सीपले बनायाे आत्मनिर्भर


प्रकाशित मिति :2019-04-21 12:49:24

पर्सा । छठी कुमारी मंडल १७ वर्षकी भइन । जय किशोरी संवाद किशोरी टेलर्स चलाई रहेकी उनी अन्य किशोरीलाई पनि आफ्नो सीप सिकाएर आत्मनिर्भर बनाउने प्रयास गर्दै छिन् ।

घरायसी कारणले कक्षा ८ सम्म पढेर पढाई छाड्नु परेका उनको हातमा कपडा सिलाइ गर्ने सीपले आत्मविश्वास बढाएको छ । ७ जना दिदी बहिनी मध्ये पाचौ नम्बरकी उनले मजदुरी गरेर परिवार चलाउने बुवालाई पनि सघाई रहेकी छन् ।

फाइल फाेटाे

कुर्ता सलवार, पेटिकोट, ब्लाउज, पाइन्ट, सर्ट, कट्टु, जामा आदि सहजै सिउन सक्ने उनी अन्य किशोरीहरूलाई निःशुल्क यो शिप सिकाई रहेकी छन् ।

उनलाई आत्मनिर्भर बनाउने भूमिका खेल्यो उनको टोलमै संचालित किशोरी संवाद कार्यक्रमले । समूहमा २५ जना स्थानीय किशोरीहरू सहभागी भएर आआफ्ना अनुभव, भोगाई, समस्या आदिबारे छलफल गर्न थालेपछि उनलाई संवादका सदस्यहरूले कपडा सिलाउने टेलर्स चलाउन सुझाव दिए ।

छठी पनि आत्मनिर्भरताले आफ्नो आत्मविश्वास पलाएको बताउछिन् । ‘मेरो पढाई पनि छुटेको थियो, घरको आर्थिक अवस्था पनि कमजोर थियो,’ उनले भनिन्, ‘अहिले कमाएर बुवालाई पनि सघाउने भएकी छु आशा छ आउदा दिन अझै राम्रो हुँदै जानेछन् ।’
किशोरी संवाद कार्यक्रम संचालन गरेको संस्था नेपाल ग्रामीण पुनर्निर्माण संस्थाले छठीलाई टेलर चलाउन सिलाई मेसिन, आइरन, कैंची, स्केल, कुर्सी आदि सहयोग स्वरुप उपलब्ध गराई दिएको छ ।
संस्थाकी पर्सा बारा कार्यक्रम संयोजक भगवती शर्मा भण्डारीले १ बर्षको प्रयास पछि किशोरीहरूको सोंच र व्यवहारमा निक्कै परिवर्तन आएको बताइन् ।
संवादको माध्यमबाट पनि धेरै समस्या र कुरीतिहरू बिरुद्ध संघर्ष गर्न र समस्याहरूको समाधान गर्न सकिने र किशोरी र उनीहरूका परिवारका सदस्यको सोच र मानसिकता परिवर्तन गरी उनीहरूलाई स्थानीय सरकारले उपलब्ध गराउने सेवा सुविधा बारे जानकार बनाउने देखिआफ्नो हकअधिकार खोज्न सक्षम बनाउने प्रयास संस्थाले गरी रहेको उनले बताइन् ।
‘संवादको माध्यमबाट बाल विवाह न्यूनीकरण गर्ने, विद्यालय जान छाडेका किशोरीहरूलाई पुनः विद्यालयसँग जोड्ने, घरेलु हिंसा न्युनिकरण, दाइजो लगायत बिभिन्न कुरीति बिरुद्ध सचेत गर्ने र तीनै किशोरी मार्फत उनीहरूका अभिभावकहरूलाई पनि सचेत गर्ने प्रयास गरिदैं छ,’ उनले भनिन्, ‘छठीमा आत्मविश्वास र समर्पण दुबै भएकाले उनी छिट्टै आत्मनिर्भरता तर्फ उन्मुख भएकी हुन् ।’

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: