‘र…डी’का भोटहरू


कविता

प्रकाशित मिति :2019-06-24 13:03:23

मेयर सा’ब
धन्न यहाँको उदय भयो
इटरी तिरबाट
धन्न
महापुरुषहरूको यो जगतमा कमी थियो
यहाँले त्यसको कोटा पुरा गरिदिनु भयो
माला र अबिर लगाएर यहाँको
स्वागत गर्दै विजय जुलुस निकाल्नु पर्ने
हामी पनि चुके छौं ।

यहाँ जस्तो महापुरुषको जन्म
यो धर्तीमा हुनु सामान्य कुरै हैन
युगौँ युगपछि हुन्छ
यस्ता महापुरुषको जन्म

इटरीको भूमिमा
‘र….डी’हरूले गर्दा चल्ने
कस्मेटिक पसल, होटल
कन्डम र पिल्स, गर्भपतन केन्द्र, घरभाडा !
ओहो अब यिनका कुरा गरेर होला
तर
मेयर साब
एउटा कुरा यहाँलाइ
भोट पनि
त्यहीका ‘र….डी’हरूले पनि हालेका छन् ।

त्यस्तो महापुरुषलाई
ती भोटहरूले अपबित्र तुल्याउने
भयो
लौन अब यहाँले पाएका भोटहरू
गन्नु पर्यो अनि
त्यहाँबाट सारा ‘र….डी’हरूको भोट फिर्ता गर्नुपर्यो
भोट हाल्दा कण्डम बिना नै हालेका छन् ‘र…डी’हरूले
यहाँलाइ फेरि एचआईभी लाग्ला नि !

मेयर सा’ब
एचआइइभी एड्स भन्ने त सुन्नु भएकै होला नी
कि सुन्नु भएको छैन ?
एक पटक डाक्टरलाई सोध्नुस त
के हो भनेर
के गर्छ भनेर ?

अब आनाकानी मनोमानी हैन मेयर सा’ब
उपचार गर्ने समय आयो
यो उपचार सामान्य छँदैं छैन
अलि महंगो अनि
उपचार नै सम्भव छैन
लागेपछि लागि हाल्यो
त्यसैले
ती सारा ‘र…डी’हरूले कण्डम बिनै
हालेका भोटहरू तुरुन्तै फिर्ता गरेर
आफ्नो ज्यान जोगाउनुस् मेयर सा’ब ।

यहाँ जस्तो
महापुरुष कयौ युगपछि जन्मिन्छन्
त्यसै ती ‘र…डी’हरूको भोटले
एड्स भएर सकिने कुरा हुँदैन
हुन त तपाइलाइ के फरक पार्छ र
हैन र ?
भन्दा पो ‘र…डी’ त
एड्स नै लागे पनि
‘र…डी’ को भोट त
गंगाजल भन्दा पनि पबित्र पो हुन्छ त
कि कसो मेयर सा’ब ??

© रमा भट्टराई कैलाली

    Comment Here!

Related NEWS
मुख्य खबर

छोरीभन्दा छोराको चाहना बढ्दो

-महिला खबर- छोरीभन्दा छोराको चाहना बढेको संयुक्त राष्ट्रसङ्घीय जनसङ्ख्या कोष (यूएनएफपीए) ले जारी गरेको विश्व जनसंख्या

आमाको सम्झनामा पत्रकारलाई स्वास्थ्य सामग्री

-महिला खबर- ललितपुर । नेपाली कांग्रेसका युवा नेता तथा समाजसेवी क्षितिज भण्डारीले आमाको सम्झनामा कैलालीका

नागरिकता ऐन संशोधन गर्ने विधेयक छिटो पारित गर्न नागरिक समाजको माग

नेपाली महिला र नेपाली पुरुषवीच समान नागरिकता अधिकारको सुनिश्चित गर्न अविलम्ब संविधान संशोधन प्रकृयाको थालनी

जसले नयाँ जीवन पाए

–उन्नती चौधरी– सेफ हाउसमा आउने हिंसा प्रभावित महिलाहरू मध्ये पाँच प्रतिशत महिलाहरू पनि छैनन्, जसलाई मनोसामाजिक

सुस्मिताको ससुराबाट बलात्कार पछि परिवारले हत्या गरेको प्रहरी खुलासा

हत्या आरोपमा ससुरा, सासू, नन्द र आमाजू सार्वजनिक ।

Read more
ताजा अपडेट
© 2015.All rights reserved by mahilakhabar.com
%d bloggers like this: