एचआइभी संक्रमित मथुरालाई गंगादेवी शान्ति पुरस्कार


प्रकाशित मिति :2019-04-19 14:04:25

–महिला खबर–

ललितपुर । एक्सन वर्क्स नेपालले समाज परिवर्तनमा महत्वपूर्ण भूमिका खेलेको भन्दै दुईजनालाई पुरस्कृत गरेको छ ।

एक्सन वर्क्सले अछामकी मथुरा कुँवर र जुम्लाका सरोज शाहीलाई पुरस्कृत गरेको हो । शुक्रबार भएको पुरस्कार वितरण कार्यक्रममा उनीहरुलाई जनही पाँच हजार रुपैयाँ र सम्मानपत्र प्रदान गरिएको थियो ।

अछामकी मथुरा कुँवर एचआइभी संक्रमित भएपछि आफ्नै समाजबाट भएको हिंसा, लाञ्छनाका बाबजुद समाज परिवर्तन गराउन सफल महिला हुन् । उनको विवाह ११ वर्षमा भएको थियो भने ३५ वर्षमा विधवा भएकी थिइन् । उनी अहिलेसम्म पनि सामाजिक तथा राजनीतिक क्षेत्रमा क्रियाशिल छिन् ।

जुम्लाका शाहीले भने कर्णालीमा खेल तथा शिक्षा क्षेत्रमा सुधार गर्न पहल गरेका छन् । उनले कर्णालीका विभिन्न विद्यालयलाई कम्प्युटर लाइब्रेरी तथा पुस्तक, शैक्षिक सामग्री वितरणमा सहयोग गरेका छन् ।

उनीहरु दुबैलाई एक्सन वक्र्सकी संस्थापक तथा अभियन्ता राधा पौडेलको पुस्तक खलंगामा हमलाले पाएको मदन पुरस्कारको राशीबाट स्थापित मितेरी गंगादेवी शान्ति पुरस्कार प्रदान गरिएको हो ।

पुरस्कार वितरण कार्यक्रममा सांसद तथा नेकपाको संसदीय दलको सचेतक शान्ता चौधरी र राधा पौडेलका बुबा देवीप्रसाद पौडेलले पुरस्कार वितरण गरेका थिए ।

सोही कार्यक्रममा शिक्षा क्षेत्र मार्फत सामाजिक क्षेत्रको परिवर्तनमा क्रियाशिल के एण्ड के इन्टरनेशनल कलेज र उज्वलतारा विद्यालयलाई पनि सम्मान गरिएको थियो । कार्यक्रममा पुरस्कृत हुनेहरुले आ–आफ्नो संघर्षका कुरा सुनाएका थिए ।

    Comment Here!

Related NEWS
मुख्य खबर

खुकुरी प्रहार गरी घाइते बनाएको घटनाका आरोपित विरूद्ध प्रहरीमा उजुरी

–महिला खबर– पाँचथर । श्रीमती र सासूलाई खुकुरी प्रहार गर्ने व्यक्ति विरुद्ध प्रहरीमा उजुरी दर्ता भएको

मानव बेचबिखन : ४२ बिलियन डलरको कारोबार

-टीएन कुँवर- आजको आधुनिक युगमा पनि मानिसले मानिसलाई नै बेचबिखन गर्ने जस्तो घृणित कार्य रोकिएको छैन

यी हुन् नेकपाको विभाग प्रमुख पाउने भाग्यमानी महिला

-महिला खबर- ललितपुर । नेकपाले पार्टीको ३२ वटा विभागको प्रमुख तोकेको छ । तर ३२ विभागको

श्रीमती र सासूलाई खुकरी प्रहार गरी फरार

-महिला खबर- पाँचथर । पाँचथरमा एक व्यक्तीले श्रीमती र सासूलाई खुकुरी प्रहार गरी घाइते बनाएका छन्

डा. तुलाधर प्रदेश विकास परिषद्को सदस्यमा मनोनीत

-महिला खबर- ललितपुर । अधिवक्ता डा. जानकी तुलाधर गण्डकी प्रदेश सरकार मन्त्री परिषदको नीति तथा योजना आयोगमा

Read more
ताजा अपडेट
© 2015.All rights reserved by mahilakhabar.com
%d bloggers like this: