उपचार नपाएका बालक भन्छन्,‘बाँच्नै मन छैन’


प्रकाशित मिति :2019-06-28 15:20:51

प्रकाश सिंह/महिला खबर

बाजुरा । उनको नाम हो गोविन्द सार्की । घर त के भन्नु, ओत लाग्ने सानो टहरो छ– बाजुराको बुढिनन्दा नगरपालिका २ कोल्टीमा । उमेर १५ वर्ष भो । कक्षा ६ मा पढ्छन् ।

गोविन्द हलियाका छोरा हुन् । उनका बुबाले साहु महाजनको हलो नजोते चुलोमा आगो बल्दैन । अभावका बाबजुद जेनतेन परिवार पालिरहेका गोविन्दका बुबाले छोराको उपचार गर्न सकेका छैनन् । जसका कारण गोविन्दका दुबै खुट्टा पाकिरहन्छन् । १० वर्ष भनदा अघिदेखि पाकिरहने घाउको उपचार गर्न नसक्दा उनी कष्टपूर्ण जीवन बाँचिरहेका छन् ।

हाँस्ने, खेल्ने र रमाइलो गर्ने उमेरमा विद्यालय र कक्षाकै साथीहरुबाट गोविन्द घृणा सहन बाध्य भएको दुखेसो पोख्छन् । कक्षामा साथीहरु कोही पनि आफ्नो नजिकैसमेत बस्न नचाहने भन्दै साथीहरुकै अपमान र हेलोहोचो सहनु पर्दा आत्म हत्याको सोच आउने गरेको उनले बताए ।

‘गाउँमा, स्कुलमा मलाई देख्यो कि सबैले थुक्छन् । अनि बाँचेर पनि के गर्नु जस्तो लाग्छ । घाउको पीडा र साथीहरुको हेलाले बाँच्नै मन छैन’ उनले आफ्नो बेदना सुनाए ।

यतिबेला गोविन्द र उनको परिवारले उपचारमा सहयोग गरिदिन सबैसँग आग्रह गरेको छ ।

सिटामोल किन्नेसमेत पैंसा नभएको यो परिवारलाई सहयोग गर्न चाहानेले फोन नम्बर 9848513134, 9865617714, 9749004581 मा सम्पर्क गर्न सक्नुहुने छ ।

    Comment Here!

Related NEWS
मुख्य खबर

मर्यादित महिनावारी कि छाउपडी !

‘महिनावारीका कुरा, मर्यादाले हुन्छ पूरा’ वा ‘मिन्स्रुअल् टक, डिग्निटी फस्ट’ नारामार्फत संसारलाई नै आफ्नो पहिचान

नेपालमा मानव अधिकार उल्लंघन र ज्यादतीका घटनामा वृद्धि

–महिला खबर– ललितपुर । अंग्रेजी वर्ष सन् २०१९ मा नेपालमा मानव अधिकार उल्लंघन र ज्यादतीका

घर निकाला भएकी मैनाको आफन्त र उपचार अभावमा ज्यान जोखिममा

-आशिष प्रताप मल्ल- बाजुरा । सन्तान नभएको भन्दै श्रीमान्ले दोस्रो बिहे गरेपछि घर निकाला गरिएकी मैना

सामूहिक बलात्कार आरोपमा दुईजना पक्राउ

महिलालाई जनकपुरधाम उमनपा–४ स्थित विश्वकर्मा चोकमा फागुन ४ गते राति १० बजे सामूहिक बलात्कार गरेको

द्वन्द्व पीडित महिलाको राष्ट्रिय सञ्जाल गठन

–महिला खबर– ललितपुर । सशस्त्र द्वन्द्वका पीडित तथा प्रभावित महिलाहरूको भेलाले द्वन्द्व पीडित महिला राष्ट्रिय

Read more
ताजा अपडेट
© 2015.All rights reserved by mahilakhabar.com
%d bloggers like this: