्कारको प्रयास, ५२ हत्या, ४२ यौन दुव्र्यवहार, ५ हत्या प्रयास, १३ मानव बेचबिखन, ३ बेचबिखनको प्रयास, १८ आत्म हत्या, २६ अन्य घटना घटेका हुन् ।

कार्यक्रममा सहभागी पत्रकारहरूले पछिल्लो समयमा केही अनलाइन र यूटुब च्यानलहरूले पाठक र दर्शक बढाउने उद्देश्यले बलात्कार, बलात्कार प्रयास, हत्या, कुटपिट जस्ता अति संवेदनशील विषयलाई समेत मनोरञ्जनको विषयसरह पस्किरहेको भन्दै यसले पत्रकारितालाई नै बदनाम गर्ने काम गरेकोमा चिन्ता व्यक्त गरे ।

अधिकांश वक्ताहरूले संचार माध्यमका सम्पादक लैंगिकताको विषयमा प्रष्ट हुन सकेको खण्डमा लैंगिक हिंसा विरुद्धका समाचारले प्राथमिकता पाउनेमा जोड दिए ।

कार्यक्रममा विभिन्न संचार माध्यममा कार्यरत ३० जना पत्रकारको उपस्थिती रहेको थियो ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: