नेपालकी बोनिताले जितिन्, ‘लिड २०३० च्यालेन्ज’


प्रकाशित मिति :2019-06-11 14:42:19

–महिला खबर–

ललितपुर । नेपालकी बोनिता शर्मा ‘लिड २०३० च्यालेन्ज’को बिजेता घोषित भएकी छिन् । कुपोषण र भोकमरी अन्त्य गर्ने उद्देश्यका साथ तीन युवाको साथमा सोसल चेन्ज मेकर्स एण्ड इनोभेटर्स (सोचाई) को सुरुआत गरेकी उनले ५० हजार अमेरिकी डलर पुरस्कार पाउनेछिन् ।

दिगो विकास लक्ष्य प्राप्तिको लागि ‘वान योङ्ग वल्र्ड’ ले विश्व प्रतिष्ठित ब्राण्डहरुसँगको सहकार्यमा लिड २०३० प्रतियोगिताको आयोजना गरेको थियो । यसका लागि विश्वभरिका युवाद्वारा दिगो विकास लक्ष्यको प्रगतिका लागि गरिरहेका कार्यहरुको खोजी गरिएको थियो ।

नविनतम सिर्जना, शिक्षा र सामाजिक व्यवसायमार्फत पोषण र स्वास्थ्य सुधारमा केन्द्रित रहेको सोचाइले दिगो विकास लक्ष्य नं २ को ‘भोकमरीको अन्त्य’ अन्तर्गत एक सय देशबाट आएका एकहजार दुईसय प्रतिस्पर्धीलाई उछिन्दै च्यालेन्ज पार्टनर आरबी गु्रपबाट ५० हजार अमेरिकी डलर पुरस्कार प्राप्त गरेको छ । यो पुरस्कार संगसंगै सोचाईले आरबी गु्रपबाट एक वर्षसम्मको मेन्टोरिङ पनि पाउनेछ ।

पोषण, सरसफाई तथा यस सम्बन्धि जानकारीको अभावले गाउँ–समाजमा निम्त्याएका गम्भीर समस्या समाधान गर्ने दृढ उद्देश्यका साथ अघि बढिरहेको सोचाईले पोषण माला तथा महिनावारी माला जस्ता नयाँ सिर्जनाहरु गर्दै आमा, शिशु, किशोर किशोरी, महिला स्वास्थ्य स्वयमसेविकाहरु तथा समुदाय लक्षित कार्यक्रमहरु गर्दै आइरहेको छ ।

काठमाडौंमै जन्मे हुर्केकी २७ वर्षीया बोनिता आमा लक्ष्मी न्यौपाने र बुबा कृष्ण मुरारी भण्डारीकी पहिलो सन्तान हुन् ।

२० वर्षको उमेरदेखि नै सामाजिक मुद्दामा क्रियाशील बोनिताले यसअघि पनि एसिया प्यासिफिक इनोभेसन अवार्ड २०१६ जितिसकेकी छिन् । उक्त पुरस्कारको राशी पाँच हजार अमेरिकी डलरको रहेको थियो ।

    Comment Here!

Related NEWS
मुख्य खबर

आफ्नै कथा विमोचन गर्नुभो हजुरआमाले

पुस्तकमा ८० वर्ष कटेका महिलाका कथा समेटिएको छ । किताबमा समेटिएका पात्रहरू (हजुरआमा)ले नै किताब

संचारिकाका पहिलो निर्वाचित अध्यक्ष बन्दना राणालाई जनसेवा श्री

-महिला खबर- संयुक्त राष्ट्रसंघीय समितिमा उपाध्यक्ष पदमा निर्वाचित हुने राणा नै पहिलो नेपाली हुन् ।

नेपालको पहिलो रेस्लर महिला भगवतीलाई सुप्रवल जनसेवा श्री

राष्ट्रिय जीवनका कुनै पनि क्षेत्रमा प्रशंसनीय काम गर्ने नेपाली नागरिक वा नेपालको हितमा विशेष योगदान

पत्रकार पण्डित र पुन सुप्रवल जनसेवा श्रीबाट विभुषित हुने

-महिला खबर- यो सम्मान आगामी बैशाख महिनामा प्रदान गरिने छ ।

संविधान दिवसमा प्रधानमन्त्रीले यसो भने (मन्तव्यको पूर्ण पाठ)

धेरै पटक भनेको छु, मैले मृत्युलाई नजिकैबाट देखेको छु । जनबोलीमा भन्नुपर्दा पटक–पटक मरेर बाँचेको

Read more
ताजा अपडेट
© 2015.All rights reserved by mahilakhabar.com
%d bloggers like this: