सञ्चारिकाका निवर्तमान अध्यक्ष शर्मालाई राष्ट्रिय पत्रकारिता पुरस्कार


प्रकाशित मिति :2019-05-07 18:35:35

–महिला खबर–

ललितपुर । वरिष्ठ पत्रकार एवम् संचारिका समूहकी निवर्तमान अध्यक्ष निर्मला शर्मा राष्ट्रिय पत्रकारिता पुरस्कार २०७५ बाट पुरस्कृत भएकी छिन् ।

नेपाल सरकार, संचार तथा सूचना प्रविधि मन्त्रालयले हरेक वर्ष प्रदान गर्ने उक्त पुरस्कार राष्ट्रपति विद्यादेवी भण्डारीले एक समारोहकाबीच मंगलबार शर्मालाई प्रदान गरेकी हुन् । पुरस्कारको राशी एक लाख रुपैयाँ रहेको छ ।

शर्मा २५ वर्ष भन्दा लामो समयदेखि पत्रकारितामा क्रियाशील छिन् । लैंगिक समानता कायम गर्न संचारिका समूहले कान्तिपुर टेलिभिजनमार्फत प्रसारण गर्ने कार्यक्रम ‘समकोण’ को निर्माता तथा निर्देशक शर्मा लैंगिक विज्ञका रुपमा समेत परिचित छन् ।

शर्मासँगै २ जना पत्रकारलाई वरिष्ठ पत्रकारिता पुरस्कार र ६ जनालाई राष्ट्रिय पत्रकारिता पुरस्कार प्रदान गरिएको हो । पुरस्कृत हुने अन्य पत्रकारहरुमा वरिष्ठ पत्रकारिता पुरस्कारबाट बद्रीबिनोद प्रतिक र तीर्थ कोइराला रहेका छन् ।

त्यस्तै राष्ट्रिय पत्रकारिता पुरस्कारबाट सम्मानित हुने पत्रकारहरुमा उमिद वागचन्द महाकाली, माधब बिद्रोही मेची, डण्ड गुरुङ, खिलबहादुर भण्डारी र माला कर्ण रहेका छन् ।

पुरस्कृत हुने वरिष्ठ पत्रकारले २ लाख रुपैयाँसहित प्रमाण पत्र र राष्ट्रिय पत्रकारिता पुरस्कार पाउने ६ जनाले जनही एक एक लाखका दरले नगद पुरस्कार प्रमाण पत्र पाएका हुन् । मन्त्रालयले हरेक वर्ष राष्ट्रिय पत्रकारिता दिवसको अवसरमा उक्त पुरस्कार प्रदान गर्दैै आएको छ ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: