किन पक्राउ परेनन् कञ्चनलाई जिउँदै जलाउने श्रीमान् ?


प्रकाशित मिति :2019-04-29 12:54:50

–महिला खबर–

ललितपुर । परिवारबाटै जिउँदै जलाइएकी सिरहाकी कञ्चन मण्डललाई आगो लगाउने श्रीमानलाई प्रहरीले अझै पक्राउ गर्न सकेको छैन ।

गएको बिहीबार श्रीमान बेचन मण्डल खत्वे सहित सासू सुरवी खत्वे र दुई नन्द आशा र सुनिता मिलेर कञ्चनलाई जिउँदै जलाएका थिए ।
शरीरको ८० प्रतिशत भन्दा बढी भाग जलेको कञ्चनको उपचारको क्रममा काठमाडौंमा शुक्रबार ज्यान गएको थियो ।

प्रहरीले कञ्चनलाई जलाउने मध्ये सासू सुरवीलाई सोही दिन पक्राउ गरेपनि श्रीमान र दुई नन्दलाई अहिलेसम्म पक्राउ गर्न सकेको छैन । भने, अहिलेसम्म कञ्चनलाई जलाइएको कारणसम्म पनि पुग्न नसकेको प्रहरीले नै बताएका छन् ।

सिराहको इलाका प्रहरी कार्यालय मिर्चैयाका प्रमुख डिएसपी सुकदेव खनालले सख्त घाइते अवस्थामा उपचारको क्रममा कञ्चनले – ‘घरवाला (श्रीमान), सासू र दुई नन्दमिलेर भान्छामा खाना पकाइरहँदा पछाडिबाट मट्टीतेल छर्किएर आगो लगाइदिए ।’ भनेको बाहेक अन्य तथ्य फेला पार्न नसकेको बताए ।

उनले प्रारम्भिक अनुसन्धानको क्रममा घरायसी झगडाको कारण आगो लगाइएको देखिएपनि यथार्थ भने आइनसकेको बताए ।

पक्राउ परेकी कञ्चनको सासू सुरवीलाई आइतबार सात दिनको म्याद थप गरेर अनुसन्धान गरिरहेको डिएसपी खनालले जानकारी दिए । फरार रहेका श्रीमान र दुई नन्दको खोजी भइरहेको उनले बताएका छन् ।

उपचारको क्रममा काठमाडौंमा ज्यान गएकी कञ्चनको पोष्टमार्टम पछि आइतबार माइती पक्षले दाहसंस्कार गरेका छन् । पोष्ट मार्टम रिपोर्ट भने नआएको डिएसपी खनालले जानकारी दिए ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: