अमेरिकी सीमा केन्द्रमा बालबालिकाको ‘नाजुक अवस्था’


प्रकाशित मिति :2019-06-26 12:38:44

अमेरिकाको टेक्ससस्थित सिमाना नजिकको एउटा बन्दी केन्द्रबाट झन्डै २५० आप्रवासी बालबालिकाहरू अन्यत्र सारिएका छन् ।

त्यहाँ पुगेका कानुन व्यवसायीहरूले बन्दीगृहमा खाना र औषधी अभाव लगायत त्यहाँको कमजोर एवम् भद्रगोलको अवस्थाबारे बोलेका थिए ।

न्यायाधीशहरूले कानुन व्यवसायीहरूलाई अनुगमनको पहुँच दिएपछि बालबालिकाहरूलाई निकै कम ध्यान दिइएको उजागर भएको हो ।

त्यस्तो नाजुक अवस्थामा बालबालिकाहरूलाई त्यहाँ थुप्रै साता राखिएको थियो ।

अवस्था

त्यस्ता बन्दीगृहमा गत वर्ष यता छ जना बालबालिकाले ज्यान गुमाएका छन् ।

अनुगमनमा गएका एक कानुन व्यवसायीले बताए अनुसार बालबालिकाहरू यसरी थुनिएका थिए, जहाँ कोठाको बिचमा खुला शौचालय थियो । उनीहरू त्यहीं खाने/सुत्ने गर्थे ।

अनुगमन टोलीमा रहेका विलिमेट युनिभर्सिटीका प्राध्यापक वारेन विनफोर्ड भन्छन्, ‘त्यहाँ ती बालबालिकाको ख्याल गर्ने कोही थिएनन् । पहिले भण्डारण गृह रहेको ठाउँमा सयौं बालबालिकाहरू राखिएका थिए । ति भिडभाडयुक्त मात्र थिएनन्, त्यहाँ जुम्राको प्रकोप पनि थियो।’

अमेरिकाअमेरिकी सीमा काट्ने धेरैजसो मध्य अमेरिकी अभिभावकहरूलाई सन् २०१८ मा उनीहरूका बालबालिकाबाट छुट्ट्याइएको थियो ।

आप्रवासी सम्बन्धी राष्ट्रपति डोनल्ड ट्रम्पको शून्य सहनशीलता नीतिका कारण त्यतिखेर झन्डै तीन हजार बालबालिकाहरू अभिभावकबाट अलग्याइएका थिए ।

आलोचना

ती क्षेत्र आसपास बस्ने मानिसहरूले समेत बालबालिकाको त्यस्तो दयनीय अवस्था देख्दादेख्दै सहयोग गर्न नपाउनुलाई ‘हृदयविदारक अवस्था’ भनेका छन् ।

सीमा अधिकारीहरूले एक वक्तव्यमार्फत् ती गृहहरू तोकिएको कामका लागि उपयुक्त नभएको स्वीकार गरेका छन् । तर उनीहरूले आर्थिक स्रोत कमजोर भएकाले त्यस्तो अवस्था आएको तर्क गरेका छन् ।

टेक्ससमा सीमा सुरक्षाकर्मीहरूले यसै साता समेत अध्यागमन प्रणाली छल्दै अमेरिका प्रवेश गर्न खोज्दा सातजना आप्रवासीहरूले ज्यान गुमाएको बताएका छन् । जसमा दुई बालबालिका र एक शिशु छन् ।

डेमोक्रयाटहरूले संसद्को तल्लो सदनमा ४/५ अर्ब डलर बराबरको एउटा आपतकालीन सीमा सहायता ल्याउन प्रयास गरिरहेका छन् ।

तर ह्वाइटहाउसले यसअघि नै त्यसविरूद्ध विशेषाधिकार भिटो प्रयोग गर्नसक्ने चेतावनी दिएको छ ।

राजीनामा

आप्रवासी बालबालिकाहरू राखिने केही बन्दी गृहहरूको अवस्थाका कारण खडा भएको आलोचनात्मक अवस्थाबीच अमेरिकी भन्सार तथा सीमा सुरक्षा निकायका प्रमुखले पदबाट राजीनामा दिएका छन् ।

कार्यवाहक आयुक्तका रूपमा जन स्यान्डर्सले दुई महिनाअघि मात्र उक्त जिम्मेवारी संहालेका थिए ।

बिबिसीकी एकजना सम्वाददाता भन्छिन्, ‘स्यान्डर्सले अर्को साता पद छाड्ने बताएका छन् । उनले कारण खुलाएका छैनन्। तर समाचारहरूका अनुसार मेक्सिकोको सीमामा उत्पन्न भइरहेका सङ्कटको अवस्थाबाट स्यान्डर्स र उक्त निकायका नेतृत्वकर्ताहरू रनभुल्लमा छन् ।’

स्यान्डर्सले त्यस्तो अवस्थाका लागि पैसाको अभाव जिम्मेवार रहेको बताएका छन् । बीबीसी

    Comment Here!

Related NEWS
मुख्य खबर

साबित्री थापाः एउटा चुपचाप संघर्ष

-बिमला तुम्खेवा- यसो भनिरहँदा उनी गम्भीर त देखिइन् । तर पनि अनुहार भने भ्रममुक्त थियो ।

यसरी मनाईयो पुरुष दिवस

विषादीयुक्त पुरुसत्व (Toxic Masculinity) ले पुरुषहरुलाई पनि असर गरिरहेको र लैंगिक समानताका विषयमा पुरुषहरुमा रहेको

भारतमा गरिब बालिकाले कक्षाकोठामा चियाइरहेको भाइरल तस्बिरको वास्तविकता यस्तो छ

यी पाँच वर्षीया बालिका रित्तो भाँडा बोकेर एउटा स्थानीय सरकारी विद्यालयको कक्षाकोठाबाहिर उभिएर भित्र चियाइरहेको

महिला नेतृत्व स्थापित गर्ने ऐतिहासिक अवसरः पाण्डे

भट्टराई राजनीति र समाजको गहिरो अध्ययन भएकाले उनमा समृद्धिको खाका कोरेर अगाडि बढ्न सक्ने क्षमता

आमा कक्षामा अकस्मात मन्त्री छिरेपछि….

उनले भनिन्, ‘उहाँले पनि धेरै मेहनत गरेर मन्त्री हुनुभएको होला । हामी पनि पढाइमा त्यस्तै

Read more
ताजा अपडेट
© 2015.All rights reserved by mahilakhabar.com
%d bloggers like this: